San Juan 11:11 - Biblia

¹¹ Jukuärái jei Jesús jemimboe reta pe. Jare joko wi jei wi chupe reta: “Ñaneïru Lázaro oke ma oï, jare che ata ambɨsareko waerä,” jei chupe reta.

Guaraní Pe (Western): Simba

¹¹ Jucuarãi jei Jesús. Jayave jei: —Ñaneamigo Lázaro oque ma oĩ. Ẽrei che aata amomba —jei.

San Juan 11:11 Iomraidhean Croise

Isaías 41:8

Tumpa jei kuärái: “Pe Israel retarä piko wae, pe reta ko jae cheïru Abraham iñemoñaa reta. Che puparawo piyeyokui waerä chewe,” jei Tumpa.

San Mateo 27:52

Jare teöwerenda reta uyepea. Jare taɨkue rupi, Jesús ikowe ye yawe ou umanokue wae reta ipɨte wi, jeta uñeñono tee Tumpa pewarä umanokue wae reta ikowe ye wi. Jare jae reta oë teöwerenda reta wi, jare opa yuraa reta tëta wasu Jerusalén pe, jare uyekuaa reta jeta wae pe.

San Mateo 9:24

Jayawe Jesús jei chupe reta: “Peë oka pe. Kua kuñatái umano’ä oï. Okeño ko oï,” jei chupe reta. Erëi jae reta kua ñee uyandu yawe, oyoyai reta Jesús.

Marcos 5:39

Jayawe Jesús uike o pe jare jei chupe reta: “¿Maera pa mbɨatɨtɨ wasu pe peï jare piyao peï? Kua kuñatái umano’ä oï. Okeño ko oï,” jei chupe reta.

San Juan 11:10

“Erëi pɨ̈tu yawe uwata wae ipɨsapäata ipotawe mbae re, echa’ä mbaetɨ uwata oï tembipe pe.”

San Juan 11:12

Jayawe jemimboe reta jei chupe: “OreYa, okeño oï yawe, ukuera yeta ko oï,” jei reta chupe.

San Juan 11:13

Erëi Jesús jokua jei yawe, uipota jei Lázaro parawete umano ma. Erëitu jae reta wɨrowia tëi Jesús jei iko Lázaro okeño yepe oï.

San Juan 11:3

Jáeramo jindɨ reta omondo kía umɨmbeuka waerä Jesús pe: “OreYa, kua kuimbae ndeau wae imbaerasɨ oï,” jei chupe.

San Juan 3:29

Añetete jae ko pëti kuimbae umenda oï wae rami, jare che jaeño ko kuimbae umenda oï wae umɨïru oï wae rami,” jei. “Kuñatái umenda oï wae ime pewaräño ko. Jare kuimbae umenda oï wae uyerowiaete oï jokua re. Jare umɨïru oï wae uyerowia oï umɨïru oï ramoño jare iñee re uyapɨsaka oï ramoño,” jei. “Jukuärái wi añawe che ayerowiaete aï yuraa ñonoï reta Jesús kotɨ ramo.

Hechos 7:60

Jayawe oa ɨwɨ re itawa re jare usapɨkai rewe jei: “CheYa, awɨye mii embɨjeko kua reta kua mbae kachi uyapo ñonoï wae re,” jei. Jare jukuärái jei ma yawe, Esteban umano.

1 Corintios 15:18

Jae nunga wi Cristo re wɨrowia rewe umano wae reta opa ma ko yuraa tëi Tatawasurenda pe.

1 Corintios 15:34

Piko ye arakuaa katu añetete wae rupi, jare awɨye jekuaeño piyawɨ Tumpa kotɨ. Chemaerä ime chawaa amokue pe reta ndeiño pikuaa Tumpa. Jukuärái che jae pewe pumɨmaraka waerä.

1 Corintios 15:51

Mase, añawe tamɨmbeu pewe mbae tenonde yawe Tumpa uikuaaka’ä etei wae. Amokue yande Cristo re yarowia wae reta ndarau opa ñamano ñaï kuri. Erëi opaete yande reta yanderete Tumpa umbɨpɨau yeta oï kuri.

Efesios 5:14

Jokua jeko pewa ko jei chupe reta kuärái: “Ndeke neï wae, esarekoño ma. Epüa eyu umanokue wae reta ipɨte wi. Jare Cristo umeeta oï ndewe tembipe,” jei chupe reta.

1 Tesalonicenses 5:10

Echa’ä Cristo umano yanderé yande yaiko waerä jae ndiwe. Jáeramo aramoi ñamano ma ani aramoi imeño yaiko, erëi ñaï ñotái ko Cristo ndiwe jae ou ye yawe.

Santiago 2:23

Jare jokua Abraham uyapo wae rupi yaikuaa wi kërái añetete yepe Tumpa iñeerɨru pe uyekuatía oï wae. Echa’ä joko pe jei kuärái: “Abraham wɨrowia Tumpa jei wae re; jáeramo Tumpa umae jese jeko mbae wae rami.” Jukuärái jei. Jare jokua jeko pewa wi Tumpa jei chupe: “Cheïru.”