San Juan 12:19 - Biblia

¹⁹ Jayawe fariseo reta jei iyupe: “Mase, kua kuimbae pochɨ, opaete wae reta yuraa ñonoï jupie. Jare yandepuere’ä yayopia chuwi,” jei reta iyupe.

Guaraní Pe (Western): Simba

¹⁹ Jayave fariseo reta jei uyupe: —Mase, mbaetɨ mbae yandepuere yayapo. Echa'ã opaete que rupi rupigua reta yugüɨraa umae vaerã jese.

San Juan 12:19 Iomraidhean Croise

San Mateo 21:15

Jare joko pe ñonoï wi sambiaɨ reta. Jae reta usapɨkai rewe jei pɨi yureko: “¡Tuyembutuichaka kua David iñemoñaa reta pewa jee!” jei reta. Jayawe sacerdote itenondewa reta jare Moisés uikuatía wae re oporomboe wae reta uecha yawe Jesús upurumɨnguera oï jare sambiaɨ reta usapɨkai pɨi ñonoï, pochɨ reta, echa’ä wɨrowia’ä reta Jesús ko jae Upuruepɨ wae.

San Juan 12:20

Jare Jerusalén pe ñonoï wae reta ipɨte pe iko amokue griego reta. Jae reta ko judío mbae wae reta jare yuweru ma kua pascua pe umbutuicha reta waerä Tumpa jee.

San Juan 17:21

“Ayerure aï ndewe opaete jae reta yureko waerä pëti ramiño. Echa’ä jukuärái ko yande ñaï. Nde jare che pëti ramiño ko ñaï yandiyé. Jare jukuärái wi jae reta tuiko pëti ramiño yanderé. Jukuärái, cheRu mii, kua aeka ndewe ndiyapo waerä kua ɨwɨ pewa reta wɨrowia waerä nde ko chembou wae,” jei.

San Juan 3:26

Jayawe yuraa reta Juan oï wae pe jare jei reta chupe: “Oporomboe wae, nde ndiko yawe ɨ wasu Jordán jowaicho pe, ime iko wi nde ndiwe pëti kuimbae. Nde nemɨmbeu kawi orewe jae ko Tumpa Taɨ wae. Añawe jae upurumbɨsakambu oï wi ɨ pe, jare opaete wae yuraa ñonoï jae oï wae pe,” jei reta chupe.

Hechos 17:6

Erëi uwäe’ä chupe reta joko pe. Jayawe uipɨsɨ wɨraa reta Jasón jare amokue ïru hermano reta tëta wasu imburuwicha reta jowai. Jare iñeeäta rewe jei reta: “Ime mokui kuimbae reta ombopochɨka ma jeta wae reta opaete kerupi yuraa wae rupi. Jare añawe yuweru uwäe reta kua pe.

1 Juan 2:2

Jare jae etei ko uñemee umano waerä mbaembae yayawɨ Tumpa kotɨ wae re, jare jukuärái umbɨpɨakatu Tumpa iarasɨ tëi iko yandekotɨ wae. Jare yandereño’ä ko Cristo umano. Jae umano tëi ko wi opaete ɨwɨ pewa reta re.