San Juan 10:24 - Biblia

²⁴ Jayawe judío itenondewa reta yuweru uyembatɨ Jesús oï wae pe jare jei reta chupe: “Ɨma ma ore nduipota tëi nduikuaa kawi nde rewa, erëi oreropa noï. Nde ko jae Cristo ndoe chupe wae yawe, jayawe ikuaaka kawi orewe awɨye waerä ma imeño jukuärái noï,” jei reta chupe.

Guaraní Pe (Western): Simba

²⁴ Jayave judío reta uyembatɨ Jesús iyɨpɨ rupi jare jei: —¿Quirãi yave pa nemɨmbeu cavita oreve, agüɨye vaerã orembopa? Nde co jae Cristo yave, emɨmbeu cavi oreve —jei reta.

San Juan 10:24 Iomraidhean Croise

San Mateo 11:3

pepɨrandu chupe jae ra ko Upuruepɨ wae outa iko wae, ani jekuaeño ñaärota ïru wae,” jei chupe reta. Jayawe jukuärái uyapo reta.

Marcos 8:32

Jukuärái Jesús uikuaaka kawi chupe reta umanota iko wae. Erëi jokua ikawi’ä Pedro pe. Jáeramo jae wɨraa Jesús ïru reta ipɨte wi, jare umbɨpɨ umbɨeta chupe jokua jae jei wae re.

San Lucas 3:15

Jokua año rupi opaete wae uäro yureko ɨmambae ou waerä Cristo jei chupe reta wae. Chupe reta waerä jae ko jokua Upuruepɨ wae Tumpa ombouta iko wae. Jayawe opaete wae umae Juan re jare uyemɨngeta yureko ipɨa pe: “¿Jae ra ko Cristo aramoi?” jei reta.

San Juan 1:19

Jayawe Juan jeräkua ma judío itenondewa reta pe tëta wasu Jerusalén pe. Jayawe jae reta uipota uikuaa kawi jesewa. Jáeramo omondo reta amokue sacerdote reta jare imborɨa reta ndiwe kiape Juan oï wae pe. Jare jae reta yuweru ma uwäe yawe, upɨrandu reta chupe: “¿Kía ko nde?”

San Juan 10:31

Jayawe joko pe ñonoï wae reta pochɨ jare upi ye tëi reta ita uyapi uyuka waerä Jesús.

San Juan 10:33

Jare jei reta chupe: “Mbae ikawi wae ndiyapo wae jeko pewa’ä ko ndiyeyapikata neï. Erëi nde ndere mbae kachi wae Tumpa kotɨ. Echa’ä yepe tëi nde pëti kuimbaeño ko, erëi niñereni Tumpa etei. Jokua jeko pewa ko ndiyeyapikata neï,” jei reta chupe.

San Juan 16:25

“Añawe amɨmbeu ma pewe jeta mbaembae re ambɨjaanga rewe. Erëi uwäeta ma ara amɨmbeu waerä pewe sɨmi kawi cheRu rewa. Ndarau ye ma ayemɨngeta pewe ambɨjaanga rewe,” jei chupe reta.

San Juan 8:25

Jayawe jae reta jei chupe: “¿Kía pochɨ pa nde jukuärái ndiyemɨngeta waerä?” jei reta chupe. Jayawe Jesús jei chupe reta: “Che ko jae ayembeuñoi pewe wae,” jei chupe reta.

San Juan 8:53

“Jare nde ndiyererowia katu chawaa neï yanderamɨkue Abraham wi, echa’ä Abraham umano. Jare jukuärái opa umano wi opaete Tumpa iñee arakae umɨmbeu wae reta. ¿Kía pochɨ ra nde jukuärái ndiyemɨngeta waerä?” jei reta Jesús pe.

San Juan 9:22

Jukuärái jei kuimbae tu jare ichɨ, echa’ä ukɨye parawete reta judío itenondewa reta wi ramo. Echa’ä jokua mburuwicha reta jei ma, “Ipotawe kía nunga jei ‘Jesús ko jae Cristo yae chupe wae,’ imeta ko uyemomboka yandetupao wi,” jei reta.

2 Corintios 3:12

Ore nduikuaa kua ñee ikawiete ye ko. Jáeramo numɨmbeu opaete wae pe nduipɨu mbae rewe.