San Juan 12:16 - Biblia

¹⁶ Jokua ara Jesús jemimboe reta uikuaa kawi’ä yureko kua mbaembae rewa. Erëi Jesús oo ye ma ara pe yawe ramo jae reta imandúa uyekuatía yepe iko Tumpa iñeerɨru pe kua mbaembae reta uyeyapota iko wae.

Guaraní Pe (Western): Simba

¹⁶ Jocua ara Jesús jemimboe reta uicuaa cavi'ã cua regua. Ẽrei Jesús oo ye ma ara pe yave, imandúa reta cua re. Echa'ã jucuarãi Tumpa iñee pe uyecuatía oĩ jese, jare jucuarãi uyeyapo chupe.

San Juan 12:16 Iomraidhean Croise

Marcos 16:19

Jayawe yandeYa Jesús opa ma jemimboe reta umɨngeta yawe, uyereraa ara pe. Jare uwapɨ yandeRu Tumpa iyakata kotɨ jae ndiwe onoi waerä mbaepuere.

Marcos 9:32

Erëi Jesús jemimboe reta uikuaa kawi’ä mbae re ra Jesús uyemɨngeta iko wae, jare ukɨye reta upɨrandu chupe waerä.

San Lucas 18:34

Erëi Jesús jemimboe reta uikuaa kawi’ä mbae ra Jesús uipota jei chupe reta wae. Echa’ä jokua ko ipuere’ä uepitɨ reta wae.

San Lucas 24:25

Jayawe Jesús jei chupe reta: “Pearakuaa mbae echa ko pe reta. ¿Pepuere’ä mbate pa pikuaa? Echa’ä arakaete ma Tumpa iñee umɨmbeu wae reta uikuatía kua mbaembae uasata iko wae. ¿Këraita pa ndeiño perowia jese?” jei chupe reta.

San Lucas 24:45

Jayawe Jesús uipea chuwi reta iyarakuaa jae reta uikuaa kawi waerä Tumpa iñee uyekuatía oï wae.

San Lucas 9:45

Erëi Jesús jemimboe reta uikuaa kawi’ä mbae re ra Jesús uyemɨngeta iko wae. Echa’ä ndei uikuaa kawi yureko reta jokua mbaembae rewa. Jae nunga wi ukɨye reta upɨrandu chupe waerä.

San Juan 12:23

Jayawe Jesús jei: “Tenonde che kuimbaerä ayeyapo wae imeta ko mbae asa aï rani, jare jukuärái cheree uyembutuichaka waerä. Jare añawe uwäe ma ara jokua uyeyapo waerä,” jei.

San Juan 14:26

“Jare outa oï wi jokua Oporomborɨ wae – jae ko Espíritu Santo cheRu ombouta oï pewe cheree re wae. Jare jae ou yawe, pemboeta oï opaete mbaembae Tumpa uipota pikuaa waerä wae re. Jare jae pemɨmanduata oï wi opaete mbaembae che pomboe ma jese wae re,” jei chupe reta.

San Juan 16:4

Erëi che amɨmbeu ma pewe kua ndei uyeyapo mbowe pemandúa waerä kua chiñee re jokua ara uwäe ma yawe,” jei chupe reta. “Kua mbaembae reta amɨmbeu’ä pewe tenonde wiwe, echa’ä che aiko pe reta ndiwe ramo jare puepɨ opa mbaembae wi.

San Juan 17:5

“Jare añawe, cheRu, a yeta ma aï ndepɨ kiape aikose wae pe ndei ɨwɨ uyeyapo mbowe. Chemandúa kawi, che aikose nde ndiwe yawe, yande yayembutuichaka päwe yaiko. Añawe iyapo mii yayembutuichaka päwe ye waerä kërái yaikose wae rami,” jei.

San Juan 2:22

Jare taɨkue rupi, Jesús umano ma yawe jare ikowe ye ma ou yawe umanokue wae reta ipɨte wi, jemimboe reta imandúa kua jae jei wae re. Jare jayawe jeiete ma wɨrowia reta Jesús jei wae re jare Tumpa iñeerɨru pe uyekuatiaño mái iko wae re – jae ko kiape uyekuatía oï Upuruepɨ wae ikowe yeta ou iko wae re.

San Juan 7:39

Jesús kua jei yawe, uyemɨngeta iko umbɨjaanga rewe Espíritu Santo re – jae ko Tumpa umeeta iko opaete kía kía Jesús re wɨrowia wae reta pe wae. Jukuärái Jesús jei yawe, ndeiño uñemee chupe reta Espíritu Santo, echa’ä Jesús ndeiño oo ye ara pe ramo.

Hechos 2:33

“Añawe Tumpa wɨraa ma Jesús ara pe. Jare joko pe uwapɨ oï Tumpa iyakata kotɨ, jare Tumpa ndiwe Jesús ime onoi mbaepuere opaete wae re,” jei. “Tumpa jei umeeta iko Jesús pe ombou waerä Espíritu Santo, jare jukuärái añawe uyapo ma. Echa’ä Jesús etei ombou ma kua Espíritu Santo orewe. Jayawe kua pe reta añawe pecha jare piyandu peï wae Espíritu Santo imbaepuere etei ko,” jei chupe reta.

Hechos 2:36

“Jayawe aipota pe cherëtara Israel pewa reta pikuaa kawi waerä kua re: kua Jesús pe reta pikutuka jare piyukaka wae, Tumpa uyapo ma opaete mbaembae iYarä jare Upuruepɨ waerä.” Jukuärái jei Pedro chupe reta.

Hechos 3:13

“Yanderamɨkue reta iTumpa ko kua uyapo wae – jae ko Abraham, Isaac, jare Jacob iTumpa. Jare jukuärái uyapo umbutuichaka waerä Taɨ Jesús jee,” jei chupe reta. “Kua Jesús etei ko pe reta pemee judío mbae wae reta ipo pe piyukaka waerä. Jare yepe tëi mburuwicha Pilato uipota ombopoika waerä Jesús, erëi pe reta pipota’ä jokua.

Hebreos 12:2

Jare kërái uñeñokui wae reta täta umae oo oï iyapɨ re, jukuärái wi yande tätata ko ñamae Jesús re. Echa’ä jae oo ma tenonde yandewi jare uechaka ma yandewe kërái yarowia kawi waerä Tumpa re. Jare añawe jae yanemborɨta oï jukuärái wi yayapo waerä. Jae tuicha urupɨa kurusu re umanota iko yawe. Jare yepe tëi pëti ñemɨmaraka tuicha wae ko jae umano waerä pëti kurusu re, erëitu jokua mbae’ä chupe. Echa’ä jae uikuaa iko taɨkue rupi uyerowiaeteta iko. Jare jukuärái ko oï añawe rupi, echa’ä jae uwapɨ oï yandeRu Tumpa iyakata kotɨ.

Hebreos 8:1

Opaete kua che jae ma pewe wae, jae ko kua: Jokua nunga sacerdote tenondewaete ikawi wae, yande ime ma ko ñanoi. Jae uwapɨ oï ara pe yandeRu Tumpa iyakata kotɨ.