San Juan 12:26 - Biblia

²⁶ “Jayawe ime yawe kía uipota uyeyokui chewe wae, tuwata che ndiwe oï waerä che aï wae pe. Jare jukuärái uyapo yawe, cheRu umbutuichakata oï,” jei Jesús.

Guaraní Pe (Western): Simba

²⁶ Uyeyocui cheve vae too cherupíe. Cherembiocui oĩta che aĩta vae pe. Jare cheRu umbutuichacata uyeyocui cheve vae —jei Jesús—.

San Juan 12:26 Iomraidhean Croise

Números 14:24

“Erëi Caleb uyeyokui kawi chewe. Che aecha jae ambɨe ye ko jokua ïru wae reta wi. Jae jekuaeño iko che jae wae rupi. Jayawe che araata Caleb jokua ɨwɨ ikawiete jae uecha wae pe iko waerä joko pe. Jukuärái ameeta Caleb jare iñemoñaa reta pe jokua ɨwɨ ikawiete wae jae reta iɨwɨrä,” jei chupe.

San Mateo 16:24

Jayawe Jesús jei jemimboe reta pe: “Ime yawe kía uipota iko cheremimboerä wae, awɨye ma tuiko jae jei wae rupiño. Erëi towoɨ ikurusu jare tou che ndiwe,” jei.

San Mateo 25:21

“Jayawe karái jei chupe: ‘Jaekawi ndiyapo. Nde ko jae ndiyeyokui kawi chewe wae jare ndorowia katu wae,’ jei chupe. ‘Ndiyeyokui kawi ma chewe kua mbowɨ wae re. Jáeramo añawe ameeta ndepo pe jeta ndiyandareko waerä jese. Yakaru kawita yayerowia rewe,’ jei chupe,” jei.

Marcos 8:34

Jayawe Jesús ueni jemimboe reta jare ïru jokoropi ñonoï wae reta ikotɨ. Jare jei chupe reta: “Ime yawe kía uipota iko cheremimboerä wae, awɨye ma tuiko jae jei wae rupiño. Erëi towoɨ ikurusu jare tou che ndiwe,” jei.

San Lucas 12:37

“Jare jokua karái uecha yawe uyeyokui wae reta uäro ñonoï oke mbae rewe, jayawe uyerowiaeteta umae jese reta. Che tae pewe añetete wae, jokua karái umbɨwapɨta uyeyokui wae reta mesa pe jare umɨngaruta reta jae etei,” jei.

San Lucas 6:46

Jare Jesús jei wi chupe reta: “¿Maera pa pere chewe ‘OreYa,’ erëi piyapo’ä che jae wae?” jei.

San Lucas 9:23

Jayawe Jesús jei opaete wae pe: “Ime yawe kía uipota iko cheremimboerä wae, awɨye ma tuiko jae jei wae rupiño. Erëi towoɨ ikurusu opa ara jare tou che ndiwe,” jei.

San Juan 10:27

“Cheowecha reta uyapɨsaka chiñee re. Jare che aikuaa kawi cheowecha reta, jare jae reta uwata cheraɨkue.

San Juan 13:16

“Yande yaikuaa kawi ñaï pëti pione ndarau uasa ipatrón jei wae iáramo rupi. Jae ramiño wi pëti ñeeruwataa ndarau uasa ombou wae jei wae iáramo rupi,” jei chupe reta. “Añawe che peYarä aï wae añemɨmichi ma pewe pëti uyeyokui wae rami. Jayawe jukuäraita ko pe reta wi piyapota ïru wae reta pe,” jei chupe reta.

San Juan 14:15

Jare Jesús jei wi jemimboe reta pe: “Pe reta añetete cherau yawe, jayawe piyapota peï che jae wae rupi.

San Juan 14:3

Jare opa ma ayapɨkatu yawe, ayu yeta aï puraa waerä joko pe, pe reta wi piko waerä kiape che aïta wae pe.

San Juan 15:20

“Añetete jae reta peamɨtäata ñonoï. Pemandúa kawi, che jae ma pewe pëti pione ndarau uasa ipatrón iáramo rupi. Jayawe kërái uyapo chewe reta rami, jukuäraiete wi uyapota pewe reta. Jae reta uyapo yawe mbae kachi wae chewe, jukuäraiete ko uyapota pewe reta wi. Jare jae reta chiñee uipɨsɨ yawe, jukuäraiete ko uipɨsɨta reta piñee wi,” jei chupe reta.

