San Juan 12:48 - Biblia

⁴⁸ “Erëi jokua chererɨ̈ro wae reta jare chiñee wɨrowia mbae wae reta onoita ko teko ara taɨkuewa pe jae reta uyemboɨ yawe cheRu jowai. Añetete, cheRu umbɨjekota reta chiñee jae wae rupi etei,

Guaraní Pe (Western): Simba

⁴⁸ Jocua güɨrovia'ã cheré jare uyapo'ã che jae chupe uyapo vaerã vae uñeãata co. Echa'ã ara taɨcuegua vae pe cua che jae vae uãata —jei chupe reta—.

San Juan 12:48 Iomraidhean Croise

Isaías 53:3

Jeta wae reta uñamɨtäa jare wɨrɨ̈ro kua kuimbae uiporaraete wae jare tuicha rupi ususere wae. Jae uasa yandeyɨpɨ rupi yawe, yayerowa chuwi jare yande wi yaipota’ä ñamae jese. Jeta wae reta uñamɨtäa kua kuimbae, jare jokua mbae’ä yandewe.

San Mateo 10:15

“Che tae pewe añetete wae, jokua ara ɨwɨ pewa reta uyemboɨ yawe Tumpa jowai Tumpa umbɨjeko reta waerä, jokua tëta wasu pewa reta tätaete ye uiporarata ñonoï jokua arakae tëta wasu Sodoma jare Gomorra pewa reta wi,” jei Jesús chupe reta.

San Mateo 21:42

Jayawe Jesús jei wi chupe reta: “¿Pemɨngeta’ä yerá Tumpa iñeerɨru pe uyekuatía oï wae? Echa’ä joko pe uyekuatía oï umbɨjaanga rewe Upuruepɨ wae re kuärái: ‘Jokua ita tëta iyapoa reta wɨrɨ̈ro omombo iyuwi reta wae, añawe uyeyapo ma chuwi reta ita ikawiete ye wae opaete ïru ita reta tëta pewa wi. Jukuärái Tumpa uyapo. Jare jokua orembɨpɨakañɨete.’ Jukuärái uyekuatía oï,” jei Jesús chupe reta.

San Mateo 25:31

“Che kuimbaerä ayeyapo wae, che ayu yewɨ yawe chembaepuere jembipete rewe, aruta opaete araɨwa reta che ndiwe. Jayawe che awapɨta aï chewapɨa mburuwicha wasu pewa ikawiete ye wae re,” jei.

Marcos 12:10

“¿Pemɨngeta’ä yerá Tumpa iñeerɨru pe uyekuatía oï wae? Echa’ä joko pe uyekuatía oï umbɨjaanga rewe Upuruepɨ wae re kuärái: ‘Jokua ita tëta iyapoa reta wɨrɨ̈ro omombo iyuwi reta wae, añawe uyeyapo ma chuwi reta ita ikawiete ye wae opaete ïru ita reta tëta pewa wi.

Marcos 16:16

“Jare ipotawe kía wɨrowia jare uyembɨsakambuka ɨ pe wae onoita tekowe opa mbae wae. Erëi jokua wɨrowia’ä wae reta, Tumpa umbɨjekota oï reta jare omombota oï reta Tatawasurenda pe jaeño mái pewa,” jei chupe reta.

Marcos 8:31

Jayawe Jesús umbɨpɨ umɨmbeu kawi jemimboe reta pe kërái jae umanota iko wae. Jei chupe reta: “Che kuimbaerä ayeyapo wae imeta ko aiporara jeta. Jare yandetenondewa reta, jare sacerdote itenondewa reta, jare Moisés uikuatía wae re oporomboe wae reta chererɨ̈rota jare cheyukakata reta,” jei. “Erëi kua imeta ko uyeyapo. Jare joko wi mbapɨ ara pe aikowe yeta ayu aï kuri umanokue wae reta ipɨte wi,” jei chupe reta.

San Lucas 10:16

“Ime yawe kía uyapɨsaka peré wae, cheré uyapɨsaka oï rami ko. Jare ime yawe kía pererɨ̈ro wae, che etei ko chererɨ̈ro wi. Jare chererɨ̈ro wae, wɨrɨ̈ro wi ko chembou wae.” Jukuärái Jesús jei jokua setenta jemimboe reta pe ndei jae omondo reta mbowe.

