San Juan 11:49 - Biblia

⁴⁹ Erëi pëti wae – jae ko Caifás jee wae jare jae ko sacerdote tenondewaete jokua año rupi – jei chupe reta: “Pe reta piyemɨngeta peï pikuaa mbae echa,” jei chupe reta.

Guaraní Pe (Western): Simba

⁴⁹ Ẽrei penti ipɨte pe oĩ vae - Caifás jee vae - jae co sacerdote tenondegua jocua año - jei: —Picuaa'ã etei mbae.

San Juan 11:49 Iomraidhean Croise

San Mateo 26:3

Jokua rambuewe, sacerdote itenondewa reta jare judío itenondewa reta uyembatɨ sacerdote tenondewaete Caifás jee wae joka pe.

San Juan 11:51

Jukuärái jei Caifás, erëi añetete jae uyemɨngeta’ä iko jaeiño. Tumpa uikuaaka iko Caifás rupi mbae uyeyapota iko wae. Kua nunga amo amo pe Tumpa uyapo sacerdote tenondewaete rupi. Jare kua wese Tumpa uikuaaka iko Caifás rupi Jesús umanota iko opaete judío reta ipepɨka pe.

Hechos 4:6

Joko pe ñonoï wi sacerdote tenondewaete Anás jee wae, jare Caifás, Juan, jare Alejandro jee wae, jare ïru kuimbae sacerdote tenondewaete jëtara reta.

1 Corintios 1:20

Jayawe Tumpa jei jukuärái yawe, ¿mbae ra yaeta iyarakuaa katu echa iyupe wae reta rewa? Jare ¿mbae ra yaeta jeta uyemboe wae reta rewa jare jokua ikatu uyeaka waerä wae reta rewa? Yepe tëi kua reta iyarakuaa katu echa ko, erëi jae reta iyarakuaa kua ɨwɨ pewaño ko. Jare Tumpa uikuaaka ma yandewe arakuaa kua ɨwɨ pewa añetete mbae’ä etei ko.

1 Corintios 2:6

Erëi che aï yawe kía kía Tumpa kotɨ ukuakuaa ma wae reta ipɨte pe, che aiporu ko ñee arakuaa katu pewa. Erëi kua arakuaa mbaetɨ ko ɨwɨ pewa. Jare jae’ä ko wi mburuwicha reta kua ɨwɨ pewa iyarakuaa onoi wae rami. Echa’ä añetete jokua mburuwicha reta imbaepuere opata oï.