San Juan 1:14 - Biblia

¹⁴ Jayawe jae ko jee Ñee wae ou kua ɨwɨ pe iko waerä yandepɨte pe. Jae uyeyapo kuimbaerä. Jare ore nduikuaa kía ko jae wae, echa’ä ore nduecha jae imbaepuere jupiete ye wae – jae ko Tumpa Taɨ jae waeño wae etei imbaepuere. Jare ore nduecha wi jae ipɨakawiete yandekotɨ, jare opaete mbae jae jei wae añetete ko.

Guaraní Pe (Western): Simba

¹⁴ Jocua Ñee uyeyapo cuimbaerã. Ou cua ɨvɨ pe ico vaerã yande ndive. Jare ore nduecha yembutuicha ara pegua co jae. Jaeño Tumpa Taɨ jae vaeño cua yembutuicha güɨnoi vae. Jae ipɨacavi ete jare opaete jei vae añete co.

San Juan 1:14 Iomraidhean Croise

Isaías 53:2

Echa’ä Tumpa ipɨayemɨngeta ko uecha waerä chupe uyeyokui wae ukuakuaa oï pëti ɨwɨra jäka jeñɨ oï japo wi ɨwɨ utini oï wae pe rami. Jae mbaetɨ onoi mburuwicha imbaepuere. Jae mbaetɨ ko kuimbae maepöraete wae. Yayemboya rape’ä jese, echa’ä jae mbaetɨ uyekuaa kawi yandewe ramo.

Isaías 7:14

Tumpa etei uechakata ndewe kua mbae: Mase, kuñatái oroke’ä etei kuimbae wae ipuruata oï jare imembɨta oï pëti kuimbae. Jare jeita chupe reta Emanuel.

San Mateo 1:16

Jare Jacob taɨ ko jae José. Kua José ko jae María ime. Jare María imembɨ ko jae Jesús. Jae ko Cristo yae chupe wae – jokua Upuruepɨ wae Tumpa ombou wae.

San Lucas 2:11

Echa’ä kua pɨ̈tu etei oa ma Upuruepɨ wae David jëta wasu pe. Jae ko yandeYa etei jare Cristo pere chupe wae,” jei.

San Lucas 2:7

Erëi mbaetɨ chupe reta o ipotawe tëta pe. Jáeramo María imembɨrɨpɨ kuimbae mii oa pëti o mbaemɨmba reta jokai japɨpe oï wae pe. Jare María oñoma imembɨ mii ñomaka reta pe jare umbɨyapakua mbaemɨmba reta ikaruarɨru pe.

San Lucas 9:32

Erëi topeɨ umɨamɨri Pedro jare ïru reta wi. Jare aramoiño jae reta usareko jare uecha Jesús imbaepuere jembipete wae oï jese. Jare uecha reta wi jokua mokui kuimbae Jesús ndiwe ñonoï wae reta.

San Juan 1:1

Iyɨpɨ wiwe ime pëti wae Ñee jee wae. Jae iko Tumpa ndiwe jare jae ko Tumpa etei.

San Juan 11:40

Jayawe Jesús jei chupe: “¿Jae’ä yerá ndewe nderowia cheré yawe, ndechata Tumpa imbaepuere jupiete ye wae?” jei chupe.

San Juan 14:6

Jare Jesús jei chupe: “Che ko jae tape Tumpa kotɨ oo wae. Che ko jae añetete ayemɨngeta Tumpa rewa wae. Cheño ko jae tekowe opa mbae wae amee wae. Jare kiawe ipuere’ä oya cheRu re – jaeño che rupi,” jei chupe.

San Juan 14:9

Jare Jesús jei chupe: “Che ɨma ma aï pe reta ndiwe. ¿Këraita pa nde chekuaa’ä, Felipe?” jei chupe. “Kía cherecha wae, uecha ma ko cheRu. ¿Këraita pa nde ndere neï chewe, ‘Echaka mii orewe ndeRu’?” jei chupe.

