San Juan 10:25 - Biblia

²⁵ Jayawe Jesús jei chupe reta: “Che aikuaaka kawi ma ko pewe tëi, erëi pe reta chererowia’ä,” jei chupe reta. “CheRu jee re mbaembae ayapo wae ko uikuaaka ma pewe tëi kía ko che wae.

Guaraní Pe (Western): Simba

²⁵ —Amɨmbeu ma peve —jei Jesús—, ẽrei perovia'ã chiñee. CheRu chembou cua mbaravɨquɨ ayapo vaerã, jare cua mbaravɨquɨ uicuaaca quía co che —jei—.

San Juan 10:25 Iomraidhean Croise

San Juan 10:32

Jayawe Jesús jei chupe reta: “Ayapo ma jeta mbaembae ikawi wae perowake cheRu imbaepuere rupi. Erëi ¿mbae nunga jokua mbae ayapo wae jeko pewa pa pipota cheyuka peï?” jei chupe reta.

San Juan 10:37

“Erëi pe reta mbaetɨ pecha yawe ayapo aï mbaembae cheRu uyapo wae, jayawe awɨye chererowia.

San Juan 10:38

Erëi ayapo ko aï mbaembae cheRu uyapo wae. Jayawe piyemɨngeta kawi pepɨa pe kua mbaembae pecha ayapo aï wae re,” jei chupe reta. “Yepe tëi pipota’ä perowia chiñee re, erëi kua mbaembae ayapo aï wae re yepe chererowia. Jukuärái pikuaa kawita cheRu oï che ndiwe wae, jare che aï cheRu ndiwe wae,” jei Jesús chupe reta.

San Juan 11:47

Jayawe fariseo reta jare sacerdote itenondewa reta ndiwe umbatɨ opaete ïru mburuwicha reta. “¿Mbae ra yayapota?” jei reta iyupe. “Jokua kuimbae pochɨ jekuaeño uyapo oï jeta mbaembae ipuere’ä uyapo kía nungawe kuimbae wae.

San Juan 12:37

Jesús uyapo ma judío reta jowake jeta mbaembae kiawe ipuere’ä uyapo wae uikuaaka chupe reta waerä tëi kía ko jae wae. Erëi jesewe opaete seri wɨrowia’ä jese.

San Juan 14:11

“Che jae ma pewe, ‘che aï cheRu ndiwe jare cheRu oï che ndiwe wi.’ Kua aipota perowia. Erëi aramoi pipota’ä perowia yawe kua chiñee re etei, chererowia yepe kua mbaembae che ayapo aï wae re,” jei chupe reta.

San Juan 20:30

Jukuärái ko kua pe uyekuatía oï amokue mbaembae reta Jesús uyapo kiawe ipuere’ä uyapo wae. Jare jae uyapo wi jeta ïru jokua nunga mbaembae reta jemimboe reta jowake uikuaaka waerä chupe reta kía ko jae wae. Erëi kua tupapire pe uyekuatia’ä oï opaete.

San Juan 3:2

Pëti wese kua kuimbae ou Jesús oï wae pe pɨ̈tu yawe uyemɨngeta waerä jae ndiwe. Jare jei chupe: “Oporomboe wae, ore nduikuaa ko Tumpa nembou ndeporomboe waerä. Echa’ä nde ndiyapo neï mbaembae kiawe ipuere’ä uyapo wae. Erëi Tumpa nemborɨ'ä yawe, ndarau etei ndepuere ndiyapo jokua nunga mbaembae,” jei chupe.

San Juan 7:31

Erëitu jeta joko pe ñonoï wae reta wɨrowia jese. “Jae ko aipo Cristo yae chupe wae,” jei reta. “Mase kërái jeta mbaembae uyapo kiawe ipuere’ä uyapo wae. ¿Kía ye ra ipuereta uyapo mbaembae uasaete ye kua kuimbae wi? Kiawe,” jei reta.

San Juan 8:12

Jayawe Jesús umbɨpɨ ye omboe joko pe ñonoï wae reta: “Che ko jae tembipe rami ɨwɨ pewa reta pe, echa’ä aikuaaka chupe reta añetete wae Tumpa rewa. Jare ipotawe kía che ndiwe oï wae ndarau ye ma iko pɨ̈tumimbi pe rami. Echa’ä che amee chupe tekowe ipɨau wae jare opa mbae wae, jare jokua ko tembipe rami chupe,” jei chupe reta.

San Juan 8:24

Che jae pewe pemanota peï teko penoi Tumpa kotɨ wae uyembái mbae rewe. Echa’ä jukuärái uyeyapota oï pewe perowia’ä yawe cheré CHE KO CHE wae,” jei chupe reta.

San Juan 8:56

“Jare perukue Abraham arakaete uikuaa kawi iko che ayuta aiko wae jare jae uyerowiaete iko jokua re. Tumpa uechaka chupe chewäe ara jare jae ipɨakatu iko jokua re,” jei Jesús chupe reta.

San Juan 8:58

Jayawe Jesús jei chupe reta: “Che tae pewe añetete wae, Abraham ndei awe iko mbowe, CHE KO CHE,” jei chupe reta.

Hechos 2:22

Jare jei chupe reta wi: “Cherëtara Israel pewa reta, piyapɨsaka kawi chiñee re: Pe reta pikuaa kawi peï Jesús tëta wasu raɨ Nazaret pewa uyapo pepɨte rupi jeta mbaembae kiawe ipuere’ä uyapo wae. Tumpa etei ko uyapo jokua mbaembae reta Jesús rupi jare jukuärái uikuaaka tëi pewe Jesús ko jae Tumpa wi etei ou wae,” jei.

Hebreos 2:3

Erëi ñee tekowe opa mbae wae rewa ikawiete ko. Jayawe, ¿këraita pa yayepe Tumpa iarasɨ wi yayapɨsaka’ä yawe jokua ñee re? Ndarau yandepuere. Jokua ñee ipɨau wae ikawiete ko, echa’ä yandeYa etei tenonde umɨmbeu. Jare jaɨkue rupi jae iñee uyandu wae reta umɨmbeu yuapɨ ye yandewe jupi rupi.