San Juan 12:34 - Biblia

³⁴ Jayawe jae reta jei Jesús pe: “Nde ndere tëi neï ndeyupe ‘che kuimbaerä ayeyapo wae.’ Erëi ¿mbae ra jokua uipota jei? Ore nduikuaa Cristo ndoe chupe wae ou yawe, jae upɨtata oï jaeño mái pewa, echa’ä jukuärái Tumpa iñeerɨru pe uyekuatía oï. Jayawe nde ko jae Cristo yawe, ¿këraita pa nde ndere neï orewe, ‘chekututa ñonoï kurusu re jare chembɨyemboɨta cheñono reta’? Kua pe opa orembopa neï,” jei reta Jesús pe.

Guaraní Pe (Western): Simba

³⁴ Jayave jae reta jei Jesús pe: —Mboroyocui pe uyecuatía oĩ vae umɨmbeu oreve Cristo imeñoi ico. ¿Mbae pa uipota jei jocua nde ndere vae? Echa'ã nde ndere ĩru vae reta uupita ɨvɨ güi cuimbaerã uyeyapo vae. ¿Quía pa co jae cuimbaerã uyeyapo vae? —jei reta.

San Juan 12:34 Iomraidhean Croise

2 Samuel 7:13

Jae ko uyapokata chewe pëti tëta, joko pe cheree umbutuicha reta waerä. Jare jae chekotɨ uyawɨ yawe, che aiporarakata chupe pëti tu uinupa taɨ rami. Erëi jekuaeño aipararekota, jare ndarau ambɨsɨrɨ chuwi aiparareko wae kërái Saúl wi ambɨsɨrɨ wae rami. Echa’ä anoe Saúl numbɨjee waerä Israel pewa reta imburuwicha wasurä. Jare nderaɨ iñemoñaa ipɨte wi ikota mburuwicha wasurä jaeño mái pewa. Che aikota chupe tuurä jare jae ikota cheraɨrä.

Isaías 53:8

Jae reta uipɨsɨ jare wɨraa umbɨjeko reta waerä teko iya ikawi mbae wae echa rami. ¿Kía ra ipuere uikuaaka jae jëtara reta rewa? Mbaetɨ kiawe, echa’ä jowaicho reta uyukaka ndei jae onoi mbowe iñemoñaa retarä. Opaete jae reta ipɨte wi, mbaetɨ kiawe uikuaa jae uiporara iko jae reta ipepɨka pe wae jare umano jae reta jeko pewa.

Isaías 9:7

Jae onoita tamɨkue David imbaepuere mburuwicha wasu pewa. Jae imbaepuere uyembutuichaeteta opaete ɨwɨ rupi jare ndarau etei opa. Jáeramo ɨwɨ pewa reta yurekota ipɨakatu rewe jaeño mái pewa. Jae uyapo ñotái ikawi wae jupi wae rupi. Jukuärái uyeyapota, echa’ä Tumpa imbaepuere tuichaete wae ipɨakɨrëɨ rewe uyapota ramo.

Daniel 7:14

Jare uñemee chupe jae iko waerä opaetei ara jare ɨwɨ pe ñonoï wae reta imburuwicha wasurä. Jare aecha wi umbutuicha ñonoï jae jee opaete kerupi rupi yureko wae reta jare opaetei ambɨe ye ye ñee pe uyemɨngeta wae reta. Jae imbaepuere ndarau etei opa jare jae onoita mbaepuere opaete wae re jaeño mái pewa.

San Mateo 16:13

Jayawe Jesús jemimboe reta ndiwe yuraa uwäe reta tëta wasu Cesarea Filipo jee wae pe. Jare Jesús upɨrandu jemimboe reta pe: “¿Kërái pa ïru wae reta uyemɨngeta che kuimbaerä ayeyapo wae kía ko che wae?” jei chupe reta.

San Mateo 21:10

Jare Jesús oo uwäe yawe Jerusalén pe, opaete tëta wasu rupi ipɨakañɨ reta jare upɨrandu reta iyupe: “¿Kía ra ko jae?”

San Mateo 8:20

Jayawe Jesús jei jokua kuimbae pe: “¿Añetete pa ndiyemɨngeta neï? Echa’ä awara reta ime onoi ikua, jare wɨra reta wi ime onoi jaitɨ. Erëi che kuimbaerä ayeyapo wae mbaetɨ anoi kiape awe ake waerä,” jei chupe.

San Juan 10:34

Jayawe Jesús jei chupe reta: “Pe reta etei ime penoi Tumpa iñeerɨru, jare joko pe uyekuatía oï kuärái: ‘Che jae pe reta ko jae tumpa reta.’ Jukuärái uyekuatía oï.

San Juan 12:32

“Erëi che, ïru wae reta chekututa ñonoï kurusu re jare chembɨyemboɨta cheñono reta. Jare jokua ara uwäe yawe, che amɨkɨrëɨta opaete ɨwɨ pewa reta ou waerä chekotɨ,” jei chupe reta.

San Juan 15:25

Erëi kua uyeyapo ñotái ko, echa’ä uyekuatía oï Tumpa iñeerɨru jae reta umɨngeta tëi wae pe kuärái: ‘Cheamɨtäa reta chereko mbae rewe.’ Jukuärái uyekuatía oï,” jei Jesús chupe reta.

San Juan 8:28

Jáeramo Jesús jei wi chupe reta: “Che kuimbaerä ayeyapo wae, pe reta cheñonota peï kuri pëti kurusu re jare chembɨyemboɨta cheñono peï opaete wae jowake. Jayawe ramo pikuaata peï kuri CHE KO CHE wae. Jare pikuaata peï wi cheiño’ä ko mbae ayapo wae. Jaeño ko cheRu jei chewe wae rupiño che jae pewe wi,” jei.

Romanos 3:19

Yaikuaa ñaï kua uyekuatía oï Tumpa iñeerɨru pe wae uyemɨngeta oï yande judiorä yaiko wae reta re wi. Jare uyekuatía oï jukuärái awɨye waerä yandepuere yayerepɨ Tumpa jowai. Añetete kua ñee reta rupi yaikuaa yande ñanoi teko Tumpa jowai, opaetei yande judío jare judío mbae yaiko wae reta wi.

Romanos 5:18

Jayawe jukuärái ko pëti kuimbae uyawɨ Tumpa jei wae jeko pewa, opaete yande reta ñanoi teko Tumpa jowai. Erëi Jesucristo jupi wae uyapo wae rupi, añawe opaete kía wɨrowia reta jese wae ime onoi tekowe opa mbae wae, jare Tumpa umae ma jese reta jeko mbae wae rami.

Hebreos 7:24

Erëi Jesús imeño mái iko ramo, ipuere uyapo iparawɨkɨ sacerdote pewa jaeño mái pewa.