San Juan 17:22

“Nde nemee ma ko chewe nembaepuere jupiete wae. Jare jokua mbaepuere che amee ma chupe reta wi, jae reta ipuere waerä yureko pëti ramiño kërái yande pëti ramiño ñaï rami,” jei.

San Juan 17:24

“CheRu mii, ndei ɨwɨ uyeyapo mbowe, nde cherauño mái jare nemee chewe mbaepuere jupiete ye wae. Jare che aipota jokua kía nunga nde nemee chewe wae reta yureko waerä che ndiwe kiape che aikota wae pe. Echa’ä che aipota jae reta uecha waerä chembaepuere jupiete ye wae,” jei.

San Juan 18:37

Jayawe Pilato jei chupe: “Jayawe nde yepe jae pëti mburuwicha,” jei chupe. Jayawe Jesús jei chupe: “Nde ndere wae rami jae ko che. Jokuaerä ko aa chesɨ wi. Jare ayu ko kua ɨwɨ pe amɨmbeu waerä añetete wae. Jare opaete uipota yureko añetete wae rupi wae reta, jae reta ko uyapɨsaka chiñee re,” jei chupe.

San Juan 2:11

Jesús kua uyapo ɨwɨ Galilea pe tëta wasu raɨ Caná pe. Jare jokua ko jae jaeramo etei Jesús mbae uyapo kiawe ipuere’ä uyapo wae. Jukuärái umbɨpɨ uechaka jae imbaepuere tuicha wae. Jare jokua jae uyapo wae jeko pewa jemimboe reta wɨrowia jese.

San Juan 3:16

Tumpa uauete ɨwɨ pewa reta. Jáeramo umee Taɨ jae waeño wae, ipotawe kía wɨrowia jese wae onoi waerä tekowe opa mbae wae. Ndarau etei oo Tatawasurenda pe.

San Juan 3:18

Jare opaete Tumpa Taɨ re wɨrowia wae reta, Tumpa mbaetɨ ma umbɨjeko reta. Erëi opaete Taɨ re wɨrowia’ä wae reta, Tumpa umbɨjeko ma reta, echa’ä jae reta wɨrɨ̈ro Tumpa Taɨ jae waeño wae.

San Juan 6:51

“Jare che etei ko jae jokua mbɨyape ara wi ayu wae tekowe opa mbae wae amee wae. Jare ipotawe kía kua mbɨyape jou wae onoita tekowe opa mbae wae,” jei umbɨjaanga rewe. “Cherete etei ko jae jokua mbɨyape. Jare che ameeta aï cherete opaete ɨwɨ pewa reta re opaete onoi waerä tëi tekowe ipɨau wae,” jei Jesús chupe reta.

San Juan 8:32

Jare jukuärái pikuaata añetete wae, jare jokua pembopoikata oï,” jei chupe reta.

Hechos 13:33

añawe uyapo ma yandewe. Jukuärái uyapo jae umbɨjekowe ye yawe ueru Jesús umanokue wae reta ipɨte wi,” jei. “Tumpa iñeerɨru pe uikuaaka yandewe jokua rewa, echa’ä uyekuatía oï salmo mokui wae pe kërái Tumpa jei kuärái: ‘Nde ko jae cheRaɨ. Kua ara etei aikuaaka aï opaete wae pe che ko jae ndeRu.’ Jukuärái uyekuatía oï,” jei.

Romanos 8:3

Opaete Tumpa jei Moisés pe uikuatía waerä wae ipuere’ä yanderepɨ Tumpa iarasɨ wi, echa’ä ñanepɨräta’ä ñaï yaiko waerä jupi opaete Tumpa jei wae rupi. Jáeramo Tumpa uyapo mbae ikawi wae yanderepɨ waerä. Jae ombou Taɨ kua ɨwɨ pe umano waerä mbaembae yayawɨ Tumpa kotɨ wae re. Taɨ uyeyapo kuimbaerä jare uyekuaa yandewe ipotawe kuimbae uyawɨ Tumpa kotɨ wae rami, erëi jae uyawɨ'ä etei Tumpa kotɨ. Erëitu Tumpa uiporaraka chupe jete pe yande mbaembae yayawɨ wae re, jare jukuärái ndarau ma ñanoi teko Tumpa jowai.

