San Juan 11:38 - Biblia

³⁸ Jayawe Jesús jekuae tuicha rupi ipɨatɨtɨ rewe oya teöwerenda re. Jokua teöwerenda pëti ɨwawïra uyeyoo wae ko, jare pëti ita tuicha wae oï jöke re.

Guaraní Pe (Western): Simba

³⁸ Jesús iañeequi ye. Jayave oo teõgüerɨru oĩ vae pe. Jocua teõgüerɨru penti itape uyeyoo vae co jare ita tuicha vae oĩ teõgüerɨru jonque re.

San Juan 11:38 Iomraidhean Croise

Génesis 23:19

Joko wi Abraham oñotɨ jembireko Sara jetekue ɨwɨkua pe ñuu Macpela jee wae pe. Macpela oï Mamre wi koiño. Mamre ɨwɨ Canaán pe oï, jare ïruwe jee ko Hebrón.

San Mateo 27:60

Joko wi wɨraa oñono pëti teöwerenda ipɨau wae pe itape uyeyoo wae pe. Jokua ko jae teöwerenda José uyapoka iyupe wae. Jayawe oñono ma yawe Jesús jetekue joko pe, José umbɨyapayere ita tuicha wae uyukenda waerä teöwerenda jöke. Jare joko wi oo ye.

San Mateo 27:66

Jayawe jae reta yuraa uyukenda kawi teöwerenda jöke. Jare umɨseñara reta awɨye waerä kiawe uipea. Jare ueya joko pe sɨndaro reta uyandareko waerä teöwerenda re.

Marcos 15:46

Jayawe José oo owa nieso. Jare umbɨweyɨ ma yawe Jesús jetekue kurusu wi, oñoma nieso pe. Joko wi wɨraa oñono pëti teöwerenda itape uyeyoo wae pe, jare umbɨyapayere ita tuicha wae uyukenda waerä teöwerenda jöke.

Marcos 8:12

Jayawe Jesús iañeki jare jei chupe reta: “¿Maera ra pe reta pipota che ayapo waerä mbae tuicha wae jukuärái aechaka waerä pewe Tumpa ko chembou wae?” jei. “Che tae pewe añetete wae, ndarau etei ayapo pewe kua peka peï chewe wae,” jei chupe reta.

San Lucas 24:2

Jare yuraa uwäe reta yawe teöwerenda pe, uecha reta ita tuicha wae uyembɨsɨrɨ ma oï teöwerenda jöke wi.

San Juan 11:33

Jare Jesús uecha yawe María jare opaete judío María umɨïru wae reta uyao ñonoï, tuicha rupi ipɨatɨtɨ jare uiparareko reta.

San Juan 20:1

Jare domingo ara pe ndei köe mbowe María Magdalena oo teöwerenda pe. Jare oo ma uwäe yawe joko pe, uecha ita uyeyukenda pɨpe wae uyembɨsɨrɨ ma.