San Juan 12:44 - Biblia

⁴⁴ Pëti wese ye Jesús omoë iñee chupe reta usapɨkai rewe: “Kía wɨrowia cheré wae, mbaetɨ ko chereño wɨrowia oï. Wɨrowia ko oï wi Tumpa chembou wae re.

Guaraní Pe (Western): Simba

⁴⁴ Jayave Jesús iñeeãta reve jei: —Cheré güɨrovia vae chereño'ã güɨrovia. Güɨrovia chembou vae re —jei—.

San Juan 12:44 Iomraidhean Croise

San Mateo 10:40

Jesús jei wi chupe reta: “Ime yawe kía pembɨasa kawi jëta pe wae, che ko chembɨasa oï rami. Jare jokua chembɨasa wae, chembou wae etei ko umbɨasa oï wi,” jei.

Marcos 9:23

Jayawe Jesús jei chupe: “¿Maera pa nde ndere chewe, ‘nde ndepuere yawe’?” jei. “Opaete mbaembae chepuere ayapo cheré wɨrowia wae pewarä,” jei chupe.

Marcos 9:37

“Jeta wae reta jei tëi sambiaɨ reta usiriwe’ä ko. Erëi che tae pewe, ime yawe kía umbɨasa kawi pëti sambiaɨ kua rami wae, jare jukuärái uyapo cheré wɨrowia ramo, chembɨasa kawi ko oï wi,” jei. “Jare jokua chembɨasa kawi wae, umbɨasa kawi ko oï wi chembou wae,” jei chupe reta.

San Juan 11:43

Jayawe Jesús kua jei ma yawe, usapɨkai rewe jei: “Lázaro, eë joko wi,” jei chupe.

San Juan 13:20

“Che tae pewe añetete wae, che amondo yawe kía umɨmbeu waerä cheré, jare kía wɨrowia jese yawe, cheré etei ko wɨrowia oï. Jare jokua cheré wɨrowia wae, chembou wae re etei ko wɨrowia oï wi,” jei Jesús jemimboe reta pe.

San Juan 5:24

“Che tae pewe añetete wae, ipotawe kía chiñee re uyapɨsaka wae jare chembou wae re wɨrowia wae, jae onoi tekowe opa mbae wae. Tenonde yawe oo iko Tatawasurenda kotɨ, erëi añawe ime ma onoi tekowe opa mbae wae. Tumpa ndarau ma umbɨjeko,” jei chupe reta.

San Juan 7:28

Jesús imeño oporomboe iko tupao wasu joka pe. Jayawe jei usapɨkai rewe: “Añetete pe reta chekuaa ko, jare pikuaa tëi wi kía pewa ko che wae. Jare perowia tëi wi che ayu ko aipota ramoño. Erëi jukuärai’ä ko. Tumpa añetete wae, jae ko chembou. Erëi pe reta pikuaa’ä jae.

1 Pedro 1:21

Jare kua Cristo uyapo pewe wae rupi pe reta piyeko peï Tumpa re. YandeRu Tumpa jae ko umbɨjekowe ye Cristo ueru umanokue wae reta ipɨte wi wae. Jare jae umbɨjekowe ye ma yawe, umee chupe mbaepuere jupiete ye wae. Jukuärái Tumpa uyapo pe reta pikuaa waerä pepuere perowia katu jese umee waerä pewe opaete jae jei umeeta pewe wae.