San Juan 1:51 - Biblia

⁵¹ Joko wi Jesús jei Felipe jare Natanael pe: “Che tae pewe añetete wae, pechata ara uyepea oï kërái yanderamɨkue Jacob uecha ipau pe wae rami. Jare pechata wi Tumpa iaraɨwa reta uyupi ñonoï jare uweyɨ ñonoï che kuimbaerä ayeyapo wae rupi,” jei chupe reta.

Guaraní Pe (Western): Simba

⁵¹ Añete che jae ndeve, ndeechata ara uyepea oĩ, jare ndeechata vi ángel Tumpa pe uyeyocui vae reta uyupi ñugüɨnoi jare ugüeyɨ ñugüɨnoi che aĩ vae pe. Che co jae cuimbaerã uyeyapo vae —jei Jesús.

San Juan 1:51 Iomraidhean Croise

Génesis 28:12

Jare Jacob oke iko rambuewe, upau. Jare aramoiño uecha ipau pe pëti yupika ɨwɨ wi oo ara re oya wae. Jare uecha wi Tumpa iaraɨwa reta uyupi ñonoï jare uweyɨ ñonoï jokua yupika rupi.

San Mateo 25:31

“Che kuimbaerä ayeyapo wae, che ayu yewɨ yawe chembaepuere jembipete rewe, aruta opaete araɨwa reta che ndiwe. Jayawe che awapɨta aï chewapɨa mburuwicha wasu pewa ikawiete ye wae re,” jei.

San Mateo 26:24

Che kuimbaerä ayeyapo wae amano ñotái ko kërái Tumpa iñeerɨru pe uyekuatía oï cheré wae rami. Erëi jokua kuimbae chemeeta oï wae uiporaraeteta ko. Ikawi tëi ko jokua kuimbae awɨye etei oa waerä ichɨ wi,” jei chupe reta.

San Mateo 3:16

Jare uyembɨsakambuka ma yawe, Jesús oë ɨ wi. Jare jupiwoiño ara uyepea, jare jae uecha Espíritu Santo uweyɨ ou ara wi uwapɨ jese pëti pɨkasu rami.

San Mateo 4:11

Jayawe Añawasu usɨrɨ Jesús wi, jare jupiwoiño yuweru araɨwa reta omborɨ waerä Jesús.

San Mateo 8:20

Jayawe Jesús jei jokua kuimbae pe: “¿Añetete pa ndiyemɨngeta neï? Echa’ä awara reta ime onoi ikua, jare wɨra reta wi ime onoi jaitɨ. Erëi che kuimbaerä ayeyapo wae mbaetɨ anoi kiape awe ake waerä,” jei chupe.

San Mateo 9:6

“Jayawe tamɨnguera kua kuimbae perowake pikuaa waerä che kuimbaerä ayeyapo wae ime ko anoi wi mbaepuere kua ɨwɨ pe ambái waerä kía wi teko onoi Tumpa kotɨ wae,” jei Jesús chupe reta. Jayawe Jesús jei kuimbae ipuere mbae omɨ wae pe: “Epüa, jare eupi nderupa, jare ekua nerëta pe,” jei chupe.

Marcos 1:10

Jare Jesús oë ye ɨ wi yawe, jupiwoi uecha ara uyepea oï. Jare uecha wi Espíritu Santo uweyɨ ou ara wi uwapɨ jese pëti pɨkasu rami.

Marcos 14:62

“Jae ko che,” jei Jesús chupe. “Jare che kuimbaerä ayeyapo wae, pe reta etei cherechata peï kuri Tumpa opaetei mbaepuere onoi wae iyakata kotɨ. Jare cherechata wi ayu ye yawe ara wi amapɨ̈tu re,” jei chupe.

San Lucas 2:13

Jare jupiwoiño uyekuaa jae ndiwe jetaete ye araɨwa reta. Jare opaete jae reta umbutuicha Tumpa jee jei rewe:

San Lucas 2:9

Jayawe aramoiño uyekuaa chupe reta pëti araɨwa Tumpa ombou wae. Jare Tumpa imbaepuere jupiete wae uyekuaa chupe reta pëti tembipe uwerasɨ wae rami jare umbɨembipe chupe reta. Jáeramo jae reta opa ukɨyete upɨta.

San Lucas 22:43

Jayawe uyekuaa chupe pëti araɨwa umɨmɨräta waerä.

San Lucas 22:69

“Erëi che kuimbaerä ayeyapo wae añawe wiwe awapɨta Tumpa opaetei mbaepuere onoi wae iyakata kotɨ,” jei chupe reta.

San Lucas 24:4

Jáeramo uikuaa’ä mbae jei reta waerä. Jare aramoiño uyekuaa mokui kuimbae jemimonde uwerasɨ wae reta uyemboɨ ñonoï jae reta iyɨpɨ pe.

San Lucas 3:21

Erëi ndei oñono reta Juan peresorɨru pe mbowe, Juan umbɨsakambu iko jeta wae reta ɨ pe. Jare jae nunga wi Juan umbɨsakambu Jesús. Jare jokua jaɨkue rupi, Jesús uyerure iko Tumpa pe. Jare jae uyerure iko rambuewe, ara uyepea.

San Juan 1:50

Jare Jesús jei chupe: “¿Jaeño ra nderowia cheré che aikuaa nde ndiko ɨwa íɨwɨ pe jae ndewe ramo? Cherechata mbaembae tuichaete ayapota aï wae,” jei chupe.

San Juan 10:1

Jayawe Jesús jei umbɨjaanga rewe: “Che tae pewe añetete wae, jaeño imonda wae reta uike’ä owecharokai pe jöke rupi. Jae reta uike wɨari ikotɨ̈a rupi,” jei.

San Juan 10:7

Jayawe Jesús jei wi chupe reta: “Che tae pewe añetete wae, che ko jae jokua owecharokai jöke rami. Echa’ä che rupiño ko ipuere uike kía Tumpa jëta pe,” jei.

San Juan 13:16

“Yande yaikuaa kawi ñaï pëti pione ndarau uasa ipatrón jei wae iáramo rupi. Jae ramiño wi pëti ñeeruwataa ndarau uasa ombou wae jei wae iáramo rupi,” jei chupe reta. “Añawe che peYarä aï wae añemɨmichi ma pewe pëti uyeyokui wae rami. Jayawe jukuäraita ko pe reta wi piyapota ïru wae reta pe,” jei chupe reta.

San Juan 13:38

“¿Añetete nemanota ra cheré?” jei Jesús. “Che tae ndewe añetete wae, ndei uru kuimbae uñee mbowe, mbapɨ wese ma nde chekuakuta neï kuri,” jei chupe.

San Juan 14:12

“Che jae aï pewe añetete wae, jokua cheré wɨrowia wae reta uyapota wi kua nunga mbaembae che ayapo wae etei. Añetete jae reta uyapota tuichaete ye mbaembae chewi, echa’ä che ata aï cheRu oï wae pe jare joko wi che amborɨta reta,” jei chupe reta.

San Juan 16:20

“Che tae pewe añetete wae, ɨmambaeño ata aï pewi. Jare jayawe cheré wɨrowia mbae wae reta tuicha rupi uyerowiata jokua re. Erëi pe reta pepɨatɨtɨta jare piyaota peï jokua re. Erëi pepɨtata’ä peï jukuäraiño. Taɨkue mii rupi piyerowiata peï,” jei chupe reta.

San Juan 16:23

Jare ndarau ma pepɨrandu chewe kua mbaembae re,” jei chupe reta. “Che tae pewe añetete wae, pe reta cheree re pepuereta piyerure ipotawe mbae re cheRu pe, jare cheRu uyapota pewe,” jei chupe reta.

San Juan 21:18

“Che tae ndewe añetete wae, ndetaurusu yawe, ndiyembɨkuaase jare ndewatase ndipota ndeo wae rupi. Erëi nendechi ma yawe, ndeupita ndepo, jare neapɨ̈tita reta jare ndereraata reta kiape ndipota’ä tëi ndeo wae pe ndeyuka reta waerä,” jei chupe.

San Juan 3:3

Jayawe Jesús jei chupe: “Pëti ara Tumpa ikota mburuwicha wasurä jaeño mái pewa kua ɨwɨ pe. Jare che tae ndewe añetete wae, ndarau kía ipuere oï jae ndiwe mbaetɨ oa pɨau ye yawe,” jei chupe.

San Juan 3:5

Jayawe Jesús jei chupe: “Kua ɨwɨ pe opaete wae onoi tekowe ichɨ wi oa ma yawe. Erëi che tae ndewe añetete wae, kía mbaetɨ oa pɨau ye Espíritu Santo rupi wae, ndarau ipuere onoi Tumpa imburuwicha wasurä jaeño mái pewa.

San Juan 5:19

Jayawe Jesús jei chupe reta: “Che tae pewe añetete wae, che Tumpa Taɨrä aï wae, cheiño chepuere’ä mbae ayapo. Jaeño mbae aecha cheRu uyapo wae chepuere ayapo. Jare jokua mbaembae cheRu uyapo wae, jokua etei che ayapo wi,” jei.

San Juan 5:27

Jare wi cheRu umee ma chewe mbaepuere che jae waerä ɨwɨ pewa reta jeko re. Che ko jaeta opaete wae pe pëti pëti rupi: “Nde ndiporarata neï ndereko kachi re,” ani, “Nde nenoita tekowe opa mbae wae.” Jare jukuärái ko uñemee ma chewe mbaepuere ayapo waerä, echa’ä che ko jae jokua ‘uyeyapo kuimbaerä wae’ jei chupe reta wae,” jei.

San Juan 6:26

Jayawe Jesús jei chupe reta: “Che tae pewe añetete wae, che ayapo ma pewe mbaembae kiawe ipuere’ä uyapo wae pe reta pikuaa waerä tëi añetete kía ko che wae. Erëi jokua jeko pewa’ä ko pe reta chereka peï. Pe reta chereka peï jokua mbɨyape pemɨngapɨɨ wae ramoño,” jei.

San Juan 6:32

Jayawe Jesús jei chupe reta: “Che tae pewe añetete wae, Moisés jae’ä ko umee chupe reta mbɨyape ara pewa. CheRu ko umee chupe reta. Jare añawe cheRu uipota umee oï pewe mbɨyape añetete wae ara pewa.

San Juan 6:47

Erëi yepe tëi kiawe uecha’ä etei cheRu, erëitu che tae pewe añetete wae, ipotawe kía wɨrowia cheré wae ime onoi tekowe opa mbae wae.

San Juan 6:53

Jayawe Jesús jei chupe reta umbɨjaanga rewe: “Che tae pewe añetete wae, che kuimbaerä ayeyapo wae, pe reta peu’ä yawe cherete jare cheruwɨ, ndarau penoi tekowe añetete pewa,” jei chupe reta.

San Juan 8:34

Jayawe Jesús jei chupe reta: “Che tae pewe añetete wae, kía jekuaeño uyawɨ oï Tumpa kotɨ wae, teko kachi ipionerä iko wae rami ko,” jei.

San Juan 8:51

“Che tae pewe añetete wae, kía chiñee uyapo wae ndarau umano,” jei chupe reta.

San Juan 8:58

Jayawe Jesús jei chupe reta: “Che tae pewe añetete wae, Abraham ndei awe iko mbowe, CHE KO CHE,” jei chupe reta.

Hechos 10:11

Jare jukuärái Pedro uecha ara uyepea oï, jare uweyɨ ou ɨwɨ kotɨ pëti tarapo tuicha wae. Kua uyembɨweyɨ wae uyepɨsɨ iko irundɨ itiäkua reta pe.

Hechos 7:56

Jayawe Esteban jei: “¡Mase! ¡Aecha ara uyepea oï, jare joko pe uyemboɨ oï kuimbaerä uyeyapo wae yandeRu Tumpa iyakata kotɨ!” jei.

2 Tesalonicenses 1:7

Jare jukuärái pe reta piporara peï wae, oyowake peputuuta peï kuri ore ndiwe kua yaiporara ñaï wae wi. Jokua uyeyapota oï yandeYa Jesucristo uyekuaa yawe ara wi tata jendɨ rewe jare iaraɨwa ipɨrätaete wae reta ndiwe,

2 Tesalonicenses 1:9

Jáeramo jokua jeko pewa Tumpa opata omombo reta Tatawasurenda pe, jare joko pe jae reta uiporarata ñonoï jaeño mái pewa mbɨrɨete yandeYa wi. Jare ndarau etei uecha reta yandeYa imbaepuere jembipete wae.

1 Timoteo 3:16

Jare ikawiete ye ko kua yemboe, echa’ä uikuaaka yandewe kuärái: Jae ikoño mái wae uyeyapo kuimbaerä. Espíritu Santo uikuaaka kawi yandewe jae ko Tumpa Taɨ wae. Araɨwa reta uecha uyerowia rewe. Uyemɨmbeu jesewa opaete kerupi. Jare jeta wae reta wɨrowia jese. Jare Tu wɨraa ye ara pe oï waerä jae ndiwe. Jukuärái jokua yemboe añetete wae uikuaaka yandewe.

Hebreos 1:14

Echa’ä araɨwa reta ko jae Tumpa pe uyeyokui wae retaño. Tumpa ombou ma araɨwa reta omborɨ waerä tekowe opa mbae wae onoita wae reta.

Judas 1:14

Yanemandúa ñaï wi kuimbae Enoc jee wae re. Jae ko Adán jumɨmino chiu wese yuapɨ ye wae. Jae arakae umɨmbeu kërái mbae uasata oï oporomboeraanga wae reta pe kuärái: “Mase. YandeYa outa oï jetaete ye oñono tee jae imaerä wae reta ndiwe.

Apocalipsis 19:11

Jayawe che aecha ara uyepea oï. Jare aecha pëti kawayu tïi wae. Jare opo jese wae ko jee Tumpa Iñee. Jesa uyekuaa kërái tata jendɨ wae rami, jare iñäka re onoi jeta corona mburuwicha wasu pewa reta. Jare jae jemimonde tuwɨ yepái. Jae ko jekuaeño jupi uyapo wae jare añetete wae umɨmbeu wae. Jae jupi rupi upurumbɨjeko, jare uñeräro jowaicho reta ndiwe. Jare uyekuatía oï jese pëti tee kiawe uikuaa’ä wae. Jaeño uikuaa wae.

Apocalipsis 4:1

Kua jaɨkue rupi amae jare aecha pëti öke uyepea oï ara pe. Jare ayandu jokua ñee tenonde yawe ayandu wae – jae ko jokua ñee täta uyemɨngeta wae temimbɨ wasu uñee wae rami wae. Jare jei chewe: “Iyupi kua ɨwate, jare aechakata ndewe mbaembae uasata oï kuri kua jaɨkue rupi wae,” jei.