San Juan 12:17 - Biblia

^17-18 Jayawe jeta wae reta yuraa owäiti Jesús, echa’ä jokua uecha Jesús kërái umbɨjekowe ye Lázaro ueru wae reta jekuaeño imiäri yureko jokua re. Jei reta: “Ore nduecha Jesús jei jokua umanokue wae pe oë waerä teöwerenda wi jekowe rewe, jare jukuärái uyeyapo. Jokua ko jae mbae kiawe ipuere’ä uyapo wae,” jei reta.

Guaraní Pe (Western): Simba

¹⁷ Jare amocue joco pe ñugüɨnoi vae jei: —Ore noĩ Jesús ndive, jae umbɨjecove ye yave Lázaro güeru umanocue vae reta ipɨte güi jare oyocui oẽ vaerã teõgüerɨru güi —jei reta.

San Juan 12:17 Iomraidhean Croise

San Juan 1:19

Jayawe Juan jeräkua ma judío itenondewa reta pe tëta wasu Jerusalén pe. Jayawe jae reta uipota uikuaa kawi jesewa. Jáeramo omondo reta amokue sacerdote reta jare imborɨa reta ndiwe kiape Juan oï wae pe. Jare jae reta yuweru ma uwäe yawe, upɨrandu reta chupe: “¿Kía ko nde?”

San Juan 1:32

Jayawe Juan jei wi chupe reta: “Che awe aikuaa’ä aiko kía ko jae wae. Erëi jokua chembou apurumbɨsakambu waerä ɨ pe wae jei chewe: ‘Ndechata Espíritu Santo uweyɨ ou upɨta pëti kuimbae re. Jokua kuimbae ko jae oñonota jese wɨrowia wae reta iko waerä pëti ramiño jae ndiwe etei Espíritu Santo rupi,’ jei chewe. Añawe che aecha ma Espíritu Santo uweyɨ ou ara wi pëti pɨkasu rami jare upɨta kua kuimbae re,” jei. “Jáeramo añawe che amɨmbeu aï pewe kua kuimbae ko jae Tumpa Taɨ,” jei chupe reta. Jukuärái Juan uikuaaka Israel pewa reta pe Jesús.

San Juan 11:31

Jayawe jokua judío reta yuweru umbɨpɨakatu waerä tëi María wae uecha María aramoiño upüa wɨrae oë oo tëta wi. Jae reta wɨrowia tëi María oo ko aipo oï teöwerenda pe uyao waerä joko pe. Jayawe jae reta opa yuraa wi jaɨkue.

San Juan 11:42

Aikuaa nde ndiyapɨsakañoi cheré. Erëi che jae aï kuärái opaete kua cheyɨpɨ rupi ñonoï wae reta wɨrowia waerä nde ko chembou wae,” jei.

San Juan 12:9

Jare jeräkua jeta judío reta pe Jesús joko pe yepe oï. Jáeramo yuweru reta uecha waerä Jesús. Erëi yuweru’ä reta Jesús uecha waeräño. Yuweru reta wi uecha waerä Lázaro. Echa’ä uipota uecha reta jokua kuimbae tenonde yawe umano jare Jesús umbɨjekowe ye ueru wae.

San Juan 19:35

Yande yaikuaa ñaï kua mbaembae añetete ko, echa’ä ime kía uecha wae. Jare jae umɨmbeu ma kua mbaembae rewa, pe reta pepuere perowia waerä wi.

San Juan 21:24

Che ko jae jokua kuimbae. Jare che chemiäri ma jare aikuatía ma kua mbaembae. Jare kua amɨmbeu wae ore nduikuaa añetete ko.

Hechos 5:32

“Jare opaete kua ore nduecha oreresa pe etei. Jare Espíritu Santo wi uikuaaka oï opaete jokua añetete wae ko. Echa’ä Tumpa umee oï Espíritu Santo opaete uyapo jae jei wae rupi wae reta pe.” Jukuärái jei Pedro chupe reta.