San Juan 10:31 - Biblia

³¹ Jayawe joko pe ñonoï wae reta pochɨ jare upi ye tëi reta ita uyapi uyuka waerä Jesús.

Guaraní Pe (Western): Simba

³¹ Jayave judío reta omonoo ye ita reta uyapi vaerã tẽi Jesús.

San Juan 10:31 Iomraidhean Croise

Éxodo 17:4

Jayawe Moisés uyerure Tumpa pe jare upɨrandu chupe: “¿Mbae pa ayapota kua reta ndiwe? ¡Cheapi pota echa ma reta ita pe cheyuka waerä!” jei Tumpa pe.

San Mateo 12:14

Jayawe fariseo reta opa oë joko wi, jare umbɨpɨ uyemboemboe reta kërái rupi ipuere uyukaka waerä Jesús.

San Mateo 21:35

Erëi uvarupa uiporu wae reta uipɨsɨ jokua uyeyokui wae reta. Jare pëti wae uinupa reta, jare ïru wae uyuka reta, jare ïru uyapi reta ita pe uyuka waerä,” jei.

San Mateo 23:35

“Jáeramo peré oata oï teko opaete jupi wae reta juwɨ uyepɨyere wae re pe reta piyuka wae rami. Jae ko opaete jupi wae reta Abel wiwe Zacarías rewa – jae ko Berequías taɨ. Jokua Zacarías, peramɨkue reta uyuka tupao wasu joka mbɨte pe etei,” jei chupe reta.

San Juan 1:19

Jayawe Juan jeräkua ma judío itenondewa reta pe tëta wasu Jerusalén pe. Jayawe jae reta uipota uikuaa kawi jesewa. Jáeramo omondo reta amokue sacerdote reta jare imborɨa reta ndiwe kiape Juan oï wae pe. Jare jae reta yuweru ma uwäe yawe, upɨrandu reta chupe: “¿Kía ko nde?”

San Juan 10:24

Jayawe judío itenondewa reta yuweru uyembatɨ Jesús oï wae pe jare jei reta chupe: “Ɨma ma ore nduipota tëi nduikuaa kawi nde rewa, erëi oreropa noï. Nde ko jae Cristo ndoe chupe wae yawe, jayawe ikuaaka kawi orewe awɨye waerä ma imeño jukuärái noï,” jei reta chupe.

San Juan 10:32

Jayawe Jesús jei chupe reta: “Ayapo ma jeta mbaembae ikawi wae perowake cheRu imbaepuere rupi. Erëi ¿mbae nunga jokua mbae ayapo wae jeko pewa pa pipota cheyuka peï?” jei chupe reta.

San Juan 11:8

“Oporomboe wae,” jei reta, “ndei awe ko ɨma oï judío itenondewa reta uipota tëi ndeyuka yureko joko pe. Jáeramo, ¿maera pa ya yeta jokotɨ?” jei reta chupe.

San Juan 5:18

Jare Jesús kua jei yawe, jokua judío itenondewa reta jeiete uipota uyukaka. Echa’ä añawe Jesús mbaetɨ jaeño uyawɨ jae reta jei wae mbutuu ara rewa. Añawe jae jei wi Tumpa etei ko jae Tu wae, jare jukuärái jae uyemboyowake iko Tumpa ndiwe. Jokua ko jae teko tuicha wae chupe reta pewarä.

San Juan 8:59

Jare kua uyandu reta yawe, opaete wae reta pëti pëti wae upi ita uyapi uyuka waerä tëi Jesús. Erëitu jae ukañɨ chuwi reta jare oë oo tupao wasu wi jae reta ipɨte wi etei.

Hechos 7:52

“Echa’ä peramɨkue reta uyapo ikawi mbae wae opaete Tumpa iñee arakae umɨmbeu wae reta kotɨ. Jare ipotawe kía umɨmbeu jokua Upuruepɨ jupi wae outa iko wae rewa yawe, jae reta uyuka. Jare añawe Upuruepɨ wae ou ma, erëi pe reta pemee ma piyukaka waerä,” jei chupe reta.