San Juan 11:15 - Biblia

¹⁵ Jare che ayerowia aï joko pe’ä aiko wae re. Echa’ä jukuärái ko jaekawi pemaerä. Echa’ä añawe kua mbae ayapota aï wae rupi pe reta perowiata peï cheré. Ya ñamae jese,” jei Jesús chupe reta.

Guaraní Pe (Western): Simba

¹⁵ Jare ayerovia joco pe aĩ'ã vae re. Cua icavita co peve. Echa'ã peroviata co. Yaa ma icotɨ —jei.

San Juan 11:15 Iomraidhean Croise

Génesis 39:5

Jokua ara wiwe Tumpa umbɨpɨ umbɨyekou kawi opaete Potifar imbaembae reta José jeko pewa. Opaete mbarawɨkɨ reta Potifar jëta rupi oï wae ikawiete iko. Jare iko reta pe yawɨye kawiete temitɨ reta, jare jɨmba reta uñemoña kawiete wi.

San Juan 11:14

Jayawe Jesús umɨmbeu kawi chupe reta: “Lázaro umano ma.

San Juan 11:16

Jayawe Tomás – jae ko Chowakiri pe umbɨjee reta wae – jei Jesús ïru jemimboe reta pe: “Ya wi yande ñamano pochɨ jae ndiwe jowaicho reta ipo pe,” jei chupe reta.

San Juan 11:4

Jesús kua uyandu yawe, jei jemimboe reta pe: “Kua mbaerasɨ mano pewa’ä ko. Oa jese jukuärái rupi ïru wae reta uecha waerä Tumpa imbaepuere jupiete ye wae, jare jae nunga wi jukuärái rupi uyembutuichaka waerä che cheree, che Tumpa Taɨrä aiko wae,” jei chupe reta.

San Juan 12:30

Jayawe Jesús jei chupe reta: “Kua ñee piyandu wae, pemɨkɨrëɨ waerä ko. Mbaetɨ ko chemaerä,” jei chupe reta.

San Juan 2:11

Jesús kua uyapo ɨwɨ Galilea pe tëta wasu raɨ Caná pe. Jare jokua ko jae jaeramo etei Jesús mbae uyapo kiawe ipuere’ä uyapo wae. Jukuärái umbɨpɨ uechaka jae imbaepuere tuicha wae. Jare jokua jae uyapo wae jeko pewa jemimboe reta wɨrowia jese.

2 Corintios 4:15

Jukuärái ko opaete kua mbaembae reta ore nduiporara noï wae ikawita oï pemaerä. Ore nduipotaete jekuaeño jeta wae reta uikuaa waerä Tumpa ipɨakawi. Echa’ä jukuärái yawe, jeta wae reta umeeta yasurupái Tumpa pe, jare Tumpa jee uyembutuichakata oï.

2 Timoteo 2:10

Jayawe jokua ñee ikawi wae jekuaeño uyembeu oo oï ramo, chepɨawasu rewe amɨawätata aï opaete kua aiporara aï wae reta. Che ayapo aï jukuärái Tumpa uiparawo wae reta pewarä. Che aikuaa aï jokua ñee ikawi wae uyandu reta yawe, wɨrowiata jese. Jare chepɨa rewe che aipota Tumpa uepɨ reta waerä Jesucristo rupi jare yureko reta waerä jae ndiwe jaeño mái pewa.

1 Juan 5:13

Jayawe pe Tumpa Taɨ re perowia peï wae reta, che aikuatía aï pewe kua mbaembae pe reta pikuaa waerä penoi ma ko tekowe opa mbae wae.