San Juan 12:38 - Biblia

³⁸ Echa’ä imeta ko uyeyapo jokua arakae Tumpa iñee umɨmbeu wae Isaías uikuatía wae. Echa’ä jae uikuatía kuärái: “CheYa, ¿ime ra kía yepe wɨrowia oriñee re wae? ¿Uecha’ä yerá reta nembaepuere?” Jukuärái uikuatía arakae Isaías.

Guaraní Pe (Western): Simba

³⁸ uyeyapo vaerã Isaías uicuatía vae - Isaías co jae Tumpa iñee aracae umɨmbeu vae. Echa'ã Isaías uicuatía cuarãi: “CheYa, ¿quía pa güɨrovia numɨmbeu vae? ¿Quía nunga vae pe pa ndicuaaca nembaepuere?” Jucuarãi uicuatía Isaías aracae.

San Juan 12:38 Iomraidhean Croise

Isaías 53:1

¿Ime ra kía yepe wɨrowia oriñee re wae? ¿Uecha’ä yerá reta Tumpa imbaepuere?

San Mateo 15:7

“Pe reta añetete wae nunga piyeyokui Tumpa pe. Isaías uikuatía arakaete peré wae jupi ko. Echa’ä jei kuärái:

San Mateo 16:17

Jayawe Jesús jei Pedro pe: “Nde Simón, Jonás taɨ, ndiyekouete neï. Echa’ä cheRu ara pe oï wae uikuaaka ma ndewe jokua. Mbaetɨ ye kía uikuaaka ndewe wae,” jei chupe.

San Mateo 27:35

Jayawe sɨndaro reta uikutu kurusu re Jesús, jare umbɨyemboɨ reta oñono kurusu. Joko wi uyuwari reta Jesús jemimonde re, pëti pëti wae uikuaa waerä mbae nunga wɨraata iyupe wae. Jukuärái uyeyapo Tumpa iñee arakae umɨmbeu wae jei wae rupi. Echa’ä jae jei arakae kuärái: “Umbɨyao reta iyupe cheremimonde. Uyuwari reta jese uikuaa waerä kía ra wɨraata iyupe wae.” Jukuärái jei.

San Juan 12:37

Jesús uyapo ma judío reta jowake jeta mbaembae kiawe ipuere’ä uyapo wae uikuaaka chupe reta waerä tëi kía ko jae wae. Erëi jesewe opaete seri wɨrowia’ä jese.

San Juan 12:39

Jáeramo jokua judío reta ipɨatäta ramo, ipuere’ä wɨrowia reta Jesús re.

San Juan 15:25

Erëi kua uyeyapo ñotái ko, echa’ä uyekuatía oï Tumpa iñeerɨru jae reta umɨngeta tëi wae pe kuärái: ‘Cheamɨtäa reta chereko mbae rewe.’ Jukuärái uyekuatía oï,” jei Jesús chupe reta.

San Juan 17:12

“Che aiko rambuewe jae reta ndiwe, ayandareko kawi jese reta jokua mbaepuere nde nemee chewe wae rupi. Amae kawi jese reta awɨye waerä pëti awe ukañɨ ndewi. Erëi ime oï kua reta ipɨte pe kía jaeño mái pewa uiporarata oï Tatawasurenda pe wae, echa’ä niñee pe uyekuatía oï jokua uasa ñotái ko,” jei.

San Juan 19:24

Jare jei reta iyupe: “Kua awɨye yamondorondoro. Yayuwari jese yaikuaa waerä kía ra wɨraata iyupe wae,” jei reta iyupe. Jukuärái uyeyapo Tumpa iñeerɨru pe arakae wiwe jeiño mái uyeyapota iko wae. Echa’ä joko pe uyekuatía oï kuärái: “Umbɨyao reta iyupe cheremimonde. Uyuwari reta jese uikuaa waerä kía ra wɨraata iyupe wae.” Jukuärái uyekuatía iko jare jukuärái etei uyapo sɨndaro reta.

Romanos 10:16

Erëi yepe tëi ñee ikawi wae uyemɨmbeu oï, erëi amokueño wɨrowia ma jese. Jukuärái yaikuaa, echa’ä Isaías arakae jei Tumpa pe kuärái: “CheYa, ¿ime ra kía yepe wɨrowia oriñee re wae?” Jukuärái uikuatía arakae.

Romanos 10:20

Jare joko wi Isaías umɨmbeu sɨmi judío mbae wae reta rewa kuärái: “Tumpa jei: ‘Yepe tëi chereka’ä yureko reta, erëi añawe jae reta chekuaa ñonoï. Jare jokua upɨrandu’ä cheré wae reta pe, chupe reta ko ayekuaaka ma,’ jei Tumpa.” Jukuärái uikuatía Isaías.

1 Corintios 1:24

Erëi Tumpa ñanereni ko judío reta ipɨte wi jare judío mbae wae reta ipɨte wi jae imaeräño ñaï waerä. Jare yanemaerä kua ñee Cristo rewa wae ikawiete ko, echa’ä yaikuaa ko Cristo rupi uyekuaa Tumpa imbaepuere jare iyarakuaa.

Gálatas 1:16

Taɨ uikuaaka chewe waerä. Jukuärái uyapo chewe che a amɨmbeu waerä Taɨ rewa judío mbae wae reta pe kerupi rupi ñonoï wae rupi. Erëi Tumpa Taɨ uyekuaa chewe yawe, che aeka’ä kiawe chembɨarakuaa waerä jese.