San Juan 13:1 - Biblia

¹ Añawe koiñoete ma iko pascua iara reta yemɨmandúa pewa. Jare Jesús uikuaa uwäe ma ara ueya waerä kua ɨwɨ oo ye waerä Tu oï wae pe. Jae uauño mái jemimboe reta kua ɨwɨ pe ñonoï wae. Jare añawe jae uechakata iko chupe reta kërái jae uauete reta wae.

Guaraní Pe (Western): Simba

¹ Uyaro ma pascua iara. Jare Jesús uicuaa ara uvãe ma ueya vaerã cua ɨvɨ oo ye vaerã Tu pe. Imeño uau imbae cua ɨvɨ pe ñugüɨnoi vae reta, jare añave uicuaacata quirãi uau ete.

San Juan 13:1 Iomraidhean Croise

San Mateo 26:45

Jayawe ou ye jemimboe reta ñonoï wae pe jare jei chupe reta: “¿Jekuaeño yerá peke jare peputuu peï?” jei chupe reta. “Mase, uwäe ma ora. Che kuimbaerä ayeyapo wae, pëti wae chemee oï jeko kachi wae reta ipo pe,” jei.

San Mateo 28:20

“Jare pemboe reta uyapo waerä opaete che jae pewe wae rupi,” jei. “Mase, che aïta pe reta ndiwe jaeño mái pewa ara taɨkuewa rewa.” Jukuärái Jesús oyokui reta. Jaeño ma.

San Lucas 22:53

“Opa ara rupi che aiko pe reta ndiwe tupao wasu joka pe. ¿Maera pa joko pe chepɨsɨ'ä?” jei chupe reta. “Erëi añawe uwäe ma ora che aï waerä pepo pe. Kua ko jae ora Añawasu jare aña reta imbaepuere uyekuaa waerä michi pewa,” jei Jesús chupe reta.

San Lucas 9:51

Jare uwäe seri ma ara Jesús oo ye waerä ara pe. Jáeramo jae jei oo waerä Jerusalén kotɨ.

San Juan 11:55

Jare koiño ma ou pascua iara reta uyemɨmandúa waerä judío reta. Jáeramo jeta wae reta yuraa opaete tëta wasu raɨ reta wi Jerusalén pe ndei uwäe pascua mbowe. Echa’ä uipota uyeyapɨkatu kawi reta Tumpa kotɨ ipuere umbɨasa kawi reta waerä pascua iara reta.

San Juan 12:23

Jayawe Jesús jei: “Tenonde che kuimbaerä ayeyapo wae imeta ko mbae asa aï rani, jare jukuärái cheree uyembutuichaka waerä. Jare añawe uwäe ma ara jokua uyeyapo waerä,” jei.

San Juan 13:3

Erëi Jesús uikuaa kawi Tu umee ma chupe mbaepuere opaete mbaembae re. Jare uikuaa wi jae Tumpa wi ou wae, jare uikuaa wi oo yeta ma oï Tumpa pe wae.

San Juan 13:34

“Añawe che aikuaaka aï pewe mbae ipɨau wae piyapo waerä. Jae ko kua: Piyerauta ko päwe rewe. Piyerau päwe kërái che puau rami.

San Juan 14:28

“Che jae ma pewe: ‘Che ata ma jare ayu yeta aiko waerä pe reta ndiwe.’ Jukuärái amɨmbeu pewe. Jare pe reta añetete cherau yawe, piyerowiata tëi ko, echa’ä che a yeta ma aï cheRu oï wae pe. Jare cheRu imbaepuere tuichaete chewi,” jei chupe reta.

San Juan 14:31

“Erëitu kua uyeyapota oï cheRu jei ramo. Jáeramo che añemee aï ayapo waerä cheRu jei wae, echa’ä aipota opaete ɨwɨ pewa reta uikuaa waerä auete ko cheRu wae,” jei Jesús jemimboe reta pe. Jare Jesús kua opa ma jei yawe, jei chupe reta: “Pepüa. Ya ma kua wi.”

San Juan 16:28

“CheRu wi etei ko ayu kua ɨwɨ pe. Jare añawe a yeta ma aï kua ɨwɨ wi cheRu oï wae pe,” jei Jesús chupe reta.

San Juan 17:1

Kua jei ma yawe, Jesús jowaɨwa ara kotɨ umae jare jei: “CheRu mii, uwäe ma ara che amano waerä,” jei. “Añawe kua mbae asata aï wae rupi, ikuaaka mii che ndeRaɨrä aiko wae cheree tuichaete ye ko wae. Jayawe chepuereta aikuaaka nderee tuichaete ye ko wi,” jei.