Romanos 9:5

Jae nunga wi judío tamɨkue reta Tumpa uiparawo wae reta ko, jare jae reta iñemoñaa ko Cristo ou uyeyapo kuimbaerä wae. Erëi yepe tëi Cristo jae ko Tumpa etei jare opaete mbaembae iYa, jesewe judío reta wɨrɨ̈ro. Tuyembutuichaka Cristo jee jaeño mái pewa. Jukuärái tuiko.

1 Corintios 15:47

Jare ¿këraita ra ko oï kuri yanderete? Jokua kuimbae tenondewaete wae ɨwɨ pewa ko, echa’ä ɨwɨ wi etei Tumpa uyapo ramo. Jare jukuärái wi yanderete ɨwɨ pewa ko Adán jete rami. Erëi joko wi ɨma katu rupi ou wi kuimbae ambɨe ye wae ara pewa – jae ko Cristo. Jare añawe yande ko jae Cristo pewa ramo, yanderete oïta wi kuri jae jete rami – jae ko ara pewa.

2 Corintios 12:9

Erëi jae jei chewe kuärái: “Ambɨsɨrɨta’ä ndewi. Erëi che chepɨakawi rupiño nomborɨta nemɨawäta waerä. Jokuaño ko ikawita ndewe. Echa’ä nepɨräta’ä neï yawe, jare che nomborɨ nemɨawäta waerä yawe, jokoropi ko chepuere aechaka kërái chembaepuere tuichaete ko.” Jukuärái yandeYa jei chewe. Jáeramo che ayerowia chepɨräta mbae wae re, jare jokua re ko che chemiärita aï. Echa’ä chepɨräta mbae wae rupi uyekuaa Cristo imbaepuere.

Gálatas 4:4

Erëi ara uwäe ma yawe Tumpa jei wae, jae ombou Taɨ kua ɨwɨ pe. Jae oa pëti kuña wi yande rami. Jare jae ko judío ramo, jae iko wi Moisés arakae uikuatía wae rupi. Jukuärái Tumpa ombou Taɨ

Efesios 3:8

¡Tuichaete ko Tumpa ipɨakawi yandekotɨ! Mase, che ko jae opaete Cristo re wɨrowia wae reta wi taɨkuewaete, echa’ä tenonde yawe ayembowaicho aiko Cristo kotɨ. Erëi Tumpa ipɨakawiete rupi umee chewe amɨmbeu waerä judío mbae wae reta pe kërái Tumpa umeeta oï ipotawe kía Cristo re wɨrowia wae pe jeta mbaembae ikawiete ye opa mbae wae.

Colosenses 1:19

Jukuärái ko, echa’ä Tumpa etei iko Taɨ jete re opaete imbaepuere rewe. Jukuärái Tumpa uipota iko jare jukuärái jae uyapo.

Colosenses 2:3

Pipota yawe pearakuaa, jayawe Cristo re uñewäe arakuaa. Jare pipota yawe pikuaa mbae rewa, Cristo uikuaa opaetei mbaembae. Jokua arakuaa ko jae mbae ikawiete ye wae yanemaerä.

Colosenses 2:9

Cristo ko jae ikawiete wae opaete jokua nunga arakuaa wi, echa’ä Cristo ko jae Tumpa etei uyeyapo kuimbaerä wae.

1 Timoteo 3:16

Jare ikawiete ye ko kua yemboe, echa’ä uikuaaka yandewe kuärái: Jae ikoño mái wae uyeyapo kuimbaerä. Espíritu Santo uikuaaka kawi yandewe jae ko Tumpa Taɨ wae. Araɨwa reta uecha uyerowia rewe. Uyemɨmbeu jesewa opaete kerupi. Jare jeta wae reta wɨrowia jese. Jare Tu wɨraa ye ara pe oï waerä jae ndiwe. Jukuärái jokua yemboe añetete wae uikuaaka yandewe.

