San Juan 10:27 - Biblia

²⁷ “Cheowecha reta uyapɨsaka chiñee re. Jare che aikuaa kawi cheowecha reta, jare jae reta uwata cheraɨkue.

Guaraní Pe (Western): Simba

²⁷ Cheovecha reta uyapɨsaca chiñee re. Aicuaa cheovecha reta, jare jae reta yugüɨraa cheraɨcue rupi —jei.

San Juan 10:27 Iomraidhean Croise

San Mateo 16:24

Jayawe Jesús jei jemimboe reta pe: “Ime yawe kía uipota iko cheremimboerä wae, awɨye ma tuiko jae jei wae rupiño. Erëi towoɨ ikurusu jare tou che ndiwe,” jei.

San Mateo 17:5

Jare Pedro uyemɨngeta iko rambuewe, uyekuaa chupe reta amapɨ̈tu jembipe wae jare opa oñowa reta. Jare amapɨ̈tu wi uyendu ñee jei: “Kua ko jae cheRaɨ auete wae. Jae chembɨyerowiaete. Piyapɨsaka jese,” jei.

San Mateo 25:12

Erëi kuimbae umenda oï wae jei chupe reta: ‘Ndarau. Echa’ä añetete che pukuaa’ä,’ jei chupe reta,” jei.

San Mateo 7:23

Erëi che jaeta chupe reta: ‘Che pukuaa’ä etei ko. Pesɨrɨ chewi, pe pereko kachi wae reta.’ Jukuärái jaeta chupe reta,” jei Jesús.

Marcos 10:21

Jayawe Jesús umae jese uiparareko rewe jare jei chupe: “Imeño mbae uata oï ndewe ndiyapo waerä,” jei chupe. “Ekua ewaka opaete nembaembae, jare jokua korepoti emee iparawete wae reta pe. Jare jukuärái imeta nenoi mbaembae ikawiete wae ara pe. Joko wi eyu kuri che ndiwe ndiko waerä cheremimboerä,” jei chupe.

Marcos 8:34

Jayawe Jesús ueni jemimboe reta jare ïru jokoropi ñonoï wae reta ikotɨ. Jare jei chupe reta: “Ime yawe kía uipota iko cheremimboerä wae, awɨye ma tuiko jae jei wae rupiño. Erëi towoɨ ikurusu jare tou che ndiwe,” jei.

San Lucas 13:27

“Erëi jae jeita pewe: ‘Che tae pewe, che pukuaa’ä etei. Pe reta ko jae ikawi mbae wae piyapo wae. Pesɨrɨ chewi,’ jeita pewe.

San Lucas 9:23

Jayawe Jesús jei opaete wae pe: “Ime yawe kía uipota iko cheremimboerä wae, awɨye ma tuiko jae jei wae rupiño. Erëi towoɨ ikurusu opa ara jare tou che ndiwe,” jei.

San Juan 10:14

“Che ko jae owecha reta iyandarekoa ikawi wae rami. Echa’ä aikuaa kawi kía kía ko cheowecha reta wae, jare jae reta chekuaa kawi wi.

San Juan 10:16

“Jare imeta oï wi ïru cheowecha reta. Erëi ndei ko jae reta oï cheowecharokai pe, echa’ä jae’ä ko judío reta. Jae reta wi uyapɨsakata chiñee re che aeni reta yawe. Jare che imeta ko jae reta wi aru amɨinge waerä cheowecharokai pe. Jare aru reta ma yawe, yurekota reta pëti wae peño jare pëtiño opaete jae reta iyandarekorä aikota,” jei chupe reta.

San Juan 10:8

“Ndei che ayu mbowe, ime iko jeta oporomboe kachi wae reta. Jae reta ko jae kía jaeño uipota owecha reta oñomi jare umbɨpere wae rami. Erëi cheowecha reta – jae ko Tumpa re wɨrowia wae reta – jae reta uyapɨsaka’ä jese reta,” jei chupe reta.

San Juan 12:26

“Jayawe ime yawe kía uipota uyeyokui chewe wae, tuwata che ndiwe oï waerä che aï wae pe. Jare jukuärái uyapo yawe, cheRu umbutuichakata oï,” jei Jesús.

