San Juan 11:42 - Biblia

⁴² Aikuaa nde ndiyapɨsakañoi cheré. Erëi che jae aï kuärái opaete kua cheyɨpɨ rupi ñonoï wae reta wɨrowia waerä nde ko chembou wae,” jei.

Guaraní Pe (Western): Simba

⁴² Aicuaa jecuaeño ndiyandu cheve, ẽrei jae cuarãi cua cheyɨpɨ rupi ñugüɨnoi vae reta jeco pegua, jae reta güɨrovia vaerã nde co chembou vae —jei.

San Juan 11:42 Iomraidhean Croise

San Mateo 26:53

“Añetete che aipota yawe, chepuereta tëi aeka cheRu pe jae jawoi pewa ombou waerä jetaete araɨwa reta cherepɨ waerä. ¿Ndikuaa’ä yerá jokua?” jei chupe.

San Juan 11:22

Erëi jesewe che aikuaa aï ipotawe nde ndiyerure yawe mbae re Tumpa pe, Tumpa umeeta oï ndewe,” jei Jesús pe.

San Juan 11:31

Jayawe jokua judío reta yuweru umbɨpɨakatu waerä tëi María wae uecha María aramoiño upüa wɨrae oë oo tëta wi. Jae reta wɨrowia tëi María oo ko aipo oï teöwerenda pe uyao waerä joko pe. Jayawe jae reta opa yuraa wi jaɨkue.

San Juan 11:43

Jayawe Jesús kua jei ma yawe, usapɨkai rewe jei: “Lázaro, eë joko wi,” jei chupe.

San Juan 12:11

Echa’ä Lázaro ikowe ye wae jeko pewa jeta judío reta uyerowa sacerdote reta wi Jesús kotɨ jare wɨrowia reta jese.

San Juan 12:17

Jayawe jeta wae reta yuraa owäiti Jesús, echa’ä jokua uecha Jesús kërái umbɨjekowe ye Lázaro ueru wae reta jekuaeño imiäri yureko jokua re. Jei reta: “Ore nduecha Jesús jei jokua umanokue wae pe oë waerä teöwerenda wi jekowe rewe, jare jukuärái uyeyapo. Jokua ko jae mbae kiawe ipuere’ä uyapo wae,” jei reta.

San Juan 17:21

“Ayerure aï ndewe opaete jae reta yureko waerä pëti ramiño. Echa’ä jukuärái ko yande ñaï. Nde jare che pëti ramiño ko ñaï yandiyé. Jare jukuärái wi jae reta tuiko pëti ramiño yanderé. Jukuärái, cheRu mii, kua aeka ndewe ndiyapo waerä kua ɨwɨ pewa reta wɨrowia waerä nde ko chembou wae,” jei.

San Juan 17:25

“CheRu jupiete ye wae, kua ɨwɨ pewa reta ndekuaa’ä. Erëi che ndukuaaño mái. Jare kua cheremimboe reta uikuaa nde ko chembou wae,” jei.

San Juan 20:31

Erëi kua uyekuatía oï wae uyekuatía ko pe reta perowia waerä Jesús jae ko Cristo jei chupe reta wae jare Tumpa Taɨ etei ko. Jare jukuärái perowia jese yawe, penoita tekowe opa mbae wae jae imbaepuere rupi.

San Juan 3:17

Echa’ä Tumpa mbaetɨ ko ombou Taɨ kua ɨwɨ pe umbɨjeko waerä ɨwɨ pewa reta. Ombou ko uepɨ reta waerä.

San Juan 8:16

Erëitu aipota jae yawe kía jeko rewa, che ayapota jupi rupi kawi, echa’ä cheiño’ä ayapo aï. CheRu chembou wae jae che ndiwe oï. Jare che cheRu ndiwe ndupurumbɨjeko jupi rupi kawi,” jei chupe reta.

San Juan 8:29

“CheRu ko chembou jare jae oï che ndiwe. Jae chereya’ä etei, echa’ä che jekuaeño ayapo jae umbɨyerowia wae,” jei chupe reta.

San Juan 8:42

Jayawe Jesús jei chupe reta: “Añetete Tumpa ko jae peRu yawe, jayawe pe reta cherauta tëi ko, echa’ä che ayu ko Tumpa wi. Tumpa etei ko chembou. Che ayu’ä ko che aipota ramoño,” jei chupe reta.

Romanos 8:3

Opaete Tumpa jei Moisés pe uikuatía waerä wae ipuere’ä yanderepɨ Tumpa iarasɨ wi, echa’ä ñanepɨräta’ä ñaï yaiko waerä jupi opaete Tumpa jei wae rupi. Jáeramo Tumpa uyapo mbae ikawi wae yanderepɨ waerä. Jae ombou Taɨ kua ɨwɨ pe umano waerä mbaembae yayawɨ Tumpa kotɨ wae re. Taɨ uyeyapo kuimbaerä jare uyekuaa yandewe ipotawe kuimbae uyawɨ Tumpa kotɨ wae rami, erëi jae uyawɨ'ä etei Tumpa kotɨ. Erëitu Tumpa uiporaraka chupe jete pe yande mbaembae yayawɨ wae re, jare jukuärái ndarau ma ñanoi teko Tumpa jowai.

Gálatas 4:4

Erëi ara uwäe ma yawe Tumpa jei wae, jae ombou Taɨ kua ɨwɨ pe. Jae oa pëti kuña wi yande rami. Jare jae ko judío ramo, jae iko wi Moisés arakae uikuatía wae rupi. Jukuärái Tumpa ombou Taɨ

Hebreos 5:7

Cristo kua ɨwɨ pe iko rambuewe, uyerure usapɨkai rewe jare jesaɨ rewe yandeRu Tumpa pe jae uepɨ waerä mano wi. Jare Cristo uñemɨmichi rewe uyapo Tumpa jei wae ramo, Tumpa uyapɨsaka uyerure chupe wae re. Echa’ä umbɨjekowe ye ueru Cristo umanokue wae reta ipɨte wi.

Hebreos 7:25

Jáeramo ime yawe kía uipota iko Tumpa ndiwe wae jare wɨrowia ma Jesús re wae, Jesús ipuerete uepɨ jaeño mái pewa. Echa’ä Jesús ikoño mái uyerure waerä Tumpa pe omborɨ reta waerä.

1 Juan 4:14

Jare jokuaño’ä ko. Jae nunga wi yandeRu Tumpa ombou Taɨ ɨwɨ pe uepɨ waerä ɨwɨ pewa reta. Jukuärái ore nduecha ma, jare jukuäraiete wi ore nduikuaaka noï opaete wae pe.