San Juan 1:32 - Biblia

^32-34 Jayawe Juan jei wi chupe reta: “Che awe aikuaa’ä aiko kía ko jae wae. Erëi jokua chembou apurumbɨsakambu waerä ɨ pe wae jei chewe: ‘Ndechata Espíritu Santo uweyɨ ou upɨta pëti kuimbae re. Jokua kuimbae ko jae oñonota jese wɨrowia wae reta iko waerä pëti ramiño jae ndiwe etei Espíritu Santo rupi,’ jei chewe. Añawe che aecha ma Espíritu Santo uweyɨ ou ara wi pëti pɨkasu rami jare upɨta kua kuimbae re,” jei. “Jáeramo añawe che amɨmbeu aï pewe kua kuimbae ko jae Tumpa Taɨ,” jei chupe reta. Jukuärái Juan uikuaaka Israel pewa reta pe Jesús.

Guaraní Pe (Western): Simba

³² Juan umɨmbeu vi chupe reta: —Aecha Espíritu Santo ugüeyɨ ara güi pɨcasu rami jare ou upɨta jese —jei—.

San Juan 1:32 Iomraidhean Croise

Isaías 11:2

Tumpa iEspíritu jekuaeño oïta jae ndiwe jare umeeta chupe arakuaa. Jukuärái jae ipuereta upurumbɨarakuaa kawi mbaepuere rewe. Jokua kuimbae uñemɨïru kawita Tumpa ndiwe uipɨu rewe.

San Mateo 3:16

Jare uyembɨsakambuka ma yawe, Jesús oë ɨ wi. Jare jupiwoiño ara uyepea, jare jae uecha Espíritu Santo uweyɨ ou ara wi uwapɨ jese pëti pɨkasu rami.

Marcos 1:10

Jare Jesús oë ye ɨ wi yawe, jupiwoi uecha ara uyepea oï. Jare uecha wi Espíritu Santo uweyɨ ou ara wi uwapɨ jese pëti pɨkasu rami.

San Lucas 3:22

Jare Espíritu Santo uweyɨ ou ara wi Jesús re pëti pɨkasu rami. Jare uyendu ñee ara wi jei kuärái: “Nde ko jae cheRaɨ nduauete wae. Nde chembɨyerowiaete neï,” jei.

San Juan 1:31

“Tenonde yawe che awe aikuaa’ä aiko kía ko jae wae. Erëi ayu apurumbɨsakambu ɨ pe aikuaaka waerä ñanerëtara Israel pewa reta pe,” jei chupe reta.

San Juan 5:32

Erëi ime ïru wae umɨmbeu oï wi che rewa. Jae ko Juan. Jare che aikuaa jokua jae umɨmbeu pewe wae añetete ko,” jei chupe reta.