San Juan 1:12 - Biblia

¹² Erëi amokue wae reta umbɨresiwe. Wɨrowia reta jese. Jáeramo jae reta Tumpa uyapo taɨ retarä yureko waerä.

Guaraní Pe (Western): Simba

¹² Ẽrei amocue vae umbɨresive. Güɨrovia jese. Jáeramo jae umee cua reta pe Tumpa taɨ retarã jare tayɨ retarã yugüɨreco vaerã.

San Juan 1:12 Iomraidhean Croise

Oseas 1:10

Tumpa jei: “Israel iñemoñaa reta ikota ɨwɨkuïti ɨ wasu jembeɨ rupi oï wae rami, echa’ä jetaeteta ko jare ndarau kiawe ipuereta uipapa reta. Tenonde yawe che jae chupe reta: ‘Pe reta chembae’ä ko,’ jaese chupe reta. Erëi opaete kerupi rupi jukuärái che jae wae rupi, pëti ara jaeta chupe reta: ‘Che ko jae peTumpa aikoño mái wae. Jare pe reta ko jae cheraɨ reta.’ Jukuärái jaeta chupe reta,” jei Tumpa.

San Mateo 10:40

Jesús jei wi chupe reta: “Ime yawe kía pembɨasa kawi jëta pe wae, che ko chembɨasa oï rami. Jare jokua chembɨasa wae, chembou wae etei ko umbɨasa oï wi,” jei.

San Mateo 12:21

Jare jeta judío mbae wae reta wi wɨrowiata jese.” Jukuärái jei arakae Tumpa Upuruepɨ wae rewa.

San Mateo 18:5

“Jeta wae reta jei tëi sambiaɨ reta usiriwe’ä ko. Erëi che tae pewe, ime yawe kía umbɨasa kawi pëti sambiaɨ kua rami wae, jare jukuärái uyapo cheré wɨrowia ramo, chembɨasa kawi ko oï wi,” jei chupe reta.

San Juan 1:11

Jae ou judío reta ipɨ. Jare yepe tëi jae reta ko jëtáɨwa, erëitu opaete seri jae reta wɨrɨ̈ro.

San Juan 11:52

Erëi mbaetɨta umano judío reta reño. Umanota iko wi opaete Tumpa taɨ reta kerupi rupi ñonoï wae re jae reta yureko waerä pëti ramiño.

San Juan 2:23

Jayawe Jesús upɨta Jerusalén pe umbɨasa waerä pascua iara reta yemɨmandúa pewa. Jare jae joko pe oï rambuewe, uyapo mbaembae kiawe ipuere’ä uyapo wae uechaka waerä chupe reta Tumpa wi ou wae ko jae. Jáeramo jeta wae reta wɨrowia jese.

San Juan 20:31

Erëi kua uyekuatía oï wae uyekuatía ko pe reta perowia waerä Jesús jae ko Cristo jei chupe reta wae jare Tumpa Taɨ etei ko. Jare jukuärái perowia jese yawe, penoita tekowe opa mbae wae jae imbaepuere rupi.

San Juan 3:18

Jare opaete Tumpa Taɨ re wɨrowia wae reta, Tumpa mbaetɨ ma umbɨjeko reta. Erëi opaete Taɨ re wɨrowia’ä wae reta, Tumpa umbɨjeko ma reta, echa’ä jae reta wɨrɨ̈ro Tumpa Taɨ jae waeño wae.

Hechos 3:16

“Añetete ko, ore ndorowia kawi Jesús re jeko pewa kua kuimbae uwata mbaei iko wae uwata ma oï. Pe reta pecha jare pikuaa ipuere mbae uwata iko wae. Erëitu ore ndorowia Jesús re ramo, jae umee orewe mbaepuere numɨnguera waerä kua kuimbae opaete pe reta perowai,” jei Pedro chupe reta.

Romanos 8:14

Añetete ko, Tumpa taɨ añetete wae reta jae ko kía kía Espíritu Santo uparawɨkɨ oï jese wae.

Romanos 8:16

Jare Espíritu Santo etei jekuaeño uikuaaka oï yandewe yandepɨa pe yande ko jae Tumpa taɨ wae.

Romanos 8:19

Jare opaete mbaembae Tumpa uyapo wae uäro ñonoï wi ikɨrëɨete rewe jokua ara. Echa’ä jokua ara Tumpa yandekuaakata oï opaete wae pe yande ko jae Tumpa taɨ reta wae.

Gálatas 3:26

Jare añawe opaete pe reta Tumpa taɨ reta ma ko Jesucristo re perowia ramo.

Gálatas 4:6

Jare Tumpa taɨ reta ma yaiko ramo, jae ombou Espíritu Santo ikoño mái Taɨ ndiwe wae iko waerä yandepɨa pe. Jare jae ko uparawɨkɨ yanderé yandepuere waerä yae Tumpa pe yandepɨa rewe, “Cheru.”

Colosenses 2:6

Jayawe pe reta perowia ma Jesucristo re peYarä iko ramo, jayawe jekuaeño piko Jesucristo uipota wae rupi. Echa’ä pe reta pëti ramiño ko peï jese.

2 Pedro 1:4

Jare Tumpa imbaepuere jare ipɨakawi rupi yayekou ñaï mbaembae ikawiete ye wae re Tumpa jei umeeta iko yandewe wae re. Jare pe reta kua re piyekou peï ramo, pereko ipuere iko Tumpa jeko rami. Jare jukuärái kua ɨwɨ pewa reta jeko ikawi mbae wae ndarau pererükumewa. Añetete kua ɨwɨ jeko rupi yureko wae reta uñererükumewa ma, echa’ä jaeño uipota uyapo reta mbae ikawi mbae wae.

1 Juan 3:1

Mase, kërái etei ra ko yandeRu Tumpa yanderau, echa’ä jae jei yandewe, “Cheraɨ retarä ko.” Jare jokua ko jae yande reta. Erëi kua ɨwɨ jeko rupi yureko wae reta uikuaa’ä kía ko yande wae, echa’ä uikuaa’ä reta yandeRu Tumpa ramo.

1 Juan 3:10

Jukuärái ko yandepuere yaikuaa kía ra ko jae Tumpa taɨ reta wae jare kía ra ko jae Añawasu taɨ reta wae. Opaete mbae jupi mbae uyapo wae reta Tumpa pewa’ä ko. Jare jae nunga wi opaete uau’ä japicha wae reta Tumpa pewa’ä ko wi.

1 Juan 3:2

Cheïru puau wae reta, añawe yande ko jae Tumpa taɨ reta. Jare ndeiño Tumpa uikuaaka yandewe kërái eteita ra ko ñaï kuri wae. Erëi yaikuaa ko ñaïta Cristo rami jae ou ye yawe, echa’ä yaechata jae etei kërái ko jae wae.

1 Juan 3:23

Jare kua ko jae Tumpa jei yandewe wae: imeta ko yarowia Taɨ Jesucristo re, jare imeta ko yayerau päwe rewe kërái Cristo jei yandewe rami.