San Juan 1:28 - Biblia

²⁸ Opaete kua mbaembae uyeyapo kiape Juan upurumbɨsakambu iko tëta wasu raɨ Betábara jee wae wi koiño. Jokua tëta wasu raɨ oï ɨ wasu Jordán jee wae jowaicho pe.

Guaraní Pe (Western): Simba

²⁸ Opaete cua uyeyapo Betábara pe ɨãca Jordán jee vae jovaicho pe. Echa'ã joco pe upurumbɨbautiza Juan.

San Juan 1:28 Iomraidhean Croise

San Juan 1:43

Pɨarewe pe Jesús uipota oo ɨwɨ Galilea kotɨ. Jare uwata iko rambuewe, oñowäiti pëti kuimbae Felipe jee wae ndiwe jare jei chupe: “Eyu che ndiwe ndiko waerä cheremimboerä,” jei chupe.

San Juan 10:40

Jare Jesús oo ye ɨ wasu Jordán jowaicho pe kiape tenonde yawe Juan upurumbɨsakambu iko wae pe. Jare Jesús upɨta joko pe.

San Juan 12:5

“¿Maera pa kua kuña umee’ä orewe kua mbae utimbo kawi wae ore ndowaka waerä? Jukuärái ime waerä nonoi korepoti nomborɨ waerä iparawete wae reta. Echa’ä jepɨ ko mbapɨ chiëto ara mbarawɨkɨ jepɨ pewa.”

San Juan 3:23

Jae nunga wi ikotɨ̈a rupi Juan upurumbɨsakambu iko wi ɨwɨ Enón jee wae pe, echa’ä jokoropi tuicha ɨ usɨrɨ oï. Joko wi koiño oï tëta wasu raɨ Salim jee wae. Jare jekuaekuae yuweru Juan oï wae pe jokua ɨwɨ pewa reta uyembɨsakambuka reta waerä ɨ pe.

San Juan 3:26

Jayawe yuraa reta Juan oï wae pe jare jei reta chupe: “Oporomboe wae, nde ndiko yawe ɨ wasu Jordán jowaicho pe, ime iko wi nde ndiwe pëti kuimbae. Nde nemɨmbeu kawi orewe jae ko Tumpa Taɨ wae. Añawe jae upurumbɨsakambu oï wi ɨ pe, jare opaete wae yuraa ñonoï jae oï wae pe,” jei reta chupe.