San Juan 12:36 - Biblia

³⁶ “Jare kua tembipe oï pe reta ndiwe rambuewe, perowia jese pepuere waerä piko Tumpa taɨ retarä,” jei Jesús chupe reta. Jare kua jei ma yawe, Jesús oo ukañɨ chuwi reta.

Guaraní Pe (Western): Simba

³⁶ Tembipe pe reta ndive ico rambueve, perovia tembipe re, pe reta peĩ vaerã tembipe rami —jei chupe reta. Cua jei ma yave, Jesús oo chugüi reta, jare ipuere'ã ma uvãe chupe.

San Juan 12:36 Iomraidhean Croise

San Mateo 21:17

Jayawe Jesús ueya reta, jare oë oo Jerusalén wi tëta wasu raɨ Betania kotɨ, jare joko pe umbɨasa pɨ̈tu.

San Mateo 5:14

“Jae nunga wi pe cheremimboerä piko wae reta, pe reta ko jae pëti tembipe rami ɨwɨ pewa reta pewarä. Jare tembipe ko jae yaecha waerä. Ndarau kiawe ipuere oñomi pëti tëta wasu ɨwɨtu re oï wae,” jei.

San Lucas 16:8

“Jayawe jokua karái uikuaa yawe uyeyokui wae ikatu rewe uyapo wae, umae kawi iyarakuaa re jare uyemɨngeta kawi jesewa. Echa’ä Tumpa re wɨrowia mbae wae reta ikatuete ko uyereruwata kawi waerä japicha reta ndiwe Tumpa pe uyeyokui wae reta wi,” jei Jesús chupe reta.

San Juan 11:54

Jáeramo Jesús uwata’ä ma judío reta jowake, erëi oo joko wi pëti tëta wasu Efraín jee wae pe. Jokua tëta wasu oï ɨwɨtini wasu jembeɨ pe. Jare joko pe Jesús upɨta jemimboe reta ndiwe.

San Juan 12:37

Jesús uyapo ma judío reta jowake jeta mbaembae kiawe ipuere’ä uyapo wae uikuaaka chupe reta waerä tëi kía ko jae wae. Erëi jesewe opaete seri wɨrowia’ä jese.

San Juan 12:46

“Che ayu ko ambɨembipe waerä ɨwɨ pewa reta ipɨa pe. Jare jukuärái ipotawe kía cheré wɨrowia wae ndarau iko pɨ̈tumimbi pe,” jei.

San Juan 3:21

Erëi añetete pewa rupi yureko wae reta oya jokua tembipe re, echa’ä jae reta uipota uikuaaka opaete wae pe uyapo ko ñonoï Tumpa uipota wae.

San Juan 8:12

Jayawe Jesús umbɨpɨ ye omboe joko pe ñonoï wae reta: “Che ko jae tembipe rami ɨwɨ pewa reta pe, echa’ä aikuaaka chupe reta añetete wae Tumpa rewa. Jare ipotawe kía che ndiwe oï wae ndarau ye ma iko pɨ̈tumimbi pe rami. Echa’ä che amee chupe tekowe ipɨau wae jare opa mbae wae, jare jokua ko tembipe rami chupe,” jei chupe reta.

San Juan 8:59

Jare kua uyandu reta yawe, opaete wae reta pëti pëti wae upi ita uyapi uyuka waerä tëi Jesús. Erëitu jae ukañɨ chuwi reta jare oë oo tupao wasu wi jae reta ipɨte wi etei.

Efesios 5:8

Echa’ä tenonde yawe pe reta pikose pɨ̈tumimbi pe wae echa mbɨrɨ Tumpa wi. Erëi añawe peï tembipe pe, echa’ä peï pëti ramiño yandeYa Jesucristo re jare jae umbɨembipe oï pepɨa. Jare yaiko yawe jokua tembipe pe, yaikota yandepɨakawi rewe añetete wae rupi jare jupi wae rupi. Tumpa peñono tee ma ko jae imaerä. Jáeramo piko tembipe pe jae umee pewe wae rupi.

1 Tesalonicenses 5:5

Pe reta tembipe pewa ko jare pereko oï ikatu pe etei. Mbaetɨ ma yande reta ñaï pɨ̈tumimbi pewa jare pɨ̈tu yawe iko reta wae rami.

1 Tesalonicenses 5:8

Yandereko toï ikatu pe etei. Erëi ¿kërái ra yaikota yandearakuaa katu rewe? Imeta ko jekuaeño yarowia Cristo re jare jekuaeño yayerau päwe rewe. Echa’ä jokua yanderepɨta oï mbae ikawi mbae wae wi, pëti pɨtía yopiaka yamonde wae rami. Jare jae nunga wi jokua ara Tumpa uiporaraka yawe ɨwɨ pewa reta pe jae reta mbaembae uyawɨ ikotɨ wae re, yarowia katu jae yanderepɨta oï. Jayawe ñamaeño jokua yaikuaa wae re uyandareko waerä yandepɨayemɨngeta re ñanäka jɨru jiero pewa yamonde wae rami.