San Juan 17:24

“CheRu mii, ndei ɨwɨ uyeyapo mbowe, nde cherauño mái jare nemee chewe mbaepuere jupiete ye wae. Jare che aipota jokua kía nunga nde nemee chewe wae reta yureko waerä che ndiwe kiape che aikota wae pe. Echa’ä che aipota jae reta uecha waerä chembaepuere jupiete ye wae,” jei.

San Juan 21:22

Jare Jesús jei chupe: “Aramoi che aipota yawe, jae jekuaeñota oï che ayu ye rewa. Erëi jokua mbae’ä ko nemaerä. Emaeño jese. Erëi nde, eyu che ndiwe,” jei chupe.

Romanos 1:1

Che ko jae Pablo, Jesucristo pe ayeyokui wae. Tumpa chereni chemondo waerä opaete kerupi jae jee re amɨmbeu waerä ñee ikawi wae. Jokuaerä etei ko jae cheñono tee. Kua ñee ikawi wae Tumpa wi etei ko ou.

Romanos 14:18

Jare jukuärái yayeyokui ñaï Cristo pe yawe, jayawe yambɨyerowiata ko ñaï Tumpa, jare ïru wae reta umae kawita yanderé.

2 Corintios 4:5

Ore mbaetɨ ko numɨmbeu ore rewaño. Numɨmbeu ko Jesucristo rewa kërái jae ko opaete mbaembae iYa. Ore parawete reta numae oriyé pewe nduyeyokui wae retaño ko, Jesús nduau ramo.

Gálatas 1:10

Añetete ko, kua re che aeka’ä aï ïru wae reta umae kawi waerä cheré. Jare mbae’ä etei ko chewe ambɨyerowia reta waerä. Jaeño aipota Tumpa umae kawi waerä cheré. Añetete kuimbae retaño jekuaeño aipota ambɨyerowia aï yawe, che ayeyokui’ä ma ko aï Cristo pe.

Colosenses 3:24

Echa’ä jukuärái uyapo reta yawe, yandeYa Cristo pe etei uyeyokui ñonoï. Jekuaeño timandúa reta yandeYa umɨñatimata oï chupe reta ikawi wae opaete kía kía jae imaerä ñonoï wae reta ndiwe.

Colosenses 4:12

Jare jae nunga wi perëtáɨwa Epafras omondo oï pewe saludo. Jae uyeyokui kawi oï Jesucristo pe. Jare jae jekuaeño täta rupi uyerure oï Tumpa pe peré pepɨräta waerä Tumpa kotɨ jare pikuaa kawi waerä opaete Tumpa uipota wae.

2 Pedro 1:1

Pe Jesucristo re perowia wae reta, che ko jae Simón Pedro aikuatía aï pewe wae. Jesucristo chemondo jae jee re opaete kerupi amɨmbeu waerä jesewa, jare chupe ko ayeyokui aï. Jesucristo ko jae yandeTumpa jare yandeRepɨ wae. Jare jae jupiete ramo, umee pewe jae iñee ikawiete wae jese perowia waerä kërái jae umee orewe wae rami.

1 Juan 5:3

Jare imeta ko yayapo Tumpa jei wae rupi, echa’ä jukuärái rupi yaau Tumpa. Jare mbaetɨ ko yawái yayapo waerä Tumpa jei wae rupi.

Judas 1:1

Pe yandeRu Tumpa perau jare pereni wae reta, yandeYa Jesucristo uyandareko kawi oï peré. Che ko jae Jacobo tɨwɨ Judas jee wae aikuatía aï pewe kua tupapire. Che wi ko jae Jesucristo pe ayeyokui wae.

Apocalipsis 14:4

Jare jae reta uyemɨngɨa’ä Tumpa kotɨ. Kërái pëti kuimbae uyapo’ä etei awasa wae rami, kua reta jekuaeño jupi Tumpa kotɨ. Jae reta umɨïru oï Owecha kuimbae taurusu wae ipotawe kerupi oo wae rupi. Jae uepɨ kua reta ɨwɨ pewa reta ipɨte wi oñono tee reta waerä jae imaerä jare Tumpa pewarä wi.