San Juan 10:3 - Biblia

³ “Jare owecha reta iyandarekoa uipota uike yawe, öke uäro wae uipeata chupe. Jare jae uike ma yawe, yuweruta ikotɨ iowecha reta, echa’ä jae reta uikuaa iyandarekoa iñee ramo. Jare jae uenita pëti pëti iowecha reta jee rupi jare onoeta wɨraa reta owecharokai wi,” jei.

Guaraní Pe (Western): Simba

³ Jare ovecha iyandarecoa uipota uique yave, onque jãroa uipea chupe. Jare ovecha reta uyandu iyandarecoa iñee. Echa'ã iyandarecoa ueni ovecha reta jee rupi jare güɨraa ovecha-rocai güi —jei—.

San Juan 10:3 Iomraidhean Croise

San Juan 10:14

“Che ko jae owecha reta iyandarekoa ikawi wae rami. Echa’ä aikuaa kawi kía kía ko cheowecha reta wae, jare jae reta chekuaa kawi wi.

San Juan 10:16

“Jare imeta oï wi ïru cheowecha reta. Erëi ndei ko jae reta oï cheowecharokai pe, echa’ä jae’ä ko judío reta. Jae reta wi uyapɨsakata chiñee re che aeni reta yawe. Jare che imeta ko jae reta wi aru amɨinge waerä cheowecharokai pe. Jare aru reta ma yawe, yurekota reta pëti wae peño jare pëtiño opaete jae reta iyandarekorä aikota,” jei chupe reta.

San Juan 10:4

“Jare opa ma onoe wɨraa reta yawe jokai wi, owecha iyandarekoa uwatata tenonde chupe reta jare owecha reta yuraata jupie, echa’ä uikuaa reta iya iñee ramo,” jei.

San Juan 10:9

“Che ko jae owecharokai jöke rami,” jei. “Ime yawe kía uñepɨ̈ro cheré wae, che aepɨta ko. Jae ikota pëti owecha ipɨawiwe wae rami. Jae ipuereta oë oo ukaru uyemɨngapɨɨ kapii re rami. Jare mbae uyamondo yawe, ipuereta osi oo jokai pe uike uñepɨ̈ro waerä. Jukuärái ko, echa’ä iyandarekoa umae kawi oï jese ramo,” jei chupe reta.

San Juan 6:37

Erëitu opaete kía kía cheRu umee chewe wae reta yuweruta chekotɨ. Jare ipotawe kía chekotɨ ou wae ndaraúi amombo.

San Juan 6:45

“Pëti kuimbae Tumpa iñee arakae umɨmbeu wae uikuatía cheré wɨrowiata wae reta re kuärái: ‘Tumpa etei omboeta oï opaete jae reta.’ Jukuärái uyekuatía oï,” jei. “Jayawe opaete kía kía uyapɨsaka jare uyemboe cheRu re wae reta yuweruta chekotɨ,” jei chupe reta.

Romanos 8:30

Jare jokuaño’ä ko Tumpa ipɨayemɨngeta yanemaerä. Tumpa ñaneñono tee jae imaerä ramo, jae nunga wi ñanereni. Jare jae ñanereni ramo, jae nunga wi jae umae yanderé yandereko mbae wae rami. Jare jokuaño’ä ko uyapo. Jae uyapo ma wi yandewe ñanoi waerä jae ndiwe imbaepuere jembipete ye wae jaeño mái pewa.

1 Corintios 16:9

Echa’ä yepe tëi ime jeta towaicho reta kua pe, erëi öke uyepea ma chewe ayapo waerä kua pe mbarawɨkɨ yandeYa umee chewe wae.

Filipenses 4:3

Jare nde cheparawɨkɨ ïru, che numɨñera nemborɨ waerä kua kuña reta uyeapɨkatu waerä. Aipota’ä jae reta ikawi’ä oï waerä. Echa’ä yepe tëi jeta wae reta oyowaicho ore ndiwe, erëi kua kuña reta täta uparawɨkɨ che ndiwe ñee ikawi wae Cristo rewa uyemɨmbeu waerä. Jukuärái wi uyapo hermano Clemente jare ïru che ndiwe uparawɨkɨ wae reta. Opaete kua reta jee uyekuatía oï Tumpa itupapire pe – jokua tupapire ko jae kía kía tekowe opa mbae wae onoi wae reta jee uyekuatía oï pɨpe wae.

Colosenses 4:3

Jare piyerure mii oreré wi Tumpa umbɨsɨrɨ waerä orewi yembɨawái, jukuärái orepuere waerä numɨmbeu ñee ikawi wae Cristo rewa. Echa’ä añawe cheñono reta cadena pe kua peresorɨru pe ñee ikawi wae jekuaeño amɨmbeu wae jeko pewa. Kua ñee kiawe uikuaa’ä tenonde yawe, erëi añawe yaikuaa.

2 Timoteo 2:19

Erëi yepe tëi ime amokue wae reta opia ma Tumpa iñee añetete wae wi, erëi jesewe yemboe añetete wae Tumpa wi ou wae imeño ipɨrätaete jare uyepepɨka’ä etei. Jae ko pëti tëta iwapɨka ikawiete wae ita pewa rami. Jare kua yemboe iyɨpɨ ko kuärái: “Tumpa uikuaa kawi oï opaete kía jae imaerä iko wae reta,” jare, “Ipotawe kía jei, ‘Jesucristo ko jae cheYa,’ jei wae, tusɨrɨ ikawi mbae wae wi.” Jukuärái ko kua yemboe iyɨpɨ.

1 Pedro 1:12

Erëi Tumpa uikuaaka chupe reta jokua ñee Cristo rewa wae mbaetɨ ko jae reta imaerä. Jae ko yanemaerä, yande añawe rupi yaiko wae reta pewarä. Jare añawe pe reta pikuaa ma ko kua mbaembae rewa, echa’ä ou ma umɨmbeu pewe amokue wae reta ñee ikawi wae umɨmbeu wae. YandeYa Cristo ombou ma Espíritu Santo ara wi, jare Espíritu Santo imbaepuere rupi jae reta umɨmbeu jokua ñee. Añetete araɨwa retawe uipota echa uikuaa kawi kua mbaembae rewa.

1 Juan 4:6

Erëi ore reta, oriñee ou ko Tumpa wi. Jáeramo ime yawe kía uikuaa Tumpa wae, jae uyapɨsaka oriñee re. Erëi kía uikuaa’ä Tumpa wae uyapɨsaka’ä oriñee re. Jukuärái yaikuaa kía ko jae oporomboe jupi wae jare kía ko upurumbɨtawɨ wae.

3 Juan 1:14

Echa’ä aipota a apou ndepɨ ɨmambaeño yayemɨngeta waerä yayerecha rewe.

Apocalipsis 3:20

‘Mase, ko öke pe aï jare che pueni aï. Ime yawe kía chiñee uyandu jare uipea chewe öke wae, che aiketa jëta pe jare añemɨïruta jae ndiwe ndukaru noï rambuewe.

Apocalipsis 7:17

Echa’ä Owecha kuimbae taurusu wae wapɨa mburuwicha wasu pewa pe oï wae uyandarekota oï jese reta. Jare jae wɨraata oï reta ɨkua ɨwororo jekuaeño oë wae pe, joko pe jou reta waerä ɨ tekowe umee wae. Jare Tumpa etei oyoeta jesaɨ chuwi reta.” Jukuärái jokua mburuwicha jei chewe.