San Juan 21:22

Jare Jesús jei chupe: “Aramoi che aipota yawe, jae jekuaeñota oï che ayu ye rewa. Erëi jokua mbae’ä ko nemaerä. Emaeño jese. Erëi nde, eyu che ndiwe,” jei chupe.

San Juan 5:25

“Che tae pewe añetete wae, kua ɨwɨ pewa reta umano wae echa ñonoï Tumpa wi. Erëi uwäeta ma ara jae reta uyandu waerä che Tumpa Taɨrä aiko wae chiñee. Añetete yepe añawe uwäe ma jokua ara. Jare jokua uyapɨsakata chiñee re wae reta onoita tekowe ipɨau wae.

San Juan 8:12

Jayawe Jesús umbɨpɨ ye omboe joko pe ñonoï wae reta: “Che ko jae tembipe rami ɨwɨ pewa reta pe, echa’ä aikuaaka chupe reta añetete wae Tumpa rewa. Jare ipotawe kía che ndiwe oï wae ndarau ye ma iko pɨ̈tumimbi pe rami. Echa’ä che amee chupe tekowe ipɨau wae jare opa mbae wae, jare jokua ko tembipe rami chupe,” jei chupe reta.

San Juan 8:43

“¿Maera pa pikuaa kawi’ä kua che aikuaaka pewe wae? Echa’ä pe reta pipota’ä piyapɨsaka peï chiñee re. Jáeramo jokua jeko pewa ko pe reta pikuaa’ä peï,” jei chupe reta.

Hechos 3:23

Jare ipotawe kía uyapɨsaka’ä jese wae, Tumpa umbɨsɨrɨta iyuwi. Joko wiwe Tumpa imbae’ä ma ko.’ Jukuärái jei Moisés,” jei chupe reta.

1 Corintios 8:3

Erëi kía uau Tumpa wae, Tumpa uikuaa oï kía ko jae wae.

Gálatas 4:9

Erëi añawe pikuaa ma ko Tumpa – ani ikawiete yae waerä chupe Tumpa pekuaa ma. ¿Kërái ramo jayawe pipota piyerowa ye peï chuwi? ¿Maera pa pipota piyapo ye mbaembae ipuere’ä pemborɨ piyembujupika waerä Tumpa kotɨ? ¿Pipota yerá piko ye jokua mbaembae imbaepuere pe?

2 Timoteo 2:19

Erëi yepe tëi ime amokue wae reta opia ma Tumpa iñee añetete wae wi, erëi jesewe yemboe añetete wae Tumpa wi ou wae imeño ipɨrätaete jare uyepepɨka’ä etei. Jae ko pëti tëta iwapɨka ikawiete wae ita pewa rami. Jare kua yemboe iyɨpɨ ko kuärái: “Tumpa uikuaa kawi oï opaete kía jae imaerä iko wae reta,” jare, “Ipotawe kía jei, ‘Jesucristo ko jae cheYa,’ jei wae, tusɨrɨ ikawi mbae wae wi.” Jukuärái ko kua yemboe iyɨpɨ.

Hebreos 3:7

Jáeramo, piyapo mii kërái Espíritu Santo jei rami: “Kua ara chiñee piyandu yawe,

Apocalipsis 14:4

Jare jae reta uyemɨngɨa’ä Tumpa kotɨ. Kërái pëti kuimbae uyapo’ä etei awasa wae rami, kua reta jekuaeño jupi Tumpa kotɨ. Jae reta umɨïru oï Owecha kuimbae taurusu wae ipotawe kerupi oo wae rupi. Jae uepɨ kua reta ɨwɨ pewa reta ipɨte wi oñono tee reta waerä jae imaerä jare Tumpa pewarä wi.

Apocalipsis 3:20

‘Mase, ko öke pe aï jare che pueni aï. Ime yawe kía chiñee uyandu jare uipea chewe öke wae, che aiketa jëta pe jare añemɨïruta jae ndiwe ndukaru noï rambuewe.