San Juan 10:1 - Biblia

¹ Jayawe Jesús jei umbɨjaanga rewe: “Che tae pewe añetete wae, jaeño imonda wae reta uike’ä owecharokai pe jöke rupi. Jae reta uike wɨari ikotɨ̈a rupi,” jei.

Guaraní Pe (Western): Simba

¹ —Añete che jae peve —jei Jesús—, imonda vae uique'ã onque rupi ovecha-rocai pe. Uique icotɨ'ã rupi. Echa'ã uipota oñomi güɨraa ambɨe vae iovecha reta —jei—.

San Juan 10:1 Iomraidhean Croise

San Mateo 7:15

“Piyandareko kawi piyé kuri, echa’ä outa oï Tumpa iñee umɨmbeuraanga wae reta. Jae reta ikota pepɨte rupi owecha reta rami, echa’ä uyekuaata reta pewe ikoi wae echa rami. Erëi añetete jae reta ko yawa pochɨ wae rami,” jei.

San Juan 10:7

Jayawe Jesús jei wi chupe reta: “Che tae pewe añetete wae, che ko jae jokua owecharokai jöke rami. Echa’ä che rupiño ko ipuere uike kía Tumpa jëta pe,” jei.

San Juan 3:3

Jayawe Jesús jei chupe: “Pëti ara Tumpa ikota mburuwicha wasurä jaeño mái pewa kua ɨwɨ pe. Jare che tae ndewe añetete wae, ndarau kía ipuere oï jae ndiwe mbaetɨ oa pɨau ye yawe,” jei chupe.

Romanos 10:15

Jare ¿këraita ra kía ipuere umɨmbeu chupe reta, Tumpa omondo’ä kía yawe? Kërái Tumpa iñeerɨru pe jei oï wae rami: “Ikawiete ko kía ou umɨmbeu yawe ñee ikawi wae.”

Romanos 16:18

Jokua nunga oporomboe wae reta mbaetɨ uyeyokui ñonoï yandeYa Jesucristo pe. Jaeño ko uparawɨkɨ ñonoï jae reta jei wae rupiño. Jae reta iñee kawi rupi umbɨtawɨ onoi ikoi mii wae reta.

Tito 1:11

Ikawi ko ñamɨkïi waerä jokua nunga reta. Echa’ä jae reta oporomboe ñonoï awɨyeta tëi oporomboe wae re. Jare jokua jae reta uyapo ñonoï korepoti umɨngana waeräño. Jare jae reta oporomboe kachi wae rupi, jeta tëtara reta umbɨyerowa ma yemboe añetete wae wi.

Hebreos 5:4

Jare yanemandúa kawi ñaï, arakaete rupi Aarón uyeparawo yawe Israel iñemoñaa reta isacerdote tenondewaeterä, ¿kía pa uiparawo? Tumpa etei ko uiparawo. Jare jukuärái yaikuaa jaeño Tumpa uiparawo wae ipuere iko sacerdote tenondewaeterä. Ndarau kía ipuere uyeparawo jaei.

1 Pedro 1:10

Jokua re umɨmbeu Tumpa iñee arakae umɨmbeu wae reta. Jae reta ɨma ma umɨmbeu kërái yande añawe rupi yaiko wae reta yayekouta yaiko Tumpa ipɨakawi re. Jae reta uipotaete uikuaa kërái etei ra ko Tumpa yanderepɨta iko jare kërái yawe etei ra ko jokua uyeyapota iko. Jáeramo jae reta upɨwɨwɨ kawi jokua re. Jayawe yandeYa Cristo iEspíritu uikuaaka chupe reta kërái Cristo uiporarata iko jare taɨkue rupi uyembutuichakata iko. Jare jukuärái umɨmbeu jokua kuimbae reta Tumpa iñee arakae umɨmbeu wae.

2 Pedro 2:1

Erëi yanemandúa kawi ñaï, jokua ara reta rupi ime iko wi Israel iñemoñaa reta ipɨte rupi Tumpa iñee umɨmbeuraanga wae reta. Jare jukuärái wi añawe rupi imeta wi pepɨte rupi Tumpa iñee re oporomboeraanga wae reta. Jae reta ikatu oporomboe waerä tëi, erëi kachi oporomboeta, jare jukuärái umbɨtawɨta jeta wae reta. Jare yepe tëi yandeYa umbɨepɨ juwɨ pe jae reta iko waerä tëi jae imaerä, erëi jae reta mbaembae oporomboe wae rupi uikuakuta yandeYa. Jare jukuärái jae reta ueruta iyupe ɨmambae Tumpa iarasɨ.

2 Pedro 2:3

Jare jokua oporomboe kachi wae reta uipotaeteta korepoti. Jare imiärita reta iyapu rewe pembɨtawɨ waerä ipuere waerä umɨngana pewi korepoti. Erëi ɨma rupi Tumpa jei uiporaraka waerä chupe reta. Jare chupe reta waerä Tatawasurenda uyeyapɨkatu ma oï.

1 Juan 4:1

Cheïru puau wae reta, awɨye perowia woi ipotawe kía Tumpa iñee ou umɨmbeu wae, echa’ä añawe rupi ime jeta wae reta Tumpa iñee umɨmbeuraanga wae reta. Jayawe ime yawe kía ou piyembatɨ wae pe jare jei pewe yawe, “Che ko jae Tumpa iñee umɨmbeu wae,” pemboporowa rani jae iñee añetete ra ou Tumpa wi wae.