San Juan 1:44 - Biblia

⁴⁴ Kua Felipe tëta wasu Betsaida pewa ko. Andrés jare Pedro jae nunga wi Betsaida pewa ko.

San Juan 1:44 Iomraidhean Croise

San Mateo 10:3

Felipe, Bartolomé, Tomás, Mateo (jae ko mburuwicha pewarä okowarase wae), Alfeo taɨ Jacobo jee wae, Tadeo,

San Mateo 11:21

“Jokua tëta wasu Corazín jare Betsaida pewa reta, ¡ikuasɨ parawete reta!” jei. “Jeta mbaembae ayapo tëi ipɨte rupi Tumpa imbaepuere pe. Jukuärái moná ayapo yawe tëta wasu Tiro jare Sidón pe, arakaete ma ko jokua tëta wasu pewa reta ueyata tëi ipɨayemɨngeta jupi mbae wae Tumpa rewa,” jei. “Jae reta omondeta tëi temimonde jaimbe wae mbɨatɨtɨ pewa jare oñonota tëi reta tanimbu iñäka re, jukuärái jae reta uechaka waerä ipɨatɨtɨ ko ñonoï jeko kachi re,” jei.

Marcos 3:18

Jae nunga wi Jesús uiparawo Andrés, Felipe, Bartolomé, Mateo, Tomás, Alfeo taɨ Jacobo jee wae, Tadeo, jare Simón (kua Simón jae ko ïru wae reta ueni wi Zelote pe).

Marcos 6:45

Jayawe jawoi pewaño Jesús jei jemimboe reta pe uyupi waerä chalana pe jare yuraa waerä tenonde ɨpa wasu jowaicho kotɨ tëta wasu Betsaida jee wae pe. Jare jae upɨtaño joko pe omondo ye waerä uyembatɨ wae reta.

Marcos 8:22

Jayawe Jesús jare jemimboe reta yuraa uwäe tëta wasu Betsaida pe. Jare joko pe amokue wae ueru Jesús pe pëti kuimbae jesa mbae wae. Jare jae reta uyerure Jesús pe oñono waerä ipo jese umɨnguera waerä.

San Lucas 10:13

“Jokua tëta wasu Corazín jare Betsaida pewa reta, ¡ikuasɨta ñonoï reta!” jei. “Jeta mbaembae ayapo tëi ipɨte rupi Tumpa imbaepuere pe. Jukuärái moná ayapo yawe tëta wasu Tiro jare Sidón pe, arakaete ma ko jokua tëta wasu pewa reta ueyata tëi ipɨayemɨngeta jupi mbae wae Tumpa rewa,” jei. “Jae reta omondeta tëi temimonde jaimbe wae mbɨatɨtɨ pewa jare oñonota tëi reta tanimbu iñäka re, jukuärái jae reta uechaka waerä ipɨatɨtɨ ko ñonoï jeko kachi re,” jei.

San Lucas 6:14

Kuärái ko jae reta jee: Simón (kua kuimbae Jesús umbɨjee Pedro), jare Simón tɨwɨ Andrés jee wae, jare Jacobo, Juan, Felipe, Bartolomé,

San Lucas 9:10

Jare Jesús jemimboe tenondewaete reta uñatima ye oporomboe reta wae wi Jesús oï wae pe. Jare imiäri reta chupe opaete jae reta uyapo wae re. Jayawe Jesús wɨraa reta kïi ngatu wae pe koiño tëta wasu Betsaida wi.

San Juan 1:43

Pɨarewe pe Jesús uipota oo ɨwɨ Galilea kotɨ. Jare uwata iko rambuewe, oñowäiti pëti kuimbae Felipe jee wae ndiwe jare jei chupe: “Eyu che ndiwe ndiko waerä cheremimboerä,” jei chupe.

San Juan 1:45

Jayawe Felipe oo ueka kuimbae Natanael jee wae – jae ko Felipe ïru. Jare uwäe chupe yawe, Felipe jei Natanael pe: “Nde ndikuaa Moisés jare ïru Tumpa iñee arakae umɨmbeu wae reta uikuatía wae, kërái outa oï Upuruepɨ wae. Añawe ore nduikuaa ma jae. Jae yepe José taɨ Jesús jee wae tëta wasu Nazaret pewa,” jei chupe.

San Juan 1:46

Jayawe Natanael jei chupe: “¿Ipuere yerá mbae ikawi wae uyekuaa Nazaret wi?” jei chupe. “Ya emae jese,” jei Felipe. Jayawe yuraa uwäe reta Jesús oï wae pe.

San Juan 1:48

Jare Natanael jei chupe: “¿Kërái pa nde chekuaa?” jei chupe. Jayawe Jesús jei chupe: “Ndei Felipe nereni mbowe, che aikuaa ɨwa íɨwɨ pe nde ndewapɨ ndiko wae,” jei chupe.

San Juan 12:21

Jare jeräkua chupe reta Jesús; jáeramo jae reta uipota uikuaa. Jayawe yuraa owäiti reta Jesús jemimboe Felipe jee wae – jae ko tëta wasu Betsaida pewa. Kua Betsaida ɨwɨ Galilea pe oï. Jare jei reta chupe: “Keɨ, ore nduipota nduikuaa Jesús,” jei reta chupe.

San Juan 12:22

Jayawe Felipe oo umɨmbeu Andrés pe, jare mokui rewe yuraa umɨmbeu yuapɨ ye reta Jesús pe.

San Juan 6:5

Jare Jesús uecha jeta wae reta yuweru ñonoï ikotɨ. Jayawe upɨrandu jemimboe Felipe pe: “¿Kiawi pa yawata tembiu yamɨngaru waerä kua jeta wae reta?” jei chupe.

San Juan 6:7

Jayawe Felipe jei chupe: “Kua jepɨete oïta yandewe. Mokui chiëto ara mbarawɨkɨ jepɨ pewa awe ndarau uepitɨ chupe reta jou waerä michi yepe,” jei chupe.

Hechos 1:13

Jayawe yuweru uwäe reta yawe, uike reta pëti tëta pe jare uyupi reta tëta joo ɨwate oï wae pe jae reta yureko wae pe. Jae reta ko Pedro, Jacobo, Juan, Andrés, Felipe, Tomás, Bartolomé, Mateo, Alfeo taɨ Jacobo jee wae, Simón Zelote, jare Jacobo tɨwɨ Judas jee wae.