San Juan 10:16 - Biblia

¹⁶ “Jare imeta oï wi ïru cheowecha reta. Erëi ndei ko jae reta oï cheowecharokai pe, echa’ä jae’ä ko judío reta. Jae reta wi uyapɨsakata chiñee re che aeni reta yawe. Jare che imeta ko jae reta wi aru amɨinge waerä cheowecharokai pe. Jare aru reta ma yawe, yurekota reta pëti wae peño jare pëtiño opaete jae reta iyandarekorä aikota,” jei chupe reta.

Guaraní Pe (Western): Simba

¹⁶ Jare ime anoi ĩru ovecha reta. Jae reta cua pegua'ã co. Jae reta aruta vi. Jae reta uyapɨsacata chiñee re. Jayave imeta penti atɨ jare penti ovecha reta iyandarecoa —jei—.

San Juan 10:16 Iomraidhean Croise

Oseas 1:10

Tumpa jei: “Israel iñemoñaa reta ikota ɨwɨkuïti ɨ wasu jembeɨ rupi oï wae rami, echa’ä jetaeteta ko jare ndarau kiawe ipuereta uipapa reta. Tenonde yawe che jae chupe reta: ‘Pe reta chembae’ä ko,’ jaese chupe reta. Erëi opaete kerupi rupi jukuärái che jae wae rupi, pëti ara jaeta chupe reta: ‘Che ko jae peTumpa aikoño mái wae. Jare pe reta ko jae cheraɨ reta.’ Jukuärái jaeta chupe reta,” jei Tumpa.

San Mateo 17:5

Jare Pedro uyemɨngeta iko rambuewe, uyekuaa chupe reta amapɨ̈tu jembipe wae jare opa oñowa reta. Jare amapɨ̈tu wi uyendu ñee jei: “Kua ko jae cheRaɨ auete wae. Jae chembɨyerowiaete. Piyapɨsaka jese,” jei.

San Lucas 15:8

Jare Jesús jei wi chupe reta umbɨjaanga rewe: “Jae ramiño wi pëti kuña ime onoi yawe payandepo riare korepoti jepɨete wae, jare umɨkañɨ yawe pëti riare o pe, ¿mbae ra jae uyapota? ¿Ndarau yerá jae umɨendɨ mechero jare utupei ueka kawi waerä uwäe chupe rewa? Jukuäraita ko,” jei.

San Juan 10:11

“Jare che ko jae owecha reta iyandarekoa ikawi wae rami. Pëti owecha reta iyandarekoa ikawi wae umeeta jekowe iowecha reta re uepɨ reta waerä,” jei.

San Juan 10:2

“Erëi owecharokai jöke rupi uike wae, owecha reta iyandarekoa ko,” jei.

San Juan 10:27

“Cheowecha reta uyapɨsaka chiñee re. Jare che aikuaa kawi cheowecha reta, jare jae reta uwata cheraɨkue.

San Juan 10:3

“Jare owecha reta iyandarekoa uipota uike yawe, öke uäro wae uipeata chupe. Jare jae uike ma yawe, yuweruta ikotɨ iowecha reta, echa’ä jae reta uikuaa iyandarekoa iñee ramo. Jare jae uenita pëti pëti iowecha reta jee rupi jare onoeta wɨraa reta owecharokai wi,” jei.

San Juan 10:4

“Jare opa ma onoe wɨraa reta yawe jokai wi, owecha iyandarekoa uwatata tenonde chupe reta jare owecha reta yuraata jupie, echa’ä uikuaa reta iya iñee ramo,” jei.

San Juan 10:5

“Erëi ndarau yuraa reta ambɨe wae jupie, echa’ä uikuaa’ä reta jokua ambɨe wae iñee ramo. Jáeramo jae reta opata osi chuwi,” jei chupe reta.

San Juan 11:52

Erëi mbaetɨta umano judío reta reño. Umanota iko wi opaete Tumpa taɨ reta kerupi rupi ñonoï wae re jae reta yureko waerä pëti ramiño.

San Juan 17:20

“Jare kua reta reño’ä ko ayerure aï ndewe. Aikuaa aï ïru wae reta wɨrowiata cheré jae reta iñee rupi. Jare jokua reta re wi che ayerure aï ndewe,” jei.

San Juan 6:37

Erëitu opaete kía kía cheRu umee chewe wae reta yuweruta chekotɨ. Jare ipotawe kía chekotɨ ou wae ndaraúi amombo.

Hechos 15:14

“Simón Pedro umɨmbeu ma yandewe kërái Tumpa jaeramo etei uparawɨkɨ judío mbae wae reta ipɨte rupi oñono tee waerä amokue wae reta jae imaerä,” jei.

Hechos 18:10

Echa’ä che aï nde ndiwe jare ndarau kiawe ipuere marái ndapo,” jei. “Jekuaeño chemɨeräkua, echa’ä imeño jeta wae reta wɨrowiata ñonoï cheré kua tëta wasu pe.” Jukuärái yandeYa jei chupe.

Hechos 22:14

“Jayawe jae jei chewe: ‘YandeRu Tumpa ndeparawo ma ndikuaa kawi waerä jae uipota uyapo wae, jare ndecha waerä jokua Jupiete wae, jare ndiyandu waerä iñee.

Romanos 11:25

Jáeramo hermano mii reta, ime mbae ndei etei uyekuaa oï wae aipota pe judío mbae piko wae reta pikuaa kawi waerä. Jare kua che aipota pikuaa waerä awɨye waerä piyembɨkate. Yepe tëi añawe jeta judío reta ipɨatäta ñonoï Jesucristo kotɨ, erëi ndarau jukuäraiño upɨta reta. Tumpa uikuaa opaete judío mbae wae wɨrowiata oï jese wae reta, jare opa ma jae uipapa reta. Jare opaete jae reta wɨrowia ma yawe,

2 Tesalonicenses 2:13

Erëi ikawi ko ore jekuaeño numee waerä yasurupái Tumpa pe peré, pe yandeYa perau wae reta. Echa’ä Tumpa peparawo iyɨpɨ wiwe penoi waerä tekowe opa mbae wae añetete wae perowia wae rupi jare Espíritu Santo rupi – jae ko peñono tee Tumpa pewarä wae.

Hebreos 13:20

YandeRu Tumpa ko jae yanembɨpɨakatu wae. Jare jae ko uyapo pëti yemɨngeta ipɨau wae yande ndiwe. Jare yandeYa Jesucristo juwɨ uyepɨyere wae pɨpe jokua yemɨngeta upɨta kawi ma oï jaeño mái pewa. Jáeramo Tumpa umbɨjekowe ye ueru Jesucristo uyandareko waerä yanderé pëti owecha reta iyandarekoa ikawi wae rami.

1 Pedro 2:10

Tenonde yawe pe reta Tumpa pewa’ä piko. Erëi añawe Tumpa pewa ma ko peï. Tenonde yawe Tumpa iarasɨ uitɨta tëi iko peré. Erëi añawe jae peparareko ma.

1 Pedro 2:25

Tenonde yawe pe reta pewataiño piko owecha ukañɨ wae rami. Erëi añawe peyu ye ma ko Cristo kotɨ. Jare jae umae jare uyandareko oï peré pëti owecha iyandarekoa rami.

1 Pedro 5:4

Jare jokua ara Cristo ou ye yawe, jae umɨñatimata oï pewe peparawɨkɨ re. Echa’ä yandeYa Cristo ko jae jese wɨrowia wae reta itenondewa itenondewa yuapɨ ye wae. Jare jae umeeta oï pewe kuri pëti corona ikawiete ye wae jare ikumewa mbaei wae.

Apocalipsis 3:20

‘Mase, ko öke pe aï jare che pueni aï. Ime yawe kía chiñee uyandu jare uipea chewe öke wae, che aiketa jëta pe jare añemɨïruta jae ndiwe ndukaru noï rambuewe.