San Juan 13:10 - Biblia

¹⁰ Jayawe Jesús jei chupe: “Uyau ma wae ipɨño ma oyoeta, echa’ä jete ikɨa’ä ma oï. Jare pe reta ikɨa mbae ma ko. Erëi ime pëti pepɨte pe ikɨa reweño oï Tumpa kotɨ wae,” jei chupe reta.

Guaraní Pe (Western): Simba

¹⁰ —Uyau ma vae uyau yeta'ã ma —jei Jesús—. Ipɨño ma oyoeta. Echa'ã opaete jete iquɨa mbae ma. Jare pe reta pequɨa mbae ma. Ẽrei opaete'ã co pe reta —jei.

San Juan 13:10 Iomraidhean Croise

San Mateo 6:12

Jare kërái ore oremandua’ä ïru wae reta pe jokua mbaembae uyawɨ orekotɨ wae re, jukuärái wi nde awɨye mii nemandúa orewe mbaembae nduyawɨ ndekotɨ wae re.

San Juan 13:18

“Erëi che aikuaa mbaetɨ ko opaete pe reta piyekoueteta jukuärái,” jei. “Che pukuaa kawi ko puparawo ramo wiwe. Jare aikuaa wi pëti pepɨte pe oï wae chemeeta cherowaicho reta pe, echa’ä imeta ko uyeyapo kërái Tumpa iñeerɨru pe arakae uyekuatía iko wae rami. Echa’ä joko pe uyekuatía oï kuärái: ‘Jokua ukaruse che ndiwe wae añawe uyerowa chewi jare chemee cherowaicho reta pe.’ Jukuärái uyekuatía oï,” jei chupe reta.

San Juan 13:9

Jayawe Pedro jei Jesús pe: “Jayawe, cheYa, iyoe chepo jare chäka wi. Awɨye iyoe chepɨño,” jei chupe.

San Juan 15:3

“Jare pe reta ko jae jokua uva jäka uyeyoe wae rami, echa’ä añawe che pomboe wae japo kawi ma pepɨa pe jare pekɨa mbae peï Tumpa kotɨ,” jei chupe reta.

2 Corintios 5:17

Jayawe ime yawe kía pëti ramiño oï Cristo re wae, jae ko Tumpa jembiapo ipɨau wae. Jae jeko indechikue uasa ma. Mase, añawe jae ko ipɨau wae.

2 Corintios 5:21

YandeYa Cristo uyapo’ä etei ko mbae kachi wae. Erëi Tumpa uiporaraka chupe opaetei mbaembae kachi yayapo wae re Cristo etei jokua mbaembae uyapo wae rami. Jukuärái Tumpa uyapo yandepuere waerä ñaï kawi jae ndiwe yandereko mbae wae rami Cristo uyapo yandewe wae rupi.

2 Corintios 7:1

Opaete kua mbaembae Tumpa uikuaaka ma yandewe jae uyapota oï. Jáeramo cheïru puau mii wae reta, yamombota ko yandeyuwi ipotawe mbae yandererukachi Tumpa kotɨ wae – jae ko mbae ikawi mbae yayapo yandepɨa pe wae jare yanderete pe wi. Yandereko toya katu too jupi wae re Tumpa wi yaipɨu ramo.

1 Tesalonicenses 5:23

Tumpa ko jae yanembɨpɨakatu wae. Jare jae etei tapeñono tee opaete mbae ikawi mbae wae wi. Jare tuyandareko kawi peré – perekowe jare peä jare perete re – awɨye waerä peï teko pe yandeYa Jesucristo ou ye yawe.

Santiago 3:2

Jare opaete yande reta yayawɨñoi ko jeta kërái rái rupi. Erëi ime yawe kía mbaetɨ uyawɨ iñee rupi wae, jae ko jeko jupi wae. Jare jae ipuere uyandareko kawi wi opaete jete re awɨye waerä uyawɨ Tumpa kotɨ.