San Juan 1:31 - Biblia

³¹ “Tenonde yawe che awe aikuaa’ä aiko kía ko jae wae. Erëi ayu apurumbɨsakambu ɨ pe aikuaaka waerä ñanerëtara Israel pewa reta pe,” jei chupe reta.

Guaraní Pe (Western): Simba

³¹ Che aicuaa'ã. Ẽrei ayu apurumbɨbautiza ɨ pe jae uyecuaa vaerã Israel pegua reta pe —jei chupe reta.

San Juan 1:31 Iomraidhean Croise

San Mateo 3:13

Kua jaɨkue rupi Jesús oë oo ɨwɨ Galilea wi ɨ wasu Jordán kotɨ uyembɨsakambuka waerä Juan pe.

San Mateo 3:6

Jare opaete wae jowake uyembeu reta uñemɨmichi rewe kërái Tumpa kotɨ uyawɨ reta wae. Jare uyembeu reta ma yawe, Juan umbɨsakambu reta ɨ wasu Jordán pe.

San Lucas 1:17

Jae ikota Tumpa iñee arakae umɨmbeu wae Elías rami, jare onoita mbaepuere Elías wɨreko wae rami,” jei. “Jare jae oota oï tenonde uyapɨkatu waerä yandeYa iwäe ara pewarä. Echa’ä jae iñee rupi tu reta uyeapɨkatuta isambiaɨ reta ndiwe. Jare jukuärái wi kía kía tenonde yawe Tumpa jei wae uipota’ä uyandu wae reta uyapɨsakata oï reta jese. Jayawe iyarakuaa katuta ñonoï jare uyapota reta jupi wae,” jei. “Jukuärái nderaɨ uyapota oï Israel pewa reta uyeyapɨkatu waerä yandeYa iwäe ara pewarä,” jei araɨwa Zacarías pe.

San Juan 1:30

“Che jae ma pewe cheraɨkue rupi outa oï kuri chetenondewa. Jae imbaepuerete chewi, echa’ä chewi jae ikoño mái iko. Jukuärái che jae pewe, jare kua kuimbae ko jae,” jei Juan chupe reta.

San Juan 1:32

Jayawe Juan jei wi chupe reta: “Che awe aikuaa’ä aiko kía ko jae wae. Erëi jokua chembou apurumbɨsakambu waerä ɨ pe wae jei chewe: ‘Ndechata Espíritu Santo uweyɨ ou upɨta pëti kuimbae re. Jokua kuimbae ko jae oñonota jese wɨrowia wae reta iko waerä pëti ramiño jae ndiwe etei Espíritu Santo rupi,’ jei chewe. Añawe che aecha ma Espíritu Santo uweyɨ ou ara wi pëti pɨkasu rami jare upɨta kua kuimbae re,” jei. “Jáeramo añawe che amɨmbeu aï pewe kua kuimbae ko jae Tumpa Taɨ,” jei chupe reta. Jukuärái Juan uikuaaka Israel pewa reta pe Jesús.

Hechos 19:4

Jayawe Pablo jei chupe reta: “Juan omboe opaete wae reta uyembɨsakambuka waerä ɨ pe jae reta uechaka waerä ueya ma ko ipɨayemɨngeta jupi mbae wae Tumpa rewa. Jare jae jei wi chupe reta wɨrowia waerä outa iko jaɨkue rupi wae re. Jae ko Jesús. Jae ko Cristo yae chupe wae,” jei chupe reta.