San Juan 17:16

“Che kua ɨwɨ pewa’ä ko, jare jae reta jae nunga wi kua ɨwɨ pewa’ä ko.

San Juan 17:26

“Che aikuaaka ma chupe reta nde rewa, jare jekuaeño che ayapota jukuärái jae reta cherau waerä kërái nde cherau rami. Jare jukuärái che etei aïta jae reta ndiwe. Jukuärái ko ayerure ndewe,” jei Jesús.

San Juan 17:5

“Jare añawe, cheRu, a yeta ma aï ndepɨ kiape aikose wae pe ndei ɨwɨ uyeyapo mbowe. Chemandúa kawi, che aikose nde ndiwe yawe, yande yayembutuichaka päwe yaiko. Añawe iyapo mii yayembutuichaka päwe ye waerä kërái yaikose wae rami,” jei.

San Juan 18:4

Erëi Jesús uikuaa jokua uyeyapota iko chupe wae. Jayawe oo owäiti reta jei rewe: “¿Kía pa peka peï?” jei chupe reta.

San Juan 19:28

Jayawe Jesús uikuaa opa ma uyapo opaete mbaembae Tumpa ombou uyapo waerä wae. Jayawe jei: “Cheɨwe,” jei. Jukuärái uyapo uyeyapo waerä kërái Tumpa iñeerɨru pe uyekuatía oï wae rupi.

San Juan 2:13

Jare koiño ma ou pascua iara reta. Jayawe Jesús jare jemimboe reta ndiwe yuraa tëta wasu Jerusalén pe tupao wasu pe.

San Juan 6:4

Jokua ara reta rupi koiño ma ou judío reta uyemɨmandúa waerä pascua ara reta re.

San Juan 7:30

Jáeramo kua uyandu reta yawe, amokue wae reta uipota tëi uipɨsɨ Jesús. Erëi mbaetɨ kiawe ipuere uipɨsɨ, echa’ä ndei uwäe iko ara jae uyepɨsɨka waerä.

San Juan 7:6

Jayawe Jesús jei chupe reta: “Ndei ara uwäe jokuaerä. Erëi pe reta pepuere peo pekɨrëɨ wae rupi,

San Juan 8:20

Jesús kua jei tupao wasu joka pe korepoti Tumpa pewarä uñemee wae jɨru iyɨpɨ pe. Erëi yepe tëi jowaicho reta jowai iko, erëi jowaicho reta ndei uipɨsɨ, echa’ä ndei uwäe ara Tumpa uiparawo wae Jesús uyepɨsɨka waerä.

Romanos 8:37

Aramoi yandewe wi uyeyapota opaete jokua nunga mbaembae reta, erëi jesewe Cristo jekuaeño yanderauete oï, jare jae imbaepuere rupi yande reta jekuaeño opata ñamɨamɨri jokua mbaembae reta.

1 Corintios 1:8

Jare añawe rupi jokua ara yandeYa Jesucristo pewa ou rewa, Tumpa jekuaeño pemɨmɨrätata oï ikotɨ pepuere waerä jokua ara piyemboɨ jae jowai pereko mbae rewe.

Hebreos 3:14

Yanemandúa kawi ñaï kërái yarowia katu Cristo re jaeramo yarowia jese yawe. Jukuärái wi jekuaeño yarowia katu jese ara taɨkuewa uwäe rewa. Echa’ä jukuärái yayapo yawe, uyekuaata añetete ñanoi ma ko tekowe Cristo ndiwe.

Hebreos 3:6

Erëi Cristo ko jae tëta iya taɨ rami etei. Jare jae ko Tumpa jëta iyandarekoa. Jare yande reta ko jae Tumpa jëta pewa reta, jekuaeño ñaneratangätu yawe jare ñaäro yawe yarowia katu rewe Tumpa umeeta oï yandewe wae.

Hebreos 6:11

Jare che aipota pe reta jekuaeño peratangätu kua mbaembae piyapo waerä perekowe opa rewa, jare penoi rewa opaete mbaembae ikawi wae añawe peäro peï wae.

1 Pedro 1:13

Jayawe Tumpa kua mbaembae uyapo pewe ramo, pemɨsɨmi pepɨayemɨngeta piyeyokui waerä chupe. Piko pearakuaa katu rewe. Jukuärái ko pe reta peärota pekɨrëɨ rewe Jesucristo ou yeta wae. Echa’ä jokua ara Tumpa ipɨakawieteta oï pewe kuri.

1 Juan 4:19

Yande yaau ko Tumpa, echa’ä jae rani yanderau ramo.