Hebreos 1:3

Jare Taɨ iñee imbaepuerete wae rupi opaete jokua mbaembae jekuaeño ime ñonoï. Taɨ rupi uyekuaa Tumpa imbaepuere jembipete ye wae jare kërái etei ko Tumpa wae. Taɨ etei ou kua ɨwɨ pe umano waerä mbaembae yayawɨ Tumpa kotɨ wae re opa umbái waerä yandewi. Joko wi jae ikowe ye ou umanokue wae reta ipɨte wi, jare oo ye ara pe uwapɨ Tumpa iyakata kotɨ kiape onoi mbaepuere Tumpa ndiwe opaete mbaembae re.

Hebreos 1:5

Echa’ä Tumpa mbae jei Taɨ pe wae, jokua nunga jei’ä pëti awe araɨwa pe. Echa’ä jae jei Taɨ pe kuärái: “Nde ko jae cheRaɨ. Kua ara etei aikuaaka aï opaete wae pe che ko jae ndeRu.” Jae nunga wi Tumpa jei Taɨ rewa kuärái: “Che aikota chupe Tuurä jare jae ikota cheRaɨrä.” Jukuärái Tumpa jei Taɨ rewa. Erëi jokua jei’ä pëti awe araɨwa pe.

Hebreos 10:5

Jokua jeko pewa ko Cristo ou yawe kua ɨwɨ pe, jei Tumpa pe kuärái: “Nde ndipota’ä mbaemɨmba uyeyukakue reta jare mbaembae ikawi wae reta uñemee ndewe waerä. Jáeramo nde nemee chewe cherete amee waerä mbaembae ndekotɨ uyawɨ reta wae re.

Hebreos 2:11

Jesús ko ñaneñono tee Tumpa pewarä. Jare yande ñaï pëti tëtara Jesús ndiwe ramo, jae uyerowiaete oï ñanereni tɨwɨ jare jindɨ retarä.

Hebreos 5:5

Jae ramiño wi Cristo mbaetɨ ko jaei uyembɨjee sacerdote tenondewaeterä. YandeRu Tumpa ko uiparawo jare umbutuicha jei chupe yawe: “Nde ko jae cheRaɨ. Kua ara etei aikuaaka aï opaete wae pe che ko jae ndeRu.” Jukuärái jei chupe.

1 Juan 4:14

Jare jokuaño’ä ko. Jae nunga wi yandeRu Tumpa ombou Taɨ ɨwɨ pe uepɨ waerä ɨwɨ pewa reta. Jukuärái ore nduecha ma, jare jukuäraiete wi ore nduikuaaka noï opaete wae pe.

1 Juan 4:9

Jare Tumpa uechaka yandewe yanderau ko kuärái: Jae ombou Taɨ jae waeño wae kua ɨwɨ pe yande yandepuere waerä ñanoi tekowe opa mbae wae Taɨ uyapo yandewe wae rupi.

2 Juan 1:7

Jukuärái jae pewe, echa’ä kua ɨwɨ pe ime jeta upurumbɨtawɨ wae reta. Jae reta wɨrowia’ä yandeYa Jesucristo uyeyapo kuimbaerä wae. Ime yawe kía jukuärái uyemɨngeta wae, jae ko upurumbɨtawɨ wae jare jae ko Cristo kotɨ oyowaicho oï wae.

Apocalipsis 21:3

Jare ayandu pëti ñee ara wi usapɨkai rewe jei: “Mase, añawe wiwe Tumpa jëta oï ɨwɨ pewa reta ipɨte pe. Tumpa ikota jae reta ndiwe jare jae reta yurekota Tumpa imaerä. Jare Tumpa etei ikota jae reta iTumparä,” jei.