San Lucas 17:25

“Erëi ndei jokua uyeyapo mbowe, che imeta ko täta aiporara, jare añawe rupi yureko wae reta imeta ko chererɨ̈ro wi,” jei chupe reta.

San Lucas 20:17

Jayawe Jesús umae ngatu jese reta jare jei: “¿Këraita pa jayawe ipuere uyeyapo Tumpa iñeerɨru pe uyekuatía oï wae? Echa’ä joko pe uyekuatía oï kuärái: ‘Jokua ita tëta iyapoa reta wɨrɨ̈ro omombo iyuwi reta wae, añawe uyeyapo ma chuwi reta ita ikawiete ye wae opaete ïru ita reta tëta pewa wi,’ jei.

San Lucas 7:30

“Erëi fariseo reta jare Moisés uikuatía wae re oporomboe wae reta uipota’ä uyembɨsakambuka reta Juan pe. Jare jukuärái jae reta wɨrɨ̈ro ko Tumpa ipɨayemɨngeta jae reta imaerä tëi wae,” jei chupe reta.

San Lucas 9:22

Jare jei wi chupe reta: “Che kuimbaerä ayeyapo wae imeta ko aiporara jeta. Jare yandetenondewa reta, jare sacerdote itenondewa reta, jare Moisés uikuatía wae re oporomboe wae reta chererɨ̈rota jare cheyukakata reta,” jei. “Erëi kua imeta ko uyeyapo. Jare joko wi mbapɨ ara pe aikowe yeta ayu aï kuri umanokue wae reta ipɨte wi,” jei chupe reta.

San Lucas 9:26

“Ime yawe kía imara chewi jare chiñee wi wae, che kuimbaerä ayeyapo wae chemarata wi chuwi che ayu ye yawe. Echa’ä ayu yeta ko aï. Jare ayu ye ma yawe, ayuta chembaepuere jembipete rewe, cheRu imbaepuere jembipete rewe, jare araɨwa Tumpa oñono tee wae reta imbaepuere jembipete rewe wi,” jei chupe reta.

San Juan 11:24

“Aikuaa ko, cheYa,” jei Marta. “Aikuaa jae ikowe yeta oï ara taɨkuewa pe, Tumpa umbɨjekowe ye yawe opaete umanokue wae reta,” jei chupe.

San Juan 5:45

“Añetete pe reta ime penoi teko cheRu jowai, erëi che ndarau pumbɨjeko waerä. Moisés etei ko pembɨjekota oï,” jei. “Pe reta pere tëi: ‘Ore nduyapo kawi Moisés uikuatía wae rupi. Jáeramo ikawita oï orewe,’ pere tëi.

San Juan 6:39

“Jare cheRu uipota wae ko jae kua: Jae uipota che ayandareko kawi waerä jae umee chewe wae reta re. Ndarau pëti awe ukañɨ chewi. Jare cheRu uipota ambɨjekowe ye reta waerä umanokue wae reta ipɨte wi ara taɨkuewa pe,” jei.

San Juan 8:47

Echa’ä pe reta Tumpa taɨ'ä ko. Jokua jeko pewa pipota’ä piyapɨsaka. Jaeño Tumpa taɨ reta uyapɨsaka Tumpa iñee re,” jei Jesús chupe reta.

Hechos 17:31

Jukuärái jei Tumpa, echa’ä jae uiparawo ma pëti ara outa oï wae opaete ɨwɨ pewa reta yayemboɨ waerä jae jowai. Jare jae uiparawo ma pëti kuimbae jei waerä yandereko re jupi rupi. Jare Tumpa uikuaaka ma yandewe añetete ko jae uiparawo jokua kuimbae, echa’ä umbɨjekowe ye ma ueru umanokue wae reta ipɨte wi.” Jukuärái jei Pablo chupe reta.

Hechos 3:23

Jare ipotawe kía uyapɨsaka’ä jese wae, Tumpa umbɨsɨrɨta iyuwi. Joko wiwe Tumpa imbae’ä ma ko.’ Jukuärái jei Moisés,” jei chupe reta.

