San Juan 12:1 - Biblia

¹ Owa araño ma uata uwäe waerä pascua iara reta. Jayawe Jesús jare jemimboe reta ndiwe yuraa ye Betania pe kiape Lázaro iko wae pe. Jae ko jokua kuimbae tenonde yawe Jesús umbɨjekowe ye ueru umanokue wae reta ipɨte wi wae.

Guaraní Pe (Western): Simba

¹ Seis araño ma uata pascua uvãe vaerã. Jayave Jesús oo ye Betania pe. Echa'ã joco pe ico Lázaro tenonde yave umano vae Jesús umbɨjecove ye güeru umanocue vae reta ipɨte güi vae.

San Juan 12:1 Iomraidhean Croise

San Mateo 21:17

Jayawe Jesús ueya reta, jare oë oo Jerusalén wi tëta wasu raɨ Betania kotɨ, jare joko pe umbɨasa pɨ̈tu.

Marcos 11:11

Jayawe Jesús oo uwäe Jerusalén pe yawe, uike oo tupao wasu joka pe jare umae jokoropi opaete mbaembae re. Erëi kaaru ma chupe ramo, oë ye oo Betania pe jokua doce jemimboe reta ndiwe.

San Lucas 24:50

Jayawe Jesús wɨraa jemimboe reta Betania kotɨ. Jare yuraa uwäe reta joko pe yawe, Jesús upi ipo ara kotɨ jare jei: “CheRu, jekuaeño iyapo mii ikawi wae kua reta pe,” jei.

San Lucas 7:37

Jare uike wi oo jokua o pe pëti kuña. Opaete jokua tëta wasu pewa reta uikuaa jokua kuña jae ko iawasapota wae. Jokua kuña uikuaa iko Jesús oï jokua fariseo jëta pe wae. Jare ueru mbae utimbo kawi wae pëti mbae jɨru raɨ ita pewa pe.

San Juan 11:1

Ime iko pëti kuimbae Lázaro jee wae tëta wasu raɨ Betania pe. Jare jae jindɨ reta ko jae María jare Marta jee wae reta. Kua María ko jae taɨkue rupi upɨyereta iko mbae utimbo kawi wae yandeYa ipɨ re jare umɨtinita iko ía pɨpe wae. Jare Lázaro imbaerasɨ iko.

San Juan 11:43

Jayawe Jesús kua jei ma yawe, usapɨkai rewe jei: “Lázaro, eë joko wi,” jei chupe.

San Juan 11:44

Jayawe jawoi pewa kuimbae umano iko wae oë oo joko wi. Ipo jare ipɨ uñeñoma oï tarapo pɨpe, jare jowa uñeñoma oï nieso pɨpe kërái jae reta jeko rupi. Jayawe Jesús jei: “Piyora chuwi iñomaa jare tuwata,” jei chupe reta.

San Juan 11:55

Jare koiño ma ou pascua iara reta uyemɨmandúa waerä judío reta. Jáeramo jeta wae reta yuraa opaete tëta wasu raɨ reta wi Jerusalén pe ndei uwäe pascua mbowe. Echa’ä uipota uyeyapɨkatu kawi reta Tumpa kotɨ ipuere umbɨasa kawi reta waerä pascua iara reta.

San Juan 12:12

Jare pɨarewe pe Jesús oo Jerusalén kotɨ. Kua jeräkua opaete Jerusalén pe ñonoï wae reta pe. Kua reta tenonde ma yuweru Jerusalén pe uyemɨmandúa reta waerä pascua iara reta re. Jare jae reta uikuaa yawe Jesús ou oï Jerusalén pe wae, tuicha rupi uyerowia reta.

San Juan 12:20

Jare Jerusalén pe ñonoï wae reta ipɨte pe iko amokue griego reta. Jae reta ko judío mbae wae reta jare yuweru ma kua pascua pe umbutuicha reta waerä Tumpa jee.

San Juan 12:9

Jare jeräkua jeta judío reta pe Jesús joko pe yepe oï. Jáeramo yuweru reta uecha waerä Jesús. Erëi yuweru’ä reta Jesús uecha waeräño. Yuweru reta wi uecha waerä Lázaro. Echa’ä uipota uecha reta jokua kuimbae tenonde yawe umano jare Jesús umbɨjekowe ye ueru wae.