San Juan 1:3 - Biblia

³ Jare jae rupi uyekuaa opaete mbaembae reta ime oï wae. Mbaetɨ mbae awe jae uyapo mbae wae.

Guaraní Pe (Western): Simba

³ Jae uyapo opaete. Opaete uyeyapo vae jae etei uyapo.

San Juan 1:3 Iomraidhean Croise

Génesis 1:1

Iyɨpɨ wiwe Tumpa uyapo ara jare ɨwɨ.

Génesis 1:26

Joko wi Tumpa jei: “Yayapo kuimbae yande echa rami. Jae tonoi mbaepuere pira reta re, jare wɨra reta re, jare opaete mbaemɨmba reta re, jare opaete ɨwɨ rupi uyewichɨ wae reta re,” jei.

Salmo 102:25

CheTumpa, nde ko jae iyɨpɨ wiwe ndiyapo ɨwɨ wae. Jare opaete mbaembae ara re oï wae, nde nderembiapo ko.

Salmo 33:6

Tumpa iñee rupi uyapo ara. Iñee rupiño ko uyapo warasɨ, yasɨ, jare yasɨtata reta.

San Juan 1:10

Jayawe jae ko jee Ñee wae ou kua ɨwɨ pe. Erëi yepe tëi jae etei uyapo kua ɨwɨ, jesewe kua ɨwɨ pewa reta uikuaa’ä kía ko jae wae.

San Juan 1:2

Jukuärái iyɨpɨ wiwe Ñee ikoño mái Tumpa ndiwe.

1 Corintios 8:6

Erëi yanemaerä ime pëtiño Tumpa añetete wae. Jae ko yandeRu Tumpa ara pe oï wae. Jae ko uyapo opaete mbaembae, jare yande reta yaiko yambutuicha waerä jae jee. Jare ime wi oï pëtiño yandeYa. Jae ko yandeYa Jesucristo. Jae rupi ko opaete mbaembae uyekuaa. Jare jae rupi ko wi yande reta ime ñanoi tekowe ipɨau wae.

Efesios 3:9

Jare umee wi chewe amɨesäka kawi waerä opaete wae pe kërái jae uyapo oï ipɨayemɨngeta wae. Echa’ä Tumpa opaete mbaembae uyapo wiwe uikuaaka’ä ipɨayemɨngeta kía pe awe. Erëi añawe jae uikuaaka ma yandewe.

Hebreos 11:3

Yande yarowia Tumpa jei wae re ramo, yaikuaa Tumpa uyapo iñee rupiño ɨwɨ jare opaete ara re ñonoï wae. Jare jukuärái opaete mbaembae yaecha wae Tumpa uyapo mbae awe wi.

1 Juan 5:1

Opaete kía reta wɨrowia Jesús ko jae Cristo Upuruepɨ wae, jokua reta Tumpa uyapo taɨ retarä yureko waerä. Jare yande yaikuaa kawi ñaï yaau yawe pëti kuimbae sambiaɨ reta onoi wae, yaau wi ko taɨ reta.

Apocalipsis 3:14

Jare yandeYa jei wi chewe: “Ime pëti araɨwa uyandareko oï opaete cheré wɨrowia wae reta re tëta wasu Laodicea pe. Ikuatía chupe kua chiñee kuärái: ‘Che ko jae Amén jee wae. Jukuärái ko cheree, echa’ä pepuere perowia katu cheré amɨmbeu waerä jupi waeño. Che rupi ko uyekuaa arakaete Tumpa jembiapo reta opaetei.

Apocalipsis 4:11

“OreTumpa ndikoño mái wae, jupi ko nde nenoi waerä opaete mbaepuere. Jare jupi ko wi opaete wae uipɨu waerä ndewi, jare umbutuicha reta waerä nderee. Echa’ä nde ndiyapo opaetei mbaembae, jare nde ndipota wae rupi opaete mbaembae uyekuaa.” Jukuärái jei reta.