San Juan 1:49 - Biblia

⁴⁹ “Oporomboe wae,” jei Natanael, “añawe aikuaa nde ko jae Tumpa Taɨ. Nde ko jae oremburuwicha wasurä ndikota wae,” jei chupe.

Guaraní Pe (Western): Simba

⁴⁹ —Nde co jae Tumpa Taɨ, Oporomboe vae —jei Natanael—. Nde co jae Israel pegua reta juvicha guasu —jei.

San Juan 1:49 Iomraidhean Croise

Isaías 9:7

Jae onoita tamɨkue David imbaepuere mburuwicha wasu pewa. Jae imbaepuere uyembutuichaeteta opaete ɨwɨ rupi jare ndarau etei opa. Jáeramo ɨwɨ pewa reta yurekota ipɨakatu rewe jaeño mái pewa. Jae uyapo ñotái ikawi wae jupi wae rupi. Jukuärái uyeyapota, echa’ä Tumpa imbaepuere tuichaete wae ipɨakɨrëɨ rewe uyapota ramo.

Daniel 9:25

“Jayawe iyapɨsaka jare ikuaa kawi kua: Pëti mburuwicha wasu jeita uyapo reta ye waerä tëta wasu Jerusalén. Jare jokua ara wiwe uasata 483 año mburuwicha wasurä Cristo yae chupe wae ou rewa. Jayawe mburuwicha wasu jei wae rupi umupüa yeta ñonoï Jerusalén ikësea reta, jare uyapo yeta ñonoï icalle reta wi. Jukuärái uyapota ñonoï reta, echa’ä imeta onoi yemumburu mano pewa ramo.

Miqueas 5:2

Tumpa jei kuärái: “Erëi tëta wasu raɨ Belén Efrata jee wae, yepe tëi pëti tëta michi raɨ ko opaete tëta wasu ɨwɨ Judá pewa reta ipɨte wi, erëitu joko wi aruta pëti kuimbae opaete Israel pewa reta imburuwicharä. Iyɨpɨ wiwe jae ikoño mái.” Jukuärái jei Tumpa.

Zacarías 9:9

¡Piyerowiaete, tëta wasu Sion pewa reta! ¡Pesapɨkai yerowia rewe, tëta wasu Jerusalén pewa reta! Mase, pemburuwicha wasurä ou oï pepɨ; upurumɨamɨri jupi wae ko. Erëi uñemɨmichi rewe opo ou oï pëti mburika imembɨ taurusu wae re.

San Mateo 14:33

Jare Jesús jemimboe chalana pe ñonoï wae reta umbutuicha Jesús. “Añetete yepe nde ko jae Tumpa Taɨ,” jei reta chupe.

San Mateo 2:2

Jare jae reta upɨrandu joko pewa reta pe: “¿Kiape pa oï sambiaɨ judío reta imburuwicha wasurä ikota wae?” jei reta. “Ore nduikuaa oa ma ko, echa’ä nduecha pëti yasɨtata warasɨ oë wae kotɨ. Jare jokua yasɨtata uikuaaka oï orewe jesewa. Jáeramo ndoyu ndueka numbutuicha waerä,” jei reta.

San Mateo 21:5

“Pemɨmbeu Jerusalén pewa reta pe: ‘Mase, pemburuwicha wasurä ou oï pepɨ. Uñemɨmichi rewe opo ou oï pëti mburika imembɨ taurusu wae re,’ pemɨmbeu chupe reta.” Jukuärái jei.

San Mateo 23:7

“Jare jae reta uwata ñonoï mercado rupi yawe, jekuaeño uipota ïru wae reta umbɨsaluda waerä uipɨu chuwi rewe. Jare jekuaeño jae reta uipota ïru wae reta uipɨu rewe jei chupe reta waerä, ‘Chemboea.’

San Mateo 23:8

“Erëi pe reta, awɨye kía tei pewe, ‘Chemboea.’ Echa’ä cheño ko jae pemboea, jare opaete pe reta oyowake pëti tëtara ko,” jei chupe reta.