Romanos 2:16

Jayawe Tumpa mbaetɨta iñakañɨ jokua mbaembae reta wi, ɨwɨ pewa reta uyemboɨ yawe jae jowai. Jokua ara ramo Tumpa oñonota Jesucristo jei waerä jae reta jeko re opaete mbaembae uyapo reta wae rupi, jare mbaembae uyapo wɨari ñonoï wae rupi wi. Jekuaeño jukuärái chemiäri, ñee ikawi wae amɨmbeu aï wae rupi.

2 Corintios 4:3

Amokue wae reta pe jokua ñee ikawi wae numɨmbeu wae yawái. Erëi jaeño ko Tatawasurenda kotɨ yuraa ñonoï wae reta pewarä jukuärái.

2 Tesalonicenses 1:8

uiporaraka waerä opaete uikuaa’ä Tumpa wae reta pe. Echa’ä jae reta wɨrowia’ä ñee ikawi wae yandeYa Jesucristo rewa.

Hebreos 10:25

Amokue wae uyembatɨ'ä ma ïru wae reta Cristo re wɨrowia wae ndiwe. Erëi yande reta awɨye yayapo jae reta rami. Yayembatɨ jare ñañemɨatangätu päwe mii. Jare jeieteta ko yayapo jukuärái, echa’ä yaikuaa yandeYa Jesucristo ou yeta wae koiñoete ma oï ramo.

Hebreos 12:25

Tumpa pemɨngeta oï. Jayawe piyapɨsaka kawi jese. Pemandúa peï yanderamɨkue reta re. Jae reta täta uiporara uyapɨsaka’ä reta yawe Moisés jei wae re. Erëi oeteta ko yande yayapɨsaka’ä yawe Jesús jei wae re. Echa’ä Moisés kua ɨwɨ pewaño ko, erëi Jesús ko jae ara pewa.

Hebreos 2:3

Erëi ñee tekowe opa mbae wae rewa ikawiete ko. Jayawe, ¿këraita pa yayepe Tumpa iarasɨ wi yayapɨsaka’ä yawe jokua ñee re? Ndarau yandepuere. Jokua ñee ipɨau wae ikawiete ko, echa’ä yandeYa etei tenonde umɨmbeu. Jare jaɨkue rupi jae iñee uyandu wae reta umɨmbeu yuapɨ ye yandewe jupi rupi.

Hebreos 4:12

Jayawe yayapɨsaka Tumpa iñee re, echa’ä iñee tekowe pewa ko yanemaerä jare ime onoi mbaepuere. Jare ikawiete ko pëti kɨsepuku jaimbeyowai wi. Pëti kɨsepuku ipuere uyasɨa yandewi ñanekäwe iyuapɨka rupi jare ipuere omondoo yandewi. Erëi Tumpa iñee imbaepuerete ko kɨsepuku wi. Echa’ä Tumpa iñee uike yandepɨa pe jare uikuaaka yandewe yandepɨayemɨngeta rewa ikawi ra oï ani ikawi’ä ra.

1 Pedro 1:5

Erëi añawe pe reta peäro peï rambuewe, Tumpa uyandareko oï peré imbaepuere pe, echa’ä pe reta perowia jese ramo. Jare jae jekuaeño uyandarekota oï peré ara taɨkuewa rewa. Jare ara taɨkuewa uwäe ma yawe, jayawe ramo uyekuaata oï opa ma uyeyapo Tumpa ipɨayemɨngeta yanderepɨ waerä.

2 Pedro 3:3

Jare ikawiete ko pikuaa kawi waerä kua: añawe kua ara taɨkuewa rupi imeta oporoyoyai wae reta. Jae reta yurekota mbae kachi waeño uipota uyapo wae rupi

2 Pedro 3:7

Jare jae nunga wi añawe rupi ara jare ɨwɨ, Tumpa iñee rupi oñono tee oï ara taɨkuewa rewa. Jokua ara opaete wae uyemboɨta ñonoï jae jowai jare jae uiporarakata oï opaete uipɨu mbae chuwi wae reta pe. Jare jokua ara ramo Tumpa opata umbái oï tata pɨpe kua ɨwɨ jare opaete mbaembae ara re ñonoï wae.

1 Samuel 8:7

Jare Tumpa jei Samuel pe: “Iyapɨsakaño jese reta,” jei. “Nde’ä ko nererɨ̈ro ñonoï reta. Che etei ko chererɨ̈ro ñonoï reta, echa’ä uipota’ä reta ko che aï waerä jae reta imburuwicharä,” jei chupe.