San Juan 1:17 - Biblia

¹⁷ Tenonde yawe Tumpa uikuaaka yandewe Moisés rupi kërái yaiko waerä. Erëi añawe Jesucristo rupi yaikuaa añetete wae jare kërái Tumpa ipɨakawiete yandewe wae.

Guaraní Pe (Western): Simba

¹⁷ Tumpa umɨmbeu mboroyocui Moisés rupi. Ẽrei Jesucristo rupi Tumpa umɨmbeu ipɨacavi co jare yanemboe añete vae re.

San Juan 1:17 Iomraidhean Croise

Génesis 22:18

“Niñemoñaa rupi opaete ɨwɨ pewa reta uyekouta, echa’ä nde ndiyapo che jae wae rupi ramo,” jei Tumpa Abraham pe.

Génesis 3:15

Jare ayapota nde jare kuña piyembowaicho waerä, jare jae iñemoñaa jare nde niñemoñaa wi. Jokua kuña iñemoñaa uyapasota näka, jare nde nembɨpereta ipɨtäsa pe,” jei Tumpa mboi pe.

San Juan 1:14

Jayawe jae ko jee Ñee wae ou kua ɨwɨ pe iko waerä yandepɨte pe. Jae uyeyapo kuimbaerä. Jare ore nduikuaa kía ko jae wae, echa’ä ore nduecha jae imbaepuere jupiete ye wae – jae ko Tumpa Taɨ jae waeño wae etei imbaepuere. Jare ore nduecha wi jae ipɨakawiete yandekotɨ, jare opaete mbae jae jei wae añetete ko.

San Juan 14:6

Jare Jesús jei chupe: “Che ko jae tape Tumpa kotɨ oo wae. Che ko jae añetete ayemɨngeta Tumpa rewa wae. Cheño ko jae tekowe opa mbae wae amee wae. Jare kiawe ipuere’ä oya cheRu re – jaeño che rupi,” jei chupe.

San Juan 18:37

Jayawe Pilato jei chupe: “Jayawe nde yepe jae pëti mburuwicha,” jei chupe. Jayawe Jesús jei chupe: “Nde ndere wae rami jae ko che. Jokuaerä ko aa chesɨ wi. Jare ayu ko kua ɨwɨ pe amɨmbeu waerä añetete wae. Jare opaete uipota yureko añetete wae rupi wae reta, jae reta ko uyapɨsaka chiñee re,” jei chupe.

San Juan 5:45

“Añetete pe reta ime penoi teko cheRu jowai, erëi che ndarau pumbɨjeko waerä. Moisés etei ko pembɨjekota oï,” jei. “Pe reta pere tëi: ‘Ore nduyapo kawi Moisés uikuatía wae rupi. Jáeramo ikawita oï orewe,’ pere tëi.

San Juan 7:19

“Jare pe reta, yepe tëi Moisés uikuaaka pewe Tumpa jei wae, erëi pëti awe pe reta piyapo’ä jae jei wae rupi. Jayawe ¿maera pa pipota cheyuka peï?” jei chupe reta.

San Juan 8:32

Jare jukuärái pikuaata añetete wae, jare jokua pembopoikata oï,” jei chupe reta.

San Juan 9:29

Ore nduikuaa Tumpa ko ombou Moisés, echa’ä uyemɨngeta jae ndiwe. Erëi jokua Jesús, ore nduikuaa’ä etei kía ra ombou wae,” jei reta kuimbae pe.

Hechos 28:23

Jayawe jae reta upɨta pëti ara yuweru uyapɨsaka reta waerä Pablo oporomboe wae re. Jare jokua ara uwäe yawe, yuweru ye jokua judío itenondewa reta jeta ïru wae reta ndiwe. Jayawe opaete uyembatɨ reta Pablo oï wae pe. Jare jokua ndimbowe wiwe kaaruete rewa Pablo oporomboe. Jae umɨmbeu chupe reta kërái yandeRu Tumpa ombou Jesús iko waerä judío reta imburuwicha wasurä jaeño mái pewa. Jae uikuaaka wi chupe reta Jesús rewa Moisés uikuatía wae rupi jare ïru kuimbae Tumpa iñee arakae umɨmbeu wae reta uikuatía wae rupi. Jukuärái oporomboe Pablo, echa’ä jae uipotaete jae reta wi wɨrowia waerä Jesús re ramo.

Hechos 7:38

Jare Moisés iko wi yanderamɨkue reta ndiwe ɨwɨtini wasu rupi yureko yawe. Jare ɨwɨtu wasu Sinaí pe umbatɨka reta. Joko pe araɨwa umɨngeta Moisés, jare umee chupe Tumpa iñee tekowe pewa jae umɨmbeu yuapɨ ye waerä yandewe,” jei Esteban chupe reta.

Romanos 6:14

Añawe pe reta ko peï Tumpa ipɨakawi rupi. Mbaetɨ ma ko peï Moisés arakae uikuatía wae rupi. Jáeramo ndarau ye ma tuyembɨiya peré jokua kɨrëɨ mbae kachi piyapo waerä wae. Ndarau ye ma teko kachi tuiko pepatrón rami.

2 Corintios 1:20

Añetete, opaete Tumpa jei uyapota wae uyeyapo oï Cristo rupi. Jáeramo yandepuere yae, “Jukuärái tuiko,” Tumpa jee uyembutuichaka waerä.

Gálatas 3:17

Jáeramo che aipota jae wae ko kua: Tumpa tenonde uyapo pëti yemɨngeta Abraham ndiwe uyapo waerä chupe mbaembae ikawi wae. Joko wi, 430 año ma uasa yawe ramo Moisés uikuaaka oreramɨkue reta pe opaete mbaembae Tumpa jei chupe reta wae. Erëi jokua Moisés uikuatía wae mbaetɨ etei umbái jokua yemɨngeta Tumpa tenonde uyapo Abraham ndiwe wae.

Hebreos 9:22

Echa’ä Tumpa arakae jei wae rupi opaete seri uyeyoe oï Tumpa kotɨ tuwɨ pe. Jare mbaetɨ tuwɨ uyepɨyere yawe, Tumpa ndarau etei umbái mbaembae yayawɨ ikotɨ wae.