San Juan 12:11 - Biblia

¹¹ Echa’ä Lázaro ikowe ye wae jeko pewa jeta judío reta uyerowa sacerdote reta wi Jesús kotɨ jare wɨrowia reta jese.

Guaraní Pe (Western): Simba

¹¹ Echa'ã Lázaro jeco pegua jeta judío reta yugüɨraa chugüi reta. Echa'ã güɨrovia ma Jesús re.

San Juan 12:11 Iomraidhean Croise

San Juan 11:42

Aikuaa nde ndiyapɨsakañoi cheré. Erëi che jae aï kuärái opaete kua cheyɨpɨ rupi ñonoï wae reta wɨrowia waerä nde ko chembou wae,” jei.

San Juan 11:45

Jare jeta judío yuweru opou María ipɨ wae reta uecha kërái Jesús umbɨjekowe ye Lázaro. Jayawe wɨrowia reta jese.

San Juan 11:48

Ñamaeño ñaï jese yawe, opaete ñanerëtara reta wɨrowiata ñonoï jese jae ko Upuruepɨ wae jare uyapota reta imburuwicha wasurä. Jayawe romano reta wɨrowiata yande yambowaicho ma ñaï wae. Jayawe jae reta yuweruta opa urukachi waerä tupao wasu, jare yande judiorä yaiko wae reta wi opata yandeyuka,” jei reta.

San Juan 12:10

Jayawe sacerdote itenondewa reta uyemɨngeta jae yepái kërái uyukaka waerä Lázaro wi.

San Juan 12:42

Erëitu jesewe jeta judío itenondewa reta wɨrowia Jesús re. Erëi wɨrowia reta kía uikuaa mbae rewe. Echa’ä jae reta uikuaa oë reta yawe Jesús ipepɨka pe, fariseo reta omombota itupao wi.

San Juan 7:31

Erëitu jeta joko pe ñonoï wae reta wɨrowia jese. “Jae ko aipo Cristo yae chupe wae,” jei reta. “Mase kërái jeta mbaembae uyapo kiawe ipuere’ä uyapo wae. ¿Kía ye ra ipuereta uyapo mbaembae uasaete ye kua kuimbae wi? Kiawe,” jei reta.

Hechos 13:45

Erëi amokue judío itenondewa reta uecha yawe jeta wae reta uyapɨsaka ñonoï Pablo iñee re, jae reta uñamɨtäa umae Pablo re jare jei reta: “Kua Pablo jei wae añetete’ä ko,” jei reta. Jare jei reta ïru mbaembae kachi wae Pablo kotɨ.