San Juan 1:18 - Biblia

¹⁸ Mbaetɨi kiawe uecha ma yandeRu Tumpa wae. Erëi Tumpa Taɨ jae waeño wae uikuaaka ma yandewe kërái ko jae wae. Taɨ ko Tumpa etei jare jekuaeño uñemɨïru oï Tu ndiwe.

Guaraní Pe (Western): Simba

¹⁸ Mbaetɨ etei quía uecha Tumpa. Ẽrei Tumpa Taɨ jae vaeño uicuaaca yandeve. Tumpa uau Taɨ.

San Juan 1:18 Iomraidhean Croise

Génesis 16:13

Jare Tumpa opa uyemɨngeta Agar ndiwe yawe, Agar uyemɨngeta ipɨa pe: “Yepe tëi aecha ma Tumpa cherecha wae, jesewe imeño aiko tekowe pe,” jei. Jáeramo Agar umbɨjee jae ndiwe uyemɨngeta wae: “Nde ko jae Tumpa cherecha wae.”

Génesis 18:33

Jayawe Tumpa opa uyemɨngeta Abraham ndiwe yawe, oo ye. Jare Abraham oo ye jëta wakapi pewa pe.

San Mateo 11:27

Jayawe Jesús jei wi joko pe ñonoï wae reta pe: “CheRu umee ma chewe mbaepuere opaete mbaembae re. Jaeño chekuaa kawi. Mbaetɨ ye kiawe chekuaa kawiete. Jae ramiño wi mbaetɨ kiawe uikuaa kawiete cheRu. Cheño aikuaa kawi. Jare jokua che aikuaaka chupe wae reta uikuaa wi,” jei chupe reta.

San Lucas 10:22

Jayawe Jesús jei wi joko pe ñonoï wae reta pe: “CheRu umee ma chewe mbaepuere opaete mbaembae re. Jaeño chekuaa kawi. Mbaetɨ ye kiawe chekuaa kawiete. Jae ramiño wi mbaetɨ kiawe uikuaa kawiete cheRu. Cheño aikuaa kawi. Jare jokua che aikuaaka chupe wae reta uikuaa wi,” jei chupe reta.

San Juan 1:14

Jayawe jae ko jee Ñee wae ou kua ɨwɨ pe iko waerä yandepɨte pe. Jae uyeyapo kuimbaerä. Jare ore nduikuaa kía ko jae wae, echa’ä ore nduecha jae imbaepuere jupiete ye wae – jae ko Tumpa Taɨ jae waeño wae etei imbaepuere. Jare ore nduecha wi jae ipɨakawiete yandekotɨ, jare opaete mbae jae jei wae añetete ko.

San Juan 12:41

Isaías uikuatía arakae kua mbaembae reta, echa’ä tenonde yawe jae uecha Jesús imbaepuere jupiete ye wae kërái onoita iko wae. Jare jukuärái Isaías uikuatía mbae uasata chupe reta wɨrɨ̈ro reta yawe Jesús.

San Juan 13:23

Pëti wae Jesús jemimboe – jae ko uauete wae – ukaru iko iyɨpɨ pe.

San Juan 14:9

Jare Jesús jei chupe: “Che ɨma ma aï pe reta ndiwe. ¿Këraita pa nde chekuaa’ä, Felipe?” jei chupe. “Kía cherecha wae, uecha ma ko cheRu. ¿Këraita pa nde ndere neï chewe, ‘Echaka mii orewe ndeRu’?” jei chupe.

San Juan 17:26

“Che aikuaaka ma chupe reta nde rewa, jare jekuaeño che ayapota jukuärái jae reta cherau waerä kërái nde cherau rami. Jare jukuärái che etei aïta jae reta ndiwe. Jukuärái ko ayerure ndewe,” jei Jesús.

San Juan 17:6

“Kua cheremimboe mii reta, nde nemee ma chewe ɨwɨ pewa reta ipɨte wi. Jae reta nembae ko, jare nde nemee chewe reta wi,” jei. “Añawe che amɨmbeu kawi ma chupe reta nde rewa, jare jae reta uyapo ma nde ndere wae.

San Juan 3:11

“Che tae ndewe añetete wae, kua mbaembae ore numɨmbeu pewe wae, jae ko mbaembae ore nduikuaa wae jare nduecha oreresa pe etei wae. Erëi pe fariseo piko wae reta orererowia’ä etei kua ore nduikuaaka pewe wae re,” jei chupe.

San Juan 6:46

“Kiawe uecha’ä etei cheRu. Jaeño che aecha, echa’ä chuwi ko ayu.

2 Corintios 4:4

Jae reta wɨrowia’ä, echa’ä pɨ̈tumimbi pe yureko reta rami. Echa’ä kua ɨwɨ iya – jae ko Añawasu – umɨpɨ̈tumimbi ma iyarakuaa awɨye waerä jae reta uikuaa kawi ñee ikawi wae Cristo rewa. Jokua jeko pewa jae reta uikuaa’ä kërái Cristo ikawiete ye ko jare jae ko Tumpa etei wae.

Colosenses 1:15

Mbaetɨ etei kía uecha yandeRu Tumpa. Erëi Taɨ rupi ko yaecha Tumpa uyekuaa mbae wae. Jare Taɨ ko jae opaete mbaembae ime oï wae iYa.

1 Timoteo 1:17

Jáeramo, ¡yambutuicha Tumpa jee! Jae ko opaete wae imburuwicha wasurä jaeño mái pewa, jare yaecha mbae wae ko, jare ndaraúi umano wae. Jaeño ko jae Tumpa. Jare jae jee tuyembutuichaka jaeño mái pewa. Jukuärái tuiko.

1 Timoteo 6:16

Jaeño ikoño mái imbaepuere tuichaete rupi. Jare imbaepuere jupi wae jembipe tuicha uwerasɨ wae rami. Jáeramo mbaetɨ etei kiawe ipuere oya jese. Mbaetɨ etei wi kiawe ɨwɨ pewa reta ipuere uecha. Jayawe, ¡yambutuicha Tumpa jee jaeño mái pewa! Jukuärái tuiko.

1 Juan 4:12

Mbaetɨi kiawe uecha Tumpa. Erëitu yayerau päwe ñaï yawe, ñañemɨïru kawi ko ñaï Tumpa ndiwe jare yaau ko ñaï Tumpa kërái jae jukuäraiño mái uipota wae rupi.

1 Juan 4:20

Erëi ime yawe kía jei, “Che au Tumpa,” erëi uñamɨtäa yawe ïru hermano, jayawe iyapu ko oï. Echa’ä yaau’ä yawe ïru hermano yaecha ñanoi wae, jayawe ¿këraita pa yandepuere yaau Tumpa yaecha’ä ñaï wae? Ndarau yandepuere.

1 Juan 4:9

Jare Tumpa uechaka yandewe yanderau ko kuärái: Jae ombou Taɨ jae waeño wae kua ɨwɨ pe yande yandepuere waerä ñanoi tekowe opa mbae wae Taɨ uyapo yandewe wae rupi.

1 Juan 5:20

Jare yaikuaa wi Tumpa Taɨ ou ma ko kua ɨwɨ pe jare umee ma yandewe arakuaa yaikuaa waerä Tumpa añetete wae. Jare añawe yande ñaï ma ko pëti ramiño Tumpa añetete wae re, echa’ä ñaï ma pëti ramiño Taɨ Jesucristo re ramo. Jae ko Tumpa añetete wae jare tekowe opa mbae wae iYa.