San Juan 12:6 - Biblia

⁶ Jukuärái jei tëi Judas, erëi añetete mbae’ä chupe iparawete wae reta. Jokua jei, echa’ä jae ko imonda wae ramo. Echa’ä jae uyandareko iko Jesús jare jemimboe reta ikorepoti re, jare joko wi yepe oñomi wɨari iyupe korepoti jae imaerä.

Guaraní Pe (Western): Simba

⁶ Ẽrei jae ipɨatɨtɨ'ã iparavete vae reta re. Echa'ã jucuarãi jei imonda ramo. Echa'ã jae güɨnoi corepoti ĩru vae reta umee chupe reta vae jɨru, jare jecuaeño uequi vɨari chugüi corepoti iyupeguarã.

San Juan 12:6 Iomraidhean Croise

San Mateo 21:13

Jare jei chupe reta: “Tumpa jei iñeerɨru pe kuärái: ‘Cherëta ko jae yerurerenda pewa.’ Jukuärái Tumpa jei. Erëi pe reta piyapo peï imonda wae reta iñemía rami,” jei Jesús chupe reta.

San Juan 10:13

“Jukuärái uyeyapo, echa’ä jokua kuimbae uyandareko tëi owecha reta re korepoti umɨngana waeräño. Mbae’ä chupe owecha parawete reta. Jáeramo ueya reta yawapɨ̈ta pe,” jei.

San Juan 12:5

“¿Maera pa kua kuña umee’ä orewe kua mbae utimbo kawi wae ore ndowaka waerä? Jukuärái ime waerä nonoi korepoti nomborɨ waerä iparawete wae reta. Echa’ä jepɨ ko mbapɨ chiëto ara mbarawɨkɨ jepɨ pewa.”

1 Corintios 6:10

jare imonda wae reta, jare jae reta imaeräño uipotaete korepoti wae reta, jare isawɨpose wae reta, jare uyemɨngeta kachi japicha re wae reta, jare japicha imbaembae upɨ̈ro wae reta wi. Jokua nunga reta ndarau etei ñonoï Tumpa ndiwe jae oï ma yawe opaete wae imburuwicha wasurä jaeño mái pewa.

Gálatas 2:10

Jaeño jei reta orewe: “Jekuaeño pemandúa mii pemborɨ waerä iparawete wae reta orepɨte pe ñonoï wae,” jei reta orewe. Jare jokua ko jae che chekɨrëɨete ayapo aiko wae. Jukuärái ore ndupɨta.

1 Tesalonicenses 5:22

Erëi piñono ikotɨ̈a peyuwi ipotawe mbae ikawi mbae wae.

Santiago 2:2

Aramoi amo pe uiketa kuimbae ikokatu wae piyembatɨ wae pe. Kua kuimbae onoi ipoäkarewa oro pewa jare jemimonde ipöraete wae. Jare aramoi uiketa wi piyembatɨ wae pe kuimbae iparawete wae jemimonde ipächa wae.

Santiago 2:6

Erëi pe reta pemɨmichika peï iparawete wae reta. Mase. ¿Ikokatu wae reta jae’ä yerá uyuwanga katu peré wae jare pereraa mburuwicha reta jowai wae?