San Juan 10:18 - Biblia

¹⁸ Mbaetɨ kía ipuere upɨ̈ro chewi cherekowe, erëi amanota aï chekɨrëɨ rewe. Chepuere amee cherekowe, jare ime wi anoi mbaepuere aikowe ye waerä. Jukuärái chepuere ayapo, echa’ä jokuaerä cheRu chembou ayapo waerä. Jokua añawe che jae pewe,” jei Jesús chupe reta.

Guaraní Pe (Western): Simba

¹⁸ Mbaetɨ quía ipuere uequi chegüi cherecove. Amanota aipota ramo. Chepuere amee cherecove amano vaerã, jare chepuere anoi ye. Cuarãi cheocui cheRu —jei.

San Juan 10:18 Iomraidhean Croise

San Juan 10:11

“Jare che ko jae owecha reta iyandarekoa ikawi wae rami. Pëti owecha reta iyandarekoa ikawi wae umeeta jekowe iowecha reta re uepɨ reta waerä,” jei.

San Juan 10:15

Kërái cheRu chekuaa kawi jare che aikuaa kawi wi cheRu, jukuärái wi cheowecha reta ndiwe nduyekuaa kawi. Jare che ameeta ko cherekowe cheowecha reta re aepɨ reta waerä,” jei Jesús chupe reta.

San Juan 10:17

“Che ameeta cherekowe jare joko wi aikowe yeta aï. Jokua jeko pewa ko cheRu cherau.

San Juan 14:31

“Erëitu kua uyeyapota oï cheRu jei ramo. Jáeramo che añemee aï ayapo waerä cheRu jei wae, echa’ä aipota opaete ɨwɨ pewa reta uikuaa waerä auete ko cheRu wae,” jei Jesús jemimboe reta pe. Jare Jesús kua opa ma jei yawe, jei chupe reta: “Pepüa. Ya ma kua wi.”

San Juan 15:10

¿Kërái ra pikota jukuärái? Pe reta piko yawe che jae wae rupi, jayawe jekuaeño piyekouta peï kuri che puau wae re. Jukuärái wi che jekuaeño ayekou aï cheRu cherau wae re, echa’ä che aiko jae jei wae rupi,” jei chupe reta.

San Juan 19:11

Jare Jesús jei chupe: “Jukuärái tëi añetete. Erëi ndarau etei mbaepuere nenoi cheré Tumpa umaeño’ä nderé yawe. Añawe nde ime nenoi teko kua mbae uyeyapo oï chewe wae re. Erëi uasaete teko onoi jokua kuimbae chemee ndewe wae,” jei chupe.

San Juan 5:26

Jukuäraita ko, echa’ä kërái cheRu ko jae tekowe iYa, jukuäraiete wi jae umee chewe che aï waerä tekowe iYarä.

San Juan 5:30

Jare Jesús jei wi judío itenondewa reta pe: “Cheiño chepuere’ä mbae ayapo. Jayawe jokua ara che jae yawe ɨwɨ pewa reta jeko rewa, ayapota’ä aï cheño aipota wae rupi. CheRu ko jeita oï chewe mbae jae waerä. Jáeramo jupi ko jokua mbae che jaeta aï wae, echa’ä mbaetɨta ayemɨngeta aï che aipota waeño. Ayemɨngetata aï chembou wae uipota wae,” jei chupe reta.

San Juan 6:38

Echa’ä jokua ko jae cheRu uipota wae. Jare jae chembou ara wi ayapo waerä jae jei wae. Ayu’ä ko ayapo waerä che jae waeño,” jei chupe reta.

Hechos 2:24

“Erëi yepe tëi pe reta piyukaka Jesús, jesewe Tumpa umbɨjekowe ye ueru umanokue wae reta ipɨte wi,” jei. “Jesús uiporaraete mano pe. Erëi Tumpa uepɨ chuwi, echa’ä mano imbaepuere’ä etei jese ramo.

Hechos 2:32

“Jare kua opa ma uyeyapo, echa’ä Tumpa umbɨjekowe ye kua Jesús ueru umanokue wae reta ipɨte wi. Jare kua ore nduecha oreresa pe etei,” jei.

Hechos 3:15

Jare jukuärái piyukaka tekowe iYa etei,” jei. “Erëi yepe tëi piyukaka, jesewe Tumpa umbɨjekowe ye ueru umanokue wae reta ipɨte wi. Jare kua ore nduecha oreresa pe etei,” jei chupe reta.

Tito 2:14

Opaete yande jeta ma yayawɨ Tumpa kotɨ. Erëi Jesucristo uñemee umano waerä yanderé yanderepɨ waerä jokua teko ñanoi wae wi, jare oyoe waerä yandepɨa opaete ikawi mbae wae wi. Jukuärái jae ñaneñono tee ma jae imaerä, yande ñanekɨrëɨ yayapo waerä mbaembae ikawi waeño.

Hebreos 2:9

Erëi yaecha ko Jesús opaete mbaembae re oï. Yepe tëi tenonde Tumpa umɨmichi Jesús araɨwa reta wi Jesús uyeyapo yawe kuimbaerä, erëi jokua michi pewaño. Añawe Jesús umano yanderé ramo, Tumpa oñono ma opaete wae imburuwicha wasurä iko waerä jare umee chupe uyepɨuka waerä opaete wae pe. Añetete Tumpa ipɨakawiete ramo, ombou Jesús umano opaete pewarä.