San Juan 11:41 - Biblia

⁴¹ Jayawe umbɨsɨrɨ reta jokua ita teöwerenda jöke wi. Jare Jesús jowaɨwa ara kotɨ umae jare jei: “CheRu mii, amee yasurupái ndewe, echa’ä nde ndiyapɨsaka cheré ramo.

Guaraní Pe (Western): Simba

⁴¹ Jayave umbɨsɨrɨ reta ita teõgüerɨru jonque güi. Jayave Jesús umae ara cotɨ jare jei: —CheRu, amee yasurupai ndeve nde ndiyandu cheve vae re.

San Juan 11:41 Iomraidhean Croise

San Mateo 11:25

Joko wi Jesús umbɨpɨ uyerure Tumpa pe kuärái: “CheRu mii, nde ko jae ara pewa reta iYa jare ɨwɨ pewa reta iYa wi,” jei. “Che ambutuicha nderee, echa’ä kua mbaembae ndikuaaka ma sambiaɨ reta pe, jare nemaeño’ä iyarakuaa katu echa iyupe wae reta re uikuaa waerä,” jei.

San Mateo 11:26

“Jukuärái ndiyapo, cheRu, echa’ä jokua nembɨyerowia ramo,” jei uyerure.

San Mateo 27:60

Joko wi wɨraa oñono pëti teöwerenda ipɨau wae pe itape uyeyoo wae pe. Jokua ko jae teöwerenda José uyapoka iyupe wae. Jayawe oñono ma yawe Jesús jetekue joko pe, José umbɨyapayere ita tuicha wae uyukenda waerä teöwerenda jöke. Jare joko wi oo ye.

Marcos 15:46

Jayawe José oo owa nieso. Jare umbɨweyɨ ma yawe Jesús jetekue kurusu wi, oñoma nieso pe. Joko wi wɨraa oñono pëti teöwerenda itape uyeyoo wae pe, jare umbɨyapayere ita tuicha wae uyukenda waerä teöwerenda jöke.

San Lucas 10:21

Jokua ora pe etei Jesús uyerowiaete Espíritu Santo rupi jare umbɨpɨ uyerure Tumpa pe kuärái: “CheRu mii, nde ko jae ara pewa reta iYa jare ɨwɨ pewa reta iYa wi,” jei. “Che ambutuicha nderee, echa’ä kua mbaembae ndikuaaka ma sambiaɨ reta pe, jare nemaeño’ä iyarakuaa katu echa iyupe wae reta re uikuaa waerä,” jei. “Jukuärái ndiyapo, cheRu, echa’ä jokua nembɨyerowia ramo,” jei uyerure.

San Lucas 18:13

“Erëi jokua mburuwicha pewarä okowara wae uyemboɨ oï mbɨrɨ katu mii jokua fariseo wi, jare uipota’äwe jowaɨwa umae parawete ara kotɨ imara ramo. Jaeño okua pɨi pɨi ipɨtía re jare jei parawete: ‘Tumpa, cheparareko mii. Che jeta ayawɨ ndekotɨ,’ jei.”

San Lucas 24:2

Jare yuraa uwäe reta yawe teöwerenda pe, uecha reta ita tuicha wae uyembɨsɨrɨ ma oï teöwerenda jöke wi.

San Juan 11:22

Erëi jesewe che aikuaa aï ipotawe nde ndiyerure yawe mbae re Tumpa pe, Tumpa umeeta oï ndewe,” jei Jesús pe.

San Juan 17:1

Kua jei ma yawe, Jesús jowaɨwa ara kotɨ umae jare jei: “CheRu mii, uwäe ma ara che amano waerä,” jei. “Añawe kua mbae asata aï wae rupi, ikuaaka mii che ndeRaɨrä aiko wae cheree tuichaete ye ko wae. Jayawe chepuereta aikuaaka nderee tuichaete ye ko wi,” jei.

San Juan 20:1

Jare domingo ara pe ndei köe mbowe María Magdalena oo teöwerenda pe. Jare oo ma uwäe yawe joko pe, uecha ita uyeyukenda pɨpe wae uyembɨsɨrɨ ma.

Hechos 7:55

Erëi Esteban ukɨye’ä etei chuwi reta, Espíritu Santo umɨmbaepuere ramo. Jae umae ara kotɨ jare uecha yandeRu Tumpa imbaepuere uwerasɨete ye wae, jare uecha wi Jesús uyemboɨ oï Tumpa iyakata kotɨ.

Filipenses 4:6

Awɨye etei piyembɨpɨa’ä mbae re awe. Erëi piyerure Tumpa pe opaete mbaembae re. Peka chupe opaete mbaembae uata oï pewe wae yasurupái pemee chupe rewe, echa’ä jae uyandu oï piyerure chupe wae re.