San Juan 11:25 - Biblia

²⁵ Jayawe Jesús jei chupe: “Che ko jae tekowe amee wae jare umanokue wae reta ambɨjekowe ye wae,” jei chupe. “Cheré wɨrowia wae reta, yepe tëi umano, erëi ikowe yeta ñonoï.

Guaraní Pe (Western): Simba

²⁵ —Che co amee tecove umanocue vae reta pe jare aru ye ĩru umanocue vae reta ipɨte güi —jei Jesús—. Cheré güɨrovia vae, yepe tẽi umano oĩ, icove yeta co.

San Juan 11:25 Iomraidhean Croise

San Lucas 23:43

Jayawe Jesús jei chupe: “Che tae ndewe añetete wae, kua ara etei nde neïta che ndiwe ara pe,” jei chupe.

San Juan 1:4

Jae ko tekowe iYa. Jare jae jekowe rupi uikuaaka ɨwɨ pewa reta pe Tumpa rewa kërái tembipe umbɨembipe pɨ̈tumimbi pe wae rami. Jare pɨ̈tumimbi ndarau etei ombowe jokua tembipe.

San Juan 14:19

“Ndei ɨma mbowe, kua ɨwɨ jeko rupi yureko wae reta ndarau ye ma cherecha. Erëi pe reta cherecha yeta peï kuri. Jare che aikowe yeta aï ramo, pe reta penoita wi tekowe ipɨau wae.

San Juan 14:6

Jare Jesús jei chupe: “Che ko jae tape Tumpa kotɨ oo wae. Che ko jae añetete ayemɨngeta Tumpa rewa wae. Cheño ko jae tekowe opa mbae wae amee wae. Jare kiawe ipuere’ä oya cheRu re – jaeño che rupi,” jei chupe.

San Juan 3:16

Tumpa uauete ɨwɨ pewa reta. Jáeramo umee Taɨ jae waeño wae, ipotawe kía wɨrowia jese wae onoi waerä tekowe opa mbae wae. Ndarau etei oo Tatawasurenda pe.

San Juan 3:36

Jare ipotawe kía Tumpa Taɨ re wɨrowia wae ime onoi tekowe opa mbae wae. Erëi Tumpa Taɨ re wɨrowia mbae wae ndarau onoi jokua tekowe, jare Tumpa iarasɨ jekuaeño oï jese.

San Juan 5:21

“CheRu Tumpa, jae ko tekowe iYa jare jae ipuere umbɨjekowe ye umanokue wae reta. Jare jukuärái wi che jae Taɨrä aï wae chepuere amee tekowe ipotawe kía aipota wae pe,” jei chupe reta.

San Juan 5:26

Jukuäraita ko, echa’ä kërái cheRu ko jae tekowe iYa, jukuäraiete wi jae umee chewe che aï waerä tekowe iYarä.

San Juan 6:35

Jayawe Jesús jei chupe reta: “Che etei ko jae jokua mbɨyape tekowe opa mbae wae umee wae,” jei. “Ipotawe kía ou chekotɨ cheré wɨrowia rewe wae ndarau etei iyembaɨ jare ndarau etei iɨwe wi,” jei umbɨjaanga rewe.

San Juan 6:44

“CheRu ko chembou. Jare ipuere’ä kía ou chekotɨ cheRu umɨkɨrëɨ'ä yawe ou chekotɨ waerä. Jare jokua chekotɨ ou wae reta ambɨjekowe yeta aï kuri ara taɨkuewa pe,” jei chupe reta.

Hechos 3:15

Jare jukuärái piyukaka tekowe iYa etei,” jei. “Erëi yepe tëi piyukaka, jesewe Tumpa umbɨjekowe ye ueru umanokue wae reta ipɨte wi. Jare kua ore nduecha oreresa pe etei,” jei chupe reta.

Romanos 4:17

Jukuärái ko jei Tumpa iñeerɨru pe. Echa’ä uyekuatía oï joko pe kua mbae Tumpa jei Abraham pe wae: “Che nduyapota aï jeta ambɨe ɨwɨ pewa reta tamɨrä.” Jukuärái Tumpa jei chupe jare jukuärái ma uyapo chupe, echa’ä opaete yande Cristo re yarowia wae reta ko jae Abraham iñemoñaa añetete wae Tumpa jowai. Jare jukuärái yandepuereta yayekou Abraham ndiwe jokua mbaembae Tumpa umeeta oï chupe wae re. Tumpa uyapo kua mbae ikawi wae Abraham pewarä, echa’ä Abraham wɨrowia iñee re ramo. Abraham uikuaa Tumpa imbaepuere tuichaete ko, jare Tumpa uipota yawe, jae nunga wi ipuere umbɨjekowe ye umanokue wae reta. Jáeramo Abraham uikuaa yawai’ä ko Tumpa pewarä umee chupe uñemoña waerä.

Romanos 8:2

Echa’ä yepe tëi yayawɨ Tumpa kotɨ, jare jokua jeko pewa imeta tëi ko ya Tatawasurenda pe, erëi añawe Tumpa yanderepɨ ma chuwi Jesucristo rupi. Echa’ä pëti ramiño ñaï Jesucristo re, jare jukuärái Tumpa umee yandewe Espíritu Santo. Jare jokua Espíritu Santo rupi ime ma ñanoi tekowe ipɨau wae. Jáeramo ndarau ma Tumpa yanembɨsɨrɨ iyuwi.

1 Corintios 15:18

Jae nunga wi Cristo re wɨrowia rewe umano wae reta opa ma ko yuraa tëi Tatawasurenda pe.

1 Corintios 15:29

Jae nunga wi jokua yaikowe yeta ñaï wae wɨrowia’ä wae reta pe, che aipota jae chupe reta kuärái: Pe reta pikuaa peï amokue wae reta uyembɨsakambuka ñonoï tëi ɨ pe umanokue wae reta ipepɨka pe. Erëi ¿maera pa jukuärái uyapo reta tëi umanokue wae reta mbaetɨta ikowe ye yawe?

2 Corintios 4:14

Jare wi ore nduikuaa Tumpa orembɨjekowe yeta oï umanokue wae reta ipɨte wi. Jukuärái Tumpa uyapo yandeYa Jesús pe, jare jukuärái wi jae uyapota oï orewe. Jare pewe reta wi jae uyapota oï jukuärái. Echa’ä päwe rewe jae yandereraata oï Jesús jowai yayekou waerä jae ndiwe.

Filipenses 3:10

Che aipota aikuaa kawi Cristo. Jare jokua mbaepuere Tumpa uiporu umbɨjekowe ye waerä Cristo wae, jokua mbaepuere aipota uparawɨkɨ waerä che rupi wi. Jare yepe tëi aramoi aiporarata jare amanota Cristo rami, erëi aipota aiko wi Cristo rami.

1 Tesalonicenses 4:14

Echa’ä yande yarowia Jesús umano jare ikowe ye ou umanokue wae reta ipɨte wi. Jáeramo yande yarowia ñaï wi Jesús ou ye yawe, Tumpa uyapota opaete wae Jesús re wɨrowia rewe umano wae reta umɨïru waerä Jesús.

Apocalipsis 1:18

“Che ko jae ikoño mái wae. Amano, erëi mase, añawe aiko jaeño mái pewa. Jare che ime anoi mbaepuere mano re jare umanokue wae reta jenda re wi,” jei.

Apocalipsis 21:4

“Jare Tumpa oyoeta opaete jae reta jesaɨ. Ndarau ye ma kía umano, jare ipɨatɨtɨ, jare uyao. Jare ndarau ye ma jasɨ kía pe mbae. Echa’ä añawe opa ma mbaembae ipɨau. Jare ndarau ye ma uyekuaa tenonde mbaembae ime iko wae reta,” jei.

Apocalipsis 22:1

Joko wi araɨwa uechaka chewe ɨ wasu ikɨa mbae wae – jae ko ɨ tekowe opa mbae wae umee wae. Jokua ɨ uwerasɨ vidrio uwerasɨ wae rami. Jare uyekuaa oë ou Tumpa jare Owecha kuimbae taurusu wae iwapɨa wi.

Apocalipsis 22:17

Espíritu Santo jare Owecha kuimbae taurusu wae jembirekorä wae jei: “Eyu, oreYa.” Jare jae nunga wi kua uyandu wae reta tei: “Eyu, oreYa.” Iɨwe wae reta tou kua pe jou waerä ɨ tekowe opa mbae wae umee wae. Jokua jepɨ mbae ko.