San Mateo 27:11

Jayawe sacerdote itenondewa reta jare judío itenondewa reta wɨraa Jesús mburuwicha romano Poncio Pilato jee wae jowai uyemboɨ waerä. Jare Pilato upɨrandu Jesús pe: “¿Nde pa ko jae judío reta imburuwicha wasu?” jei chupe. Jayawe Jesús jei chupe: “Nde ndere wae ko jae,” jei.

San Mateo 27:42

Jae reta jei: “Jae ndaye uepɨ ïru wae reta, erëi ipuere’ä uyerepɨ jae. Añetete jae ko yanemburuwicha wasurä yawe, yaecha tuweyɨ añawe kurusu wi. Jayawe ramo yarowiata jese kuri yande reta,” jei reta.

San Mateo 4:3

Jayawe Añawasu ou jei chupe: “Nde ko jae Tumpa Taɨ yawe, yaecha ere kua ita reta pe tuyeyapo ndewe mbɨyaperä,” jei chupe.

Marcos 15:32

Jae uñereni tëi Cristo yae chupe wae jare yanemburuwicha wasurä. Jukuärái yawe, yaecha tuweyɨ añawe kurusu wi yarowia waerä jese.” Jukuärái jei reta oyoyai rewe Jesús kotɨ. Jae nunga wi jokua mokui kuimbae uyekutu ñonoï kurusu re Jesús iyɨkeyɨke pe wae jei reta wi mbae kachi Jesús pe.

San Lucas 1:35

Jayawe araɨwa jei chupe: “Espíritu Santo outa nderé, jare Tumpa imbaepuere tuichaete wae rupi ndepuruata neï kuri. Jáeramo nemembɨ oa yawe, jeita chupe reta Tumpa Taɨ jupiete ye wae,” jei chupe.

San Lucas 19:38

Jare jei reta: “¡Kua ko jae yanemburuwicha wasurä Tumpa jee re ou oï wae! ¡Tumpa tuyapo ikawiete wae chupe! ¡Añawe Tumpa uyapo ma yandewe yaiko waerä yandepɨakatu rewe! ¡Tuyembutuichaka Tumpa jee ara pe!” Jukuärái jei reta usapɨkai pɨi rewe.

San Juan 1:18

Mbaetɨi kiawe uecha ma yandeRu Tumpa wae. Erëi Tumpa Taɨ jae waeño wae uikuaaka ma yandewe kërái ko jae wae. Taɨ ko Tumpa etei jare jekuaeño uñemɨïru oï Tu ndiwe.

San Juan 1:38

Jare Jesús uyerowa umae jare uecha reta yuweru ñonoï ikotɨ wae. “¿Mbae pa peka peï?” jei chupe reta. “Rabí,” jei reta chupe. (Kua uipota jei jae reta iñee pe, ‘oporomboe wae.’) “¿Kiape pa ndepɨta neï?” jei reta chupe.

San Juan 1:50

Jare Jesús jei chupe: “¿Jaeño ra nderowia cheré che aikuaa nde ndiko ɨwa íɨwɨ pe jae ndewe ramo? Cherechata mbaembae tuichaete ayapota aï wae,” jei chupe.

San Juan 18:37

Jayawe Pilato jei chupe: “Jayawe nde yepe jae pëti mburuwicha,” jei chupe. Jayawe Jesús jei chupe: “Nde ndere wae rami jae ko che. Jokuaerä ko aa chesɨ wi. Jare ayu ko kua ɨwɨ pe amɨmbeu waerä añetete wae. Jare opaete uipota yureko añetete wae rupi wae reta, jae reta ko uyapɨsaka chiñee re,” jei chupe.

San Juan 4:31

Jokua kuña oo rambuewe, Jesús jemimboe reta jei chupe: “Oporomboe wae, ko oï tembiu. Ekaru,” jei reta chupe.