San Juan 11:19 - Biblia

¹⁹ Jare jeta judío reta yuweru ma Jerusalén wi Marta jare María ipɨ umbɨpɨakatu waerä tëi ikɨwɨ umano ramo.

Guaraní Pe (Western): Simba

¹⁹ Jare jeta judío reta yugüeru ma Marta jare María ipɨ umbɨpɨacatu vaerã iquɨvɨ amɨri re.

San Juan 11:19 Iomraidhean Croise

Génesis 37:35

Jáeramo opaete Jacob taɨ reta jare tayɨ reta yuweru ipɨ umbɨpɨakatu waerä tëi tu. Erëi Jacob ikueri’ä uyao, jare jei chupe reta: “Tuicha rupi chepɨatɨtɨta ko amano rewa jare awäe chupe rewa cheraɨ amɨri umanokue wae reta ñonoï wae pe,” jei chupe reta. Jukuärái tuichaete ipɨatɨtɨ Jacob José re.

San Lucas 10:39

Jayawe joko pe oï rambuewe, Jesús umbɨpɨ oporomboe Tumpa iñee re. Jare Marta ipɨkɨɨ María jee wae uwapɨ yandeYa iyɨpɨ pe uyapɨsaka waerä iñee re.

San Lucas 10:42

Erëi ime pëtiño mbae ikawiete wae, jare jokua ko María uiparawo iyupe. Jokua ndarau kiawe upɨ̈ro chuwi,” jei Jesús Marta pe.

San Juan 1:19

Jayawe Juan jeräkua ma judío itenondewa reta pe tëta wasu Jerusalén pe. Jayawe jae reta uipota uikuaa kawi jesewa. Jáeramo omondo reta amokue sacerdote reta jare imborɨa reta ndiwe kiape Juan oï wae pe. Jare jae reta yuweru ma uwäe yawe, upɨrandu reta chupe: “¿Kía ko nde?”

San Juan 11:1

Ime iko pëti kuimbae Lázaro jee wae tëta wasu raɨ Betania pe. Jare jae jindɨ reta ko jae María jare Marta jee wae reta. Kua María ko jae taɨkue rupi upɨyereta iko mbae utimbo kawi wae yandeYa ipɨ re jare umɨtinita iko ía pɨpe wae. Jare Lázaro imbaerasɨ iko.

San Juan 11:31

Jayawe jokua judío reta yuweru umbɨpɨakatu waerä tëi María wae uecha María aramoiño upüa wɨrae oë oo tëta wi. Jae reta wɨrowia tëi María oo ko aipo oï teöwerenda pe uyao waerä joko pe. Jayawe jae reta opa yuraa wi jaɨkue.

San Juan 11:33

Jare Jesús uecha yawe María jare opaete judío María umɨïru wae reta uyao ñonoï, tuicha rupi ipɨatɨtɨ jare uiparareko reta.

San Juan 11:36

Jare kua uecha yawe, judío reta jei iyupe: “Mase parawete, uauete yepe,” jei reta.

San Juan 11:45

Jare jeta judío yuweru opou María ipɨ wae reta uecha kërái Jesús umbɨjekowe ye Lázaro. Jayawe wɨrowia reta jese.

San Juan 11:8

“Oporomboe wae,” jei reta, “ndei awe ko ɨma oï judío itenondewa reta uipota tëi ndeyuka yureko joko pe. Jáeramo, ¿maera pa ya yeta jokotɨ?” jei reta chupe.

Romanos 12:15

Jare ime yawe kía pepɨte pe uyerowia oï wae, pe reta wi piyerowia jae ndiwe. Jae ramiño wi ime yawe kía pepɨte pe ipɨatɨtɨ oï wae, pe reta wi pepɨatɨtɨ jae ndiwe.

2 Corintios 1:4

Echa’ä jae yanembɨpɨakatu opaete mbaembae yaiporara wae rupi, jukuärái yande reta yandepuere waerä wi yambɨpɨakatu ïru uiporara ñonoï wae reta kërái Tumpa yanembɨpɨakatu rami.

1 Tesalonicenses 4:18

Kua ñee añetete ko. Jáeramo piñemɨkɨrëɨ jese.

1 Tesalonicenses 5:11

Kua mbaembae añetete ko. Jáeramo jekuaeño piñemɨatangätu päwe jare piñemɨmɨräta Tumpa re kërái piyapo peï rami.