San Juan 10:34 - Biblia

³⁴ Jayawe Jesús jei chupe reta: “Pe reta etei ime penoi Tumpa iñeerɨru, jare joko pe uyekuatía oï kuärái: ‘Che jae pe reta ko jae tumpa reta.’ Jukuärái uyekuatía oï.

Guaraní Pe (Western): Simba

³⁴ Jayave Jesús jei chupe reta: —Mboroyocui penoi vae pe uyecuatía oĩ quirãi Tumpa jei cuarãi: ‘Pe reta co jae tumpa reta.’ Jucuarãi jei.

San Juan 10:34 Iomraidhean Croise

Éxodo 4:16

“Jayawe Aarón uyemɨngetata opaete wae pe ndepepɨka pe. Jare kërái che, ndeTumpa, aikuaaka ndewe mbaembae ndere waerä wae, jae ramiño wi nde ndikuaakata Aarón pe mbaembae jei waerä. Jae uyapɨsakata niñee re Tumpa iñee re uyapɨsaka oï rami,” jei.

Éxodo 7:1

Jayawe Tumpa jei Moisés pe: “Mase, che ayapota mburuwicha wasu umae waerä nderé che rami, jare nderɨkeɨ Aarón re niñee umɨmbeu wae rami,” jei.

San Juan 10:35

Jare yande reta yaikuaa jokua ñee ndarau ipuere uyawɨ. Erëi ¿kía reta pe pa jei jayawe tumpa? ¿Jae’ä yerá kuimbae reta?” jei chupe reta.

San Juan 12:34

Jayawe jae reta jei Jesús pe: “Nde ndere tëi neï ndeyupe ‘che kuimbaerä ayeyapo wae.’ Erëi ¿mbae ra jokua uipota jei? Ore nduikuaa Cristo ndoe chupe wae ou yawe, jae upɨtata oï jaeño mái pewa, echa’ä jukuärái Tumpa iñeerɨru pe uyekuatía oï. Jayawe nde ko jae Cristo yawe, ¿këraita pa nde ndere neï orewe, ‘chekututa ñonoï kurusu re jare chembɨyemboɨta cheñono reta’? Kua pe opa orembopa neï,” jei reta Jesús pe.

San Juan 15:25

Erëi kua uyeyapo ñotái ko, echa’ä uyekuatía oï Tumpa iñeerɨru jae reta umɨngeta tëi wae pe kuärái: ‘Cheamɨtäa reta chereko mbae rewe.’ Jukuärái uyekuatía oï,” jei Jesús chupe reta.

San Juan 8:17

“Pe reta imeta tëi ko chererowia, echa’ä pereko rupi etei mokui wae jei yawe mbae oyowakeño, perowiata ko iñee re,” jei chupe reta.

1 Corintios 14:21

Tumpa iñeerɨru pe uyekuatía oï mbae jei yandeYa Israel iñemoñaa reta pe wae. Jae jei chupe reta kuärái: “Che amondota aï pekotɨ ambɨembɨe ɨwɨ pewa reta jae reta pemɨamɨri waerä. Jae reta pemɨngetata oï jae reta iñee pe etei – jae ko ñee pe reta pikuaa mbae wae. Jukuärái ayapota aï pe reta piyerowa ye waerä tëi chekotɨ. Erëi jesewe piyapɨsakata’ä peï cheré.” Jukuärái Tumpa jei.