San Juan 12:40 - Biblia

⁴⁰ Uyeyapo chupe reta kërái Isaías uikuatía ye wae rami. Echa’ä jae uikuatía kuärái: “Jokua ipɨatäta wae reta, Tumpa opa uesañoma rami ko awɨye waerä uikuaa kawi reta. Jare jae umbɨpɨatäta ma reta wi awɨye waerä uikuaa reta. Jukuärái Tumpa uyapo ma awɨye waerä jae reta uyerowa ikotɨ. ‘Añetete,’ jei Tumpa, ‘jae reta uyerowa chekotɨ yawe, aepɨta tëi reta,’ jei.”

Guaraní Pe (Western): Simba

⁴⁰ “Tumpa uyapo reta jesa mbae vae reta rami jare umɨpɨatanta, agüɨye vaerã uecha cavi reta, jare agüɨye vaerã uicuaa cavi reta, jare agüɨye vaerã uyerova icotɨ. Echa'ã uyerova yave Tumpa cotɨ, Tumpa umbaita tẽi imbaeyoa reta.” Jucuarãi uicuatía Isaías.

San Juan 12:40 Iomraidhean Croise

Éxodo 10:1

Jaɨkue rupi Tumpa jei Moisés pe: “Ekua ye mburuwicha wasu jowai, echa’ä amɨtäta ye chuwi ipɨa jare imborɨa umbɨarakuaa wae reta ipɨa chuwi wi. Echa’ä aipota aikuaaka chupe reta chembaepuere mbaembae kɨyete pewa ayapo aï wae rupi,” jei chupe.

Éxodo 11:10

Jayawe yepe tëi Moisés jare Aarón uyapo Tumpa imbaepuere rupi jokua mbaembae mburuwicha wasu jowai, jesewe Tumpa jekuaeño umɨtäta mburuwicha wasu ipɨa chuwi. Jáeramo umaeño’ä Israel iñemoñaa reta re oë yuraa reta waerä ɨwɨ Egipto wi.

Éxodo 14:17

“Mase, che amɨtätata sɨndaro reta ɨwɨ Egipto pewa ipɨa chuwi reta peraɨkuemoña reta waerä mar mbɨte rupi. Joko pe aechakata aï chembaepuere opaete ɨwɨ pewa reta pe perowaicho reta amɨamɨri wae rupi. Jae reta ko mburuwicha wasu, opaete isɨndaro reta, opaete ikarosa ñeräro pewa reta, jare opaete isɨndaro opo kawayu re wae reta wi. Amɨamɨri reta yawe, opaete ɨwɨ Egipto pewa reta uikuaata che ko jae opaete wae iYa,” jei Tumpa Moisés pe.

Éxodo 14:4

“Jare che amɨtäta yeta mburuwicha wasu ipɨa chuwi,” jei. “Jayawe jae peraɨkuemoñakata oï pepɨsɨka waerä tëi. Erëi che amɨamɨrita aï mburuwicha wasu jare opaete isɨndaro reta, jare jukuärái aikuaakata aï opaete ɨwɨ pewa reta pe chembaepuere. Taɨkue rupi opaete ɨwɨ Egipto pewa reta uikuaata che ko jae opaetei wae iYa,” jei Tumpa Moisés pe. Jayawe Israel iñemoñaa reta uyapo kërái Tumpa jei wae rupi.

Éxodo 14:8

Israel iñemoñaa reta oë yuraa yureko reta ɨwɨ Egipto wi upurumɨamɨri pota wae rami. Jare Tumpa umɨtäta chuwi mburuwicha wasu ɨwɨ Egipto pewa ipɨa. Jáeramo mburuwicha wasu isɨndaro reta ndiwe uaɨkuemoña Israel iñemoñaa reta.

Éxodo 4:21

Jare yuraa reta rambuewe, Tumpa jei ye Moisés pe: “Ndeo newäe yawe ɨwɨ Egipto pe, chembaepuere rupi iyapo mburuwicha wasu jowai opaete mbaembae che aechakata aï ndewe wae,” jei. “Erëi che amɨtätata mburuwicha wasu ipɨa chuwi. Jayawe jae umaeñota’ä Israel iñemoñaa reta re oë wɨrae yuraa waerä,” jei.

Éxodo 7:13

Erëi jesewe mburuwicha wasu imeño ipɨatäta, jare uyapɨsaka’ä Moisés jare Aarón re kërái Tumpa jei rami.

Éxodo 7:3

“Erëi che amɨtätata mburuwicha wasu ipɨa chuwi. Yepe tëi che ayapota chupe mbaembae kɨyete pewa ɨwɨ Egipto pe, erëi jesewe jae uyapɨsakata’ä piñee re. Jáeramo aiporarakata jasɨ katuete rupi opaete ɨwɨ Egipto pewa reta pe. Jare anoeta kuri ɨwɨ Egipto wi Jacob doce taɨ pëti pëti iñemoñaa reta rupi. Echa’ä jae reta che aiparawo wae reta ko,” jei.

Éxodo 9:12

Erëi Tumpa umɨtäta ye mburuwicha wasu ipɨa chuwi. Jayawe mburuwicha wasu uyapɨsaka’ä Moisés jare Aarón iñee re kërái Tumpa jei uyeyapota wae rami.

Isaías 53:5

Erëi Tumpa kotɨ yande yayawɨ ramo, umbɨpere reta kua kuimbae yandepepɨka pe. Jae uiporara ñenupa rupi yandepuere waerä ñañemɨïru ye Tumpa ndiwe. Jare jae ipere wae rupi yande yakuera.

San Mateo 15:14

“Jáeramo awɨye piyembɨpɨa’ä jae reta jei wae re. Jae reta uyererowia tëi uruwata ñonoï ïru wae reta Tumpa kotɨ. Erëi añetete jae reta jesa mbae wae uipoko uruwata ïru jesa mbae wae rami ko. Jare jukuärái yawe, mokui rewe uasawita ɨwɨkua pe,” jei chupe reta.

Marcos 4:12

‘Uechata tëi reta che mbaembae ayapo wae, erëi ndarau uikuaa kawi reta. Uyanduta tëi reta chiñee, erëi ndarau uikuaa reta. Jukuärái uyerowata’ä reta chekotɨ ambái waerä chuwi reta teko onoi chekotɨ wae.’ Jukuärái uyekuatía oï,” jei Jesús chupe reta.

Marcos 6:52

Echa’ä yepe tëi jae reta uecha Jesús umbɨjeta mbɨyape jare pira umɨngaru waerä jeta wae reta, erëi jesewe ndeiño uikuaa kawi reta Jesús imbaepuere rewa. Echa’ä uipota’ä umaeño iyé reta wɨrowia waerä Jesús re.

San Lucas 4:18

“Tumpa ikoño mái wae iEspíritu oï cheré, echa’ä jae cheparawo a amɨmbeu waerä ñee ikawi wae iparawete wae reta pe. Jae chembou ambɨpɨakatu waerä ipɨatɨtɨ wae reta, jare amɨmbeu waerä pereso reta pe kërái ipuere waerä uyembopoika reta. Chembou wi amɨmae waerä jesa mbae wae reta, jare aepɨ waerä uiporara wae reta jowaicho reta wi.

San Lucas 8:10

Jayawe Jesús jei chupe reta: “Tumpa imbaepuere mburuwicha wasu pewa umbɨpɨ ma uyekuaa kua ɨwɨ pe. Jare jokua re ko che amɨmbeu aï,” jei. “Tenonde yawe Tumpa uikuaaka’ä kía pe awe kua mbaembae rewa. Erëi añawe uñemee ma pewe pikuaa kawi waerä. Erëi che amboe ïru wae reta ambɨjaanga rewe awɨye waerä uikuaa kawi reta. Echa’ä jae reta uecha tëi che mbaembae ayapo wae jare uyandu reta tëi wi chiñee, erëi jesewe uipota’ä wɨrowia reta cheré,” jei chupe reta.

San Juan 12:39

Jáeramo jokua judío reta ipɨatäta ramo, ipuere’ä wɨrowia reta Jesús re.

San Juan 9:39

Jare Jesús jei: “Che ayu ko ambɨyekuaa waerä ɨwɨ pewa reta mbae oï ipɨa pe wae. Jokua uikuaa iyupe jesa mbae ñonoï Tumpa kotɨ wae reta, che jesa aipeata chuwi reta. Jare jokua uyererowia tëi ipuere uecha kawi wae reta, ambɨyekuaata kërái añetete jesa mbae ñonoï Tumpa kotɨ wae,” jei.

Hechos 15:3

Jayawe yuraa reta tëta wasu Jerusalén kotɨ. Jare yuraa yureko rambuewe, uasa reta ɨwɨ Fenicia rupi jare ɨwɨ Samaria rupi. Jare jokoropi umɨmbeu reta Cristo re wɨrowia wae reta pe kërái jeta judío mbae wae reta uyerowa ma Tumpa kotɨ. Jare kua uyandu yawe, uyerowiaete opaete jokua hermano reta.

Hechos 28:26

‘Ekua ere Israel pewa reta pe che jae aï chupe reta kuärái: ‘Piyanduta tëi chiñee, erëi pikuaata’ä etei. Pechata tëi che mbaembae ayapo wae, erëi ndarau pikuaa kawi.’

Hechos 3:19

“Jayawe peya pepɨayemɨngeta jupi mbae wae jare piyerowa Tumpa kotɨ, jae umbái pewi waerä opaete teko penoi ikotɨ wae,” jei.

Romanos 9:18

Jayawe kua pe yaecha ñaï kërái Tumpa uiparareko jae uipota uiparareko wae, jare umbɨpɨatäta kía jae uipota umbɨpɨatäta wae.