San Juan 10:4 - Biblia

⁴ “Jare opa ma onoe wɨraa reta yawe jokai wi, owecha iyandarekoa uwatata tenonde chupe reta jare owecha reta yuraata jupie, echa’ä uikuaa reta iya iñee ramo,” jei.

Guaraní Pe (Western): Simba

⁴ Jare güɨraa yave opaete imbae reta ovecha-rocai güi, jae oo tenonde jare ovecha reta yugüɨraa jaɨcue. Echa'ã uicuaa iñee —jei—.

San Juan 10:4 Iomraidhean Croise

San Mateo 16:24

Jayawe Jesús jei jemimboe reta pe: “Ime yawe kía uipota iko cheremimboerä wae, awɨye ma tuiko jae jei wae rupiño. Erëi towoɨ ikurusu jare tou che ndiwe,” jei.

San Juan 10:16

“Jare imeta oï wi ïru cheowecha reta. Erëi ndei ko jae reta oï cheowecharokai pe, echa’ä jae’ä ko judío reta. Jae reta wi uyapɨsakata chiñee re che aeni reta yawe. Jare che imeta ko jae reta wi aru amɨinge waerä cheowecharokai pe. Jare aru reta ma yawe, yurekota reta pëti wae peño jare pëtiño opaete jae reta iyandarekorä aikota,” jei chupe reta.

San Juan 10:27

“Cheowecha reta uyapɨsaka chiñee re. Jare che aikuaa kawi cheowecha reta, jare jae reta uwata cheraɨkue.

San Juan 10:3

“Jare owecha reta iyandarekoa uipota uike yawe, öke uäro wae uipeata chupe. Jare jae uike ma yawe, yuweruta ikotɨ iowecha reta, echa’ä jae reta uikuaa iyandarekoa iñee ramo. Jare jae uenita pëti pëti iowecha reta jee rupi jare onoeta wɨraa reta owecharokai wi,” jei.

San Juan 10:5

“Erëi ndarau yuraa reta ambɨe wae jupie, echa’ä uikuaa’ä reta jokua ambɨe wae iñee ramo. Jáeramo jae reta opata osi chuwi,” jei chupe reta.

San Juan 10:8

“Ndei che ayu mbowe, ime iko jeta oporomboe kachi wae reta. Jae reta ko jae kía jaeño uipota owecha reta oñomi jare umbɨpere wae rami. Erëi cheowecha reta – jae ko Tumpa re wɨrowia wae reta – jae reta uyapɨsaka’ä jese reta,” jei chupe reta.

San Juan 12:26

“Jayawe ime yawe kía uipota uyeyokui chewe wae, tuwata che ndiwe oï waerä che aï wae pe. Jare jukuärái uyapo yawe, cheRu umbutuichakata oï,” jei Jesús.

San Juan 13:15

Echa’ä che kua ayapo aikuaaka waerä pewe, pe reta wi piyapo waerä jukuärái,” jei chupe reta.

San Juan 18:37

Jayawe Pilato jei chupe: “Jayawe nde yepe jae pëti mburuwicha,” jei chupe. Jayawe Jesús jei chupe: “Nde ndere wae rami jae ko che. Jokuaerä ko aa chesɨ wi. Jare ayu ko kua ɨwɨ pe amɨmbeu waerä añetete wae. Jare opaete uipota yureko añetete wae rupi wae reta, jae reta ko uyapɨsaka chiñee re,” jei chupe.

San Juan 3:29

Añetete jae ko pëti kuimbae umenda oï wae rami, jare che jaeño ko kuimbae umenda oï wae umɨïru oï wae rami,” jei. “Kuñatái umenda oï wae ime pewaräño ko. Jare kuimbae umenda oï wae uyerowiaete oï jokua re. Jare umɨïru oï wae uyerowia oï umɨïru oï ramoño jare iñee re uyapɨsaka oï ramoño,” jei. “Jukuärái wi añawe che ayerowiaete aï yuraa ñonoï reta Jesús kotɨ ramo.

1 Corintios 11:1

Jayawe piko kërái che aiko Cristo jeko rupi wae rami.

Efesios 5:1

Yande ko jae yandeRu Tumpa taɨ uauete wae reta. Jare yaikuaa taɨ reta uyapo tu uyapo wae rami. Jáeramo jekuaeño piyapo Tumpa jeko jupi wae rami.

Hebreos 12:2

Jare kërái uñeñokui wae reta täta umae oo oï iyapɨ re, jukuärái wi yande tätata ko ñamae Jesús re. Echa’ä jae oo ma tenonde yandewi jare uechaka ma yandewe kërái yarowia kawi waerä Tumpa re. Jare añawe jae yanemborɨta oï jukuärái wi yayapo waerä. Jae tuicha urupɨa kurusu re umanota iko yawe. Jare yepe tëi pëti ñemɨmaraka tuicha wae ko jae umano waerä pëti kurusu re, erëitu jokua mbae’ä chupe. Echa’ä jae uikuaa iko taɨkue rupi uyerowiaeteta iko. Jare jukuärái ko oï añawe rupi, echa’ä jae uwapɨ oï yandeRu Tumpa iyakata kotɨ.

1 Pedro 2:21

Echa’ä jokuaerä ko Tumpa ueni reta. YandeYa Cristo uiporara yanderé, jare jukuärái uechaka yandewe kërái ñamɨawäta waerä yaiporara wae rupi. Jayawe pemomoe mii jae jeko.

1 Pedro 4:1

Cristo uiporara yanderé kua ɨwɨ pe iko rambuewe. Jáeramo pe reta piyeyapɨkatuta ko piporara waerä jae rami. Echa’ä ime yawe kía uiporara Cristo re wɨrowia jeko pewa wae, jae jeko kachi wae ipɨräta’ä ma jese jete re.

1 Pedro 5:3

Jare pechaka teko kawi chupe reta. Awɨye piyokui uyeyokui pewe wae reta rami. Echa’ä Tumpa umee pewe piyandareko kawi waerä jese reta.