San Juan 11:28 - Biblia

²⁸ Marta kua jei ma yawe, oo ueni ipɨkɨɨ María. Jare umɨngeta wɨari jei rewe: “Oporomboe wae kua pe oï. Jae nereni oï,” jei chupe.

Guaraní Pe (Western): Simba

²⁸ Marta cua jei ma yave, oo ueni María - jae co Marta ipɨquɨɨ. Jayave güɨraa ĩru vae reta ipɨte güi jare jei chupe: —Oporomboe vae cua pe oĩ jare uipota ndeo vaerã jae oĩ vae pe.

San Juan 11:28 Iomraidhean Croise

San Mateo 26:18

Jayawe Jesús jei chupe reta: “Pekua tëta wasu pe jokua kuimbae che amɨmbeu ma pewe wae jëta pe. Jare pere chupe: ‘Oremboea jei: Uwäe ma ora Tumpa oñono tee chemaerä wae. Che aipota jau tembiu pascua pewa nerëta pe cheremimboe reta ndiwe,’ pere chupe,” jei Jesús chupe reta.

Marcos 10:49

Jayawe Jesús uyemboɨ jare omondo ueni. Jayawe jei reta jesa mbae wae pe: “Iñemɨatangätu. Epüa. Nereni ma oï,” jei reta chupe.

Marcos 14:14

Joko pe pereta tëta iya pe: ‘Oporomboe wae upɨrandu oï kiape ra ime oï o jae jou waerä tembiu pascua pewa jemimboe reta ndiwe,’ pere chupe,” jei.

San Lucas 22:11

Jayawe pereta tëta iya pe: ‘Oporomboe wae upɨrandu oï kiape ra ime oï o jae jou waerä tembiu pascua pewa jemimboe reta ndiwe,’ pere chupe.

San Juan 1:41

Joko wi jawoi pewa Andrés oo ueka tɨkeɨ Simón. Jare uwäe chupe yawe, jei chupe: “Ore nduecha wɨte ma jokua yae chupe Mesías wae,” jei chupe. (Kua ñee Mesías uipota jei ‘Cristo’ jae reta iñee pe.)

San Juan 1:45

Jayawe Felipe oo ueka kuimbae Natanael jee wae – jae ko Felipe ïru. Jare uwäe chupe yawe, Felipe jei Natanael pe: “Nde ndikuaa Moisés jare ïru Tumpa iñee arakae umɨmbeu wae reta uikuatía wae, kërái outa oï Upuruepɨ wae. Añawe ore nduikuaa ma jae. Jae yepe José taɨ Jesús jee wae tëta wasu Nazaret pewa,” jei chupe.

San Juan 10:3

“Jare owecha reta iyandarekoa uipota uike yawe, öke uäro wae uipeata chupe. Jare jae uike ma yawe, yuweruta ikotɨ iowecha reta, echa’ä jae reta uikuaa iyandarekoa iñee ramo. Jare jae uenita pëti pëti iowecha reta jee rupi jare onoeta wɨraa reta owecharokai wi,” jei.

San Juan 11:20

Jare ime kía umbeu Marta pe Jesús outa ma uwäe oï. Jayawe Marta oo owäiti Jesús. Erëi María upɨtaño jëta pe.

San Juan 11:29

Jayawe María kua uyandu yawe, jupiwoiño upüa oë oo owäiti Jesús,

San Juan 11:30

echa’ä ndei Jesús uike tëta wasu raɨ pe. Marta owäiti wae peño upɨta.

San Juan 13:13

Pe reta pere chewe ‘CheYa,’ jare pere wi ‘Oporomboe wae.’ Jare añetete jupi ko pere chewe waerä jukuärái, echa’ä che ko jae peYa jare pemboea,” jei chupe reta.

San Juan 20:16

Jayawe Jesús jei chupe: “María,” jei chupe. María kua uyandu yawe, uikuaa woi jae yepe Jesús wae. Jayawe uyerowa ye ikotɨ jare jei chupe: “¡Raboni!” jei chupe. Kua uipota jei iñee pe, “Oporomboe wae.”

San Juan 21:7

Jayawe jokua jemimboe Jesús uauete wae jei Pedro pe: “¡Mase, jae yepe yandeYa!” jei chupe. Jare Simón Pedro uyandu yawe, jawoi pewa uyemonde, echa’ä omboi yepe amokue jemimonde uparawɨkɨ kawi waerä. Jare uyemonde ma yawe, upɨrɨrɨkɨ ɨ pe jare uɨtai oo Jesús kotɨ.

1 Tesalonicenses 5:11

Kua mbaembae añetete ko. Jáeramo jekuaeño piñemɨatangätu päwe jare piñemɨmɨräta Tumpa re kërái piyapo peï rami.

Hebreos 12:12

Jáeramo yepe tëi pekueri jare pekandɨ peï aramoi Tumpa kotɨ, erëi piñemɨmɨräta.