San Juan 11:4 - Biblia

⁴ Jesús kua uyandu yawe, jei jemimboe reta pe: “Kua mbaerasɨ mano pewa’ä ko. Oa jese jukuärái rupi ïru wae reta uecha waerä Tumpa imbaepuere jupiete ye wae, jare jae nunga wi jukuärái rupi uyembutuichaka waerä che cheree, che Tumpa Taɨrä aiko wae,” jei chupe reta.

Guaraní Pe (Western): Simba

⁴ Jesús cua uicuaa yave, jei: —Cua imbaerasɨ ou chupe ĩru vae reta umbɨadora vaerã Tumpa. Ou'ã jae umano vaerã. Echa'ã che co jae Tumpa Taɨ, jare ĩru vae reta chembɨadorata cua mbaerasɨ jeco pegua —jei.

San Juan 11:4 Iomraidhean Croise

Éxodo 16:7

“Jare kuriye ndimbowe wi pechata uyekuaa pewe Tumpa imbaepuere jupi wae tembipe uwerasɨ wae rami. Jae uyandu oï piyengeta peï ikotɨ wae. Ore jaeño nduyapo noï Tumpa jei wae rupi. ¿Maera pa piyengetaete orekotɨ?” Jukuärái jei chupe reta.

San Juan 10:38

Erëi ayapo ko aï mbaembae cheRu uyapo wae. Jayawe piyemɨngeta kawi pepɨa pe kua mbaembae pecha ayapo aï wae re,” jei chupe reta. “Yepe tëi pipota’ä perowia chiñee re, erëi kua mbaembae ayapo aï wae re yepe chererowia. Jukuärái pikuaa kawita cheRu oï che ndiwe wae, jare che aï cheRu ndiwe wae,” jei Jesús chupe reta.

San Juan 11:40

Jayawe Jesús jei chupe: “¿Jae’ä yerá ndewe nderowia cheré yawe, ndechata Tumpa imbaepuere jupiete ye wae?” jei chupe.

San Juan 12:28

Joko wi Jesús uyerure Tu pe: “CheRu mii, tuyembutuichaka nderee,” jei. Jayawe jupiwoi ou ñee ara wi jei: “Cheree ambutuichaka ma. Jare jokua ayapo yeta aï,” jei.

San Juan 17:1

Kua jei ma yawe, Jesús jowaɨwa ara kotɨ umae jare jei: “CheRu mii, uwäe ma ara che amano waerä,” jei. “Añawe kua mbae asata aï wae rupi, ikuaaka mii che ndeRaɨrä aiko wae cheree tuichaete ye ko wae. Jayawe chepuereta aikuaaka nderee tuichaete ye ko wi,” jei.

San Juan 17:10

“Opaete chembae reta nembae ko wi. Jare opaete nembae reta chembae ko wi. Jare jae reta mbaembae uyapo wae rupi cheree uyembutuichaka oï,” jei.

San Juan 17:5

“Jare añawe, cheRu, a yeta ma aï ndepɨ kiape aikose wae pe ndei ɨwɨ uyeyapo mbowe. Chemandúa kawi, che aikose nde ndiwe yawe, yande yayembutuichaka päwe yaiko. Añawe iyapo mii yayembutuichaka päwe ye waerä kërái yaikose wae rami,” jei.

San Juan 2:11

Jesús kua uyapo ɨwɨ Galilea pe tëta wasu raɨ Caná pe. Jare jokua ko jae jaeramo etei Jesús mbae uyapo kiawe ipuere’ä uyapo wae. Jukuärái umbɨpɨ uechaka jae imbaepuere tuicha wae. Jare jokua jae uyapo wae jeko pewa jemimboe reta wɨrowia jese.

San Juan 5:23

“Echa’ä cheRu uipota opaete wae reta uipɨu waerä chewi, che jae Taɨrä aiko wae wi, kërái chuwi uipɨu reta rami. Añetete ime yawe kía uipɨu’ä chewi wae, cheRu wi ko uipɨu’ä oï, echa’ä cheRu etei ko chembou,” jei chupe reta.

San Juan 8:54

Jayawe Jesús jei chupe reta: “Che ayembutuicha’ä aï cheiño. Echa’ä che ayembutuicha yawe cheiño, jokua mbae’ä etei ko. CheRu ko chembutuichaka oï. Jare jae ko pe reta ‘oreRu Tumpa’ pere tëi chupe wae.

San Juan 9:24

Jayawe judío itenondewa reta uenika ye kuimbae tenonde yawe jesa mbae iko wae, jare jei reta chupe: “Iyemɨngeta orewe Tumpa jowake. Echa’ä ore nduikuaa jokua Jesús uyawɨ oï Tumpa jei wae,” jei reta chupe.

San Juan 9:3

Jayawe Jesús jei chupe reta: “Tu jare ichɨ jeko pewa’ä ko, jare jae jeko pewa’ä wi. Jukuärái oa Tumpa imbaepuere uyekuaa jese waerä,” jei.

Romanos 11:11

Jayawe judío reta opaete seri ma opia Tumpa wi, echa’ä jae reta wɨrɨ̈ro Jesús ramo. Jukuärái jae reta tuicha teko onoi Tumpa kotɨ. Erëi ¿kua uipota ra jei jae reta upɨtata jukuäraiño jaeño mái pewa? ¡Mbaetɨ etei! Erëi añawe rupi judío reta wɨrɨ̈ro Jesucristo ramo, Tumpa umee oï judío mbae wae reta pe ipuere waerä jae reta onoi tekowe opa mbae wae. Jare jukuärái Tumpa uyapo judío reta uñemɨro waerä.

Filipenses 1:11

Jare Jesucristo pemborɨta ime waerä penoi teko ikawi wae opaete wae uecha waerä. Jare jukuärái pereko pewa ïru wae reta uipɨuta Tumpa wi jare umbutuichata jae jee. Jukuärái ko ayerure aï Tumpa pe peré.

Filipenses 1:20

Jare che arowia katu aï Tumpa re jae chemɨmɨräta waerä awɨye waerä chemara Cristo wi, jare jekuaeño ambutuicha waerä Cristo jee akɨye mbae rewe. Aipotaete Cristo jee uyembutuichaka waerä opaete mbae ayapo wae rupi kua cherekowe pe aï rambuewe. Jare chemano rupi aipota Cristo jee uyembutuichaka waerä wi.

1 Pedro 1:21

Jare kua Cristo uyapo pewe wae rupi pe reta piyeko peï Tumpa re. YandeRu Tumpa jae ko umbɨjekowe ye Cristo ueru umanokue wae reta ipɨte wi wae. Jare jae umbɨjekowe ye ma yawe, umee chupe mbaepuere jupiete ye wae. Jukuärái Tumpa uyapo pe reta pikuaa waerä pepuere perowia katu jese umee waerä pewe opaete jae jei umeeta pewe wae.

1 Pedro 4:11

Jayawe ime yawe kía Tumpa umee chupe iñeengatu uyemɨngeta waerä wae, tuyemɨngeta Tumpa etei uyemɨngeta oï wae rami. Jare ime yawe kía Tumpa umee chupe uyeyokui waerä ïru wae reta pe wae, tuyeyokui mɨräta Tumpa umee chupe wae rupi. Jukuärái ko piyeyokuita peyupe. Jare jukuärái piyapo yawe, jayawe opaete mbaembae piyapo wae rupi, pepɨte pe uyekuaata oï Jesucristo imbaepuere jare jukuärái Tumpa jee uyembutuichakata oï. YandeRu Tumpa tonoi opaete mbaepuere, jare jae jee tuyembutuichaka jaeño mái pewa. ¡Jukuärái tuiko!

1 Pedro 4:14

Jáeramo ïru wae reta jei yawe mbae ikawi mbae wae pekotɨ Cristo re perowia jeko pewa, añetete piyekouete peï. Echa’ä Tumpa iEspíritu Santo jare jae imbaepuere jupiete wae oï pe reta ndiwe ramo.