San Juan 12:42 - Biblia

⁴² Erëitu jesewe jeta judío itenondewa reta wɨrowia Jesús re. Erëi wɨrowia reta kía uikuaa mbae rewe. Echa’ä jae reta uikuaa oë reta yawe Jesús ipepɨka pe, fariseo reta omombota itupao wi.

Guaraní Pe (Western): Simba

⁴² Ẽrei amocue mburuvicha reta güɨrovia Jesús re. Ẽrei uipota'ã jei jae co Cristo fariseo reta jeco pegua. Echa'ã jucuarãi jei yave, fariseo reta omombota tẽi co judío reta itupao güi.

San Juan 12:42 Iomraidhean Croise

San Mateo 10:32

“Jare awɨye pemara chewi. Echa’ä ime yawe kía uyembeu kawi che rewa ïru wae reta jowake, che jae nunga wi amɨmbeu kawita jesewa cheRu ara pe oï wae jowake,” jei chupe reta.

San Lucas 12:8

“Jae nunga wi che tae pewe kuärái: Ime yawe kía uyembeu kawi che rewa ïru wae reta jowake, che kuimbaerä ayeyapo wae jae nunga wi amɨmbeu kawita jesewa opaete araɨwa Tumpa pe uyeyokui wae reta jowake,” jei.

San Lucas 23:13

Jayawe Pilato umbatɨka sacerdote itenondewa reta, jare judío itenondewa reta, jare opaete judío joko pe ñonoï wae reta.

San Lucas 6:22

Jare che kuimbaerä ayeyapo wae, pe reta perowia cheré ramo, ïru wae reta peamɨtäata ñonoï jare pemombota reta iyuwi. Jare jeita reta mbaembae kachi wae pekotɨ, jare jeita pewe reta: ‘Añawasu ko.’ Erëi jukuärái uyapo reta pewe yawe, piyekoueteta peï kuri.

San Juan 11:45

Jare jeta judío yuweru opou María ipɨ wae reta uecha kërái Jesús umbɨjekowe ye Lázaro. Jayawe wɨrowia reta jese.

San Juan 12:11

Echa’ä Lázaro ikowe ye wae jeko pewa jeta judío reta uyerowa sacerdote reta wi Jesús kotɨ jare wɨrowia reta jese.

San Juan 16:2

Echa’ä cheré wɨrowia mbae wae reta pemombota perenoi petupao reta wi. Jare wi uwäeta ara pemano waerä jae reta ipo pe. Jare jae reta wɨrowiata tëi Tumpa pe ko uyeyokui ñonoï peyuka yawe,” jei chupe reta.

San Juan 19:38

Kua jaɨkue rupi pëti kuimbae José jee wae oo Pilato jowai jare jei chupe: “Emaeño mii cheré araa añono waerä Jesús jetekue teöwerenda pe,” jei chupe. Kua José tëta wasu Arimatea pewa ko jare jae ko Jesús jemimboe wi. Erëitu uyekuaaka’ä, echa’ä ukɨye judío itenondewa reta wi ramo. Jayawe Pilato jei chupe: “Jaekawi. Ndepuere nderaa jetekue,” jei chupe. Jayawe José oo umbɨweyɨ kurusu wi Jesús jetekue jare wɨraa.

San Juan 3:2

Pëti wese kua kuimbae ou Jesús oï wae pe pɨ̈tu yawe uyemɨngeta waerä jae ndiwe. Jare jei chupe: “Oporomboe wae, ore nduikuaa ko Tumpa nembou ndeporomboe waerä. Echa’ä nde ndiyapo neï mbaembae kiawe ipuere’ä uyapo wae. Erëi Tumpa nemborɨ'ä yawe, ndarau etei ndepuere ndiyapo jokua nunga mbaembae,” jei chupe.

San Juan 7:13

Erëi kía nungawe jae reta wae wi oë'ä Jesús ipepɨka pe, echa’ä ukɨye reta itenondewa reta wi ramo.

San Juan 7:31

Erëitu jeta joko pe ñonoï wae reta wɨrowia jese. “Jae ko aipo Cristo yae chupe wae,” jei reta. “Mase kërái jeta mbaembae uyapo kiawe ipuere’ä uyapo wae. ¿Kía ye ra ipuereta uyapo mbaembae uasaete ye kua kuimbae wi? Kiawe,” jei reta.

San Juan 9:22

Jukuärái jei kuimbae tu jare ichɨ, echa’ä ukɨye parawete reta judío itenondewa reta wi ramo. Echa’ä jokua mburuwicha reta jei ma, “Ipotawe kía nunga jei ‘Jesús ko jae Cristo yae chupe wae,’ imeta ko uyemomboka yandetupao wi,” jei reta.

San Juan 9:34

Jayawe judío itenondewa reta jei chupe: “¡Ndereko woi ma ndesɨ wi ndea wiwe! ¿Kía pa ko nde oremboe waerä?” jei reta chupe. Jayawe jokua mburuwicha reta omombo kuimbae parawete joko wi.

Hechos 5:41

Jayawe Jesús jemimboe tenondewaete reta oë ye yuraa joko wi. Jare uyerowiaete reta, echa’ä Tumpa umee chupe reta ipuere waerä uiporara Jesús re wɨrowia reta wae re.

Romanos 10:10

Echa’ä yandepɨa rewe yarowia jukuärái yawe, Tumpa umaeta yanderé yandereko mbae wae rami. Jare towake etei yae yawe Jesús ko jae yandeYa wae, jokoropi ko Tumpa yanderepɨ.

1 Juan 4:15

Jare ime yawe kía jei, “Jesús ko jae Tumpa Taɨ” wae, jae uñemɨïru oï Tumpa ndiwe jare Tumpa uñemɨïru oï jae ndiwe wi.

1 Juan 4:2

Kuärái pepuere pikuaa jae ime ra onoi Tumpa iEspíritu wae. Jae jei yawe, “Jesucristo ko jae Upuruepɨ wae kuimbaerä uyeyapo wae,” jukuärái pepuere pikuaa jae iñee ou ko Tumpa wi.