San Juan 11:14 - Biblia

¹⁴ Jayawe Jesús umɨmbeu kawi chupe reta: “Lázaro umano ma.

Guaraní Pe (Western): Simba

¹⁴ Jayave Jesús umɨmbeu cavi chupe reta: —Lázaro umano ma.

San Juan 11:14 Iomraidhean Croise

Marcos 8:32

Jukuärái Jesús uikuaaka kawi chupe reta umanota iko wae. Erëi jokua ikawi’ä Pedro pe. Jáeramo jae wɨraa Jesús ïru reta ipɨte wi, jare umbɨpɨ umbɨeta chupe jokua jae jei wae re.

San Juan 10:24

Jayawe judío itenondewa reta yuweru uyembatɨ Jesús oï wae pe jare jei reta chupe: “Ɨma ma ore nduipota tëi nduikuaa kawi nde rewa, erëi oreropa noï. Nde ko jae Cristo ndoe chupe wae yawe, jayawe ikuaaka kawi orewe awɨye waerä ma imeño jukuärái noï,” jei reta chupe.

San Juan 11:13

Erëi Jesús jokua jei yawe, uipota jei Lázaro parawete umano ma. Erëitu jae reta wɨrowia tëi Jesús jei iko Lázaro okeño yepe oï.

San Juan 11:15

Jare che ayerowia aï joko pe’ä aiko wae re. Echa’ä jukuärái ko jaekawi pemaerä. Echa’ä añawe kua mbae ayapota aï wae rupi pe reta perowiata peï cheré. Ya ñamae jese,” jei Jesús chupe reta.

San Juan 16:25

“Añawe amɨmbeu ma pewe jeta mbaembae re ambɨjaanga rewe. Erëi uwäeta ma ara amɨmbeu waerä pewe sɨmi kawi cheRu rewa. Ndarau ye ma ayemɨngeta pewe ambɨjaanga rewe,” jei chupe reta.

San Juan 16:29

Jayawe Jesús jemimboe reta jei chupe: “Añawe ramo nemɨmbeu kawi ma neï orewe nembɨjaanga mbae rewe,” jei reta.