San Juan 11:39 - Biblia

³⁹ Jayawe Jesús jei: “Pembɨsɨrɨ jokua ita jöke wi,” jei. Erëi Marta – jae ko jokua kuimbae umano wae jindɨ – jei chupe: “CheYa, ine ma ko aipo oï. Echa’ä irundɨ ara ma oï umano wae,” jei chupe.

Guaraní Pe (Western): Simba

³⁹ Jayave Jesús jei: —Pembɨsɨrɨ ita joco güi. Marta - jae co cuimbae amɨri jindɨ - jei chupe: —CheYa, ine ma co. Echa'ã irundɨ ara ma oĩ umano güive —jei.

San Juan 11:39 Iomraidhean Croise

Génesis 3:19

Jeta ndepireita, echa’ä ndeparawɨkɨta ko täta ime waerä nderembiurä nemano rewa jare nderete oo ye rewa uyea ɨwɨ ndiwe. Ɨwɨkuí wi ayapo nderete, jare ɨwɨkuí ko nde, jare ɨwɨkuirä ndeo yeta,” jei Tumpa Adán pe.

Marcos 16:3

Jare yuraa yureko reta rambuewe, jei reta iyupe: “¿Kía ra umbɨsɨrɨta yandewe jokua ita tuicha wae yandepuere waerä yaike teöwerenda japɨpe?” jei reta.

San Juan 11:17

Jayawe jae reta opa yuraa Betania pe. Jare uwäe seri ma yuraa reta yawe, amokue wae reta yuweru umɨmbeu Jesús pe irundɨ ara ma yepe oï Lázaro teöwerenda pe.

Hechos 13:36

“Erëi kua salmo pe uyemɨngeta’ä oï David rewa. Echa’ä David umano opa ma uyapo yawe opaete mbarawɨkɨ Tumpa umee chupe wae. Jare jetekue uñeñotɨka tamɨkue reta jetekue ñonoï wae pe jare opa ikumewa.

Hechos 2:27

Che ko jae jupi rupi ndewe ayeyokui wae. Jare aikuaa aï amano ma yawe, nde, cheTumpa, ndarau chereya neï umanokue wae reta ñonoï wae pe. Ndarau nemaeño cherete opa jüu waerä.

Filipenses 3:21

Jae umbɨambɨeta oï yanderete kua ɨwɨ pewa ikawiete ye oï waerä jae jete imbaepuerete wae ara pewa rami. Jukuärái yandeYa uyapota oï jae imbaepuere tuichaete wae rupi. Kua ko jae mbaepuere jae ime onoi opaete mbaembae re wae.