San Juan 1:6 - Biblia

^6-7 Ime iko pëti kuimbae Juan jee wae. Kua kuimbae Tumpa ombou umɨmbeu waerä opaete wae pe jokua tembipe rewa. Tumpa uyapo jukuärái opaete wae wɨrowia waerä tëi jokua tembipe re Juan iñee rupi.

Guaraní Pe (Western): Simba

^6-7 Ico penti cuimbae Juan jee vae. Tumpa ombou cua cuimbae umɨmbeu vaerã tembipe regua, ĩru vae reta upurugüɨrovia vaerã uyandu yave.

San Juan 1:6 Iomraidhean Croise

San Mateo 11:10

Echa’ä Tumpa iñeerɨru pe uyekuatía oï jese kuärái: ‘YandeRu Tumpa jei Taɨ pe: ‘Mase, che amondota aï tenonde mii ndewi chiñee umɨmbeu wae. Jare jae umɨmbeuta oï ïru wae reta pe uyeyapɨkatu reta waerä ndei newäe mbowe,’ jei Taɨ pe.’ Jukuärái uyekuatía oï,” jei chupe reta.

San Mateo 21:25

“Pemɨmbeu chewe, ¿kía pa ombou Juan upurumbɨsakambu waerä? ¿Tumpa ra ombou, ani kuimbae retaño ra ombou?” jei chupe reta. Jayawe jae reta yuraa ikotɨ̈a mii jare jei iyupe: “Yae yawe, ‘Tumpa ko ombou Juan,’ jayawe Jesús jeita yandewe, ‘Jukuärái yawe, ¿maera pa perowia’ä jae jei wae?’ jeita yandewe.

San Lucas 1:13

Jayawe araɨwa jei chupe: “Awɨye ekɨye, Zacarías,” jei. “Tumpa uyandu ma ndewe ndiyerure chupe wae, jare nembireko Elisabet imembɨta ndewe pëti kuimbae mii. Jare nde nembɨjeeta Juan,” jei.

San Lucas 1:76

Joko wi Zacarías jei taɨ mii pe kuärái: “Nde, cheraɨ mii,” jei chupe. “Tumpa imbaepuere tuichaete wae etei neñono jae iñee nemɨmbeu waerä. Echa’ä nde rani ndeota neï yandeYa wi nemɨmbeu waerä opaete wae pe yandeYa iwäe ara koiñoete ma oï wae.

San Juan 3:28

“Jare wi pe reta pikuaa kawi peï che jae pewe wae, ‘Che jae’ä ko Cristo yande yae chupe wae. Jaeño ko Tumpa che rani chembou chuwi,’ jae ma pewe.

Hechos 13:24

“Ndei Jesús ou mbowe, Juan upurumbɨsakambu wae umɨmbeu iko opaete Israel pewa reta pe ueya waerä ipɨayemɨngeta jupi mbae wae Tumpa rewa. Jare jukuärái uyapo reta ma yawe, Juan jei chupe reta uyembɨsakambuka reta waerä ɨ